| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1342 | sā cākathayat ?? 'eṣā bhartṛduhituḥ sakhī kādambaryyāḥ kālindīti nāmnā sārikā, etasya parihāsanāmnaḥ śukasya bharttṛdārikayaiva pāṇigrahaṇapūrvakaṃ jāyāpadaṃ grāhitā / | | kad pb1.1343 | adya cāyamanayā pratthūṣasi kādambaryyāstāmbūlakaraṅkavāhinīmimāṃ tamālikāmekākinīṃ kimapi pāṭhayan dṛṣṭo yataḥ, tataḥ prabhṛti sañjāterṣyā kopaparāṅmukhī nainamupasarpati, nālapati, na spṛśati, na vilokayati, sarvābhirasmābhiḥ prasādyamānāpi na prasīdatī'ti / | | kad pb1.1344 | etadākarṇya sphuritakapolodaraścandrāpīḍo mandaṃ mandaṃ vihasyābravīt ?? 'astyeṣā kathā, śrūyata evaitadrājakule karṇaparamparayā, parijano'pyevaṃ mantrayate, bahirapi janāḥ kathayanti, evaṃ digantareṣvapyayamālāpo varttata eva, asmābhirapyetadākarṇitameva, 'yathā kila devyāḥ kādambaryyāstāmbūladāyinīṃ tamālikāṃ kāmayamānaḥ parihāsanāmā śuko madanaparavaśo gatānyapi dināni na vettī'ti / |
|
