|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1333 | candrāpīḍastu jayakuñjarakumbhasthalāsphālanasaṃkrānta siṃdūramiva svabhāvapāṭalaṃ, dhanurguṇākarṣaṇakṛtakiṇaśyāmalam, kacagrahākṛṣṭiruditārilakṣmīlocanaparāmarśalagnāñjanabindumiva, visarpannakhakiraṇatayā atirabhasena pradhāvitābhiriva vivardhitābhiriva prahasitābhirivāṅgulībhirupetam, sparśalobhācca tatkālakṛtasanniveśāḥ sarāgāḥ pañcāpīndriyavṛttīraparā ivāṅgulīrudvahantam prasāritavān pāṇim / | | kad pb1.1334 | tatra ca sā tatkālasulabhavilāsadarśanakutūhalibhiriva kuto'pyāgatya sarvarasairadhiṣṭhitā / | | kad pb1.1335 | tenānibaddhalakṣyatayā śūnyaprasāritena, candrāpīḍahastānveṣaṇāyeva puraḥpravirttitanakhāṃśunivahena, vepathucalitavalayāvalīvācālena sambhāṣaṇamiva kurvatā hastena, svedasalilapātapūrvakaṃ 'gṛhyatāmayaṃ manmathena datto dāsajanaḥ' ityātmānamiva pratigrāhayantī, 'adya prabhṛti bhavato haste varttate' iti jīvitamiva sthāpayantī, tāmbūlamadāt / |
|
| |
|
| |
