|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1604 | tatra sudhādhavalāṃ kālindījalataraṅgamayyeva marakatasopānamālayā pramadavanavedikālamavadhārya kimapi vyāharttumicchantī niścaladhṛtatārakeṇa niṣpandapakṣmaṇā cakṣuṣā mukhaṃ me suciraṃ vyalokayat / | | kad pb1.1605 | vilokayantyeva ca kṛtasaṅkalpā madanāgniṃ praveṣṭumicchantī sasnāviva svedāmbhasaḥ srotasi, srotaseva taralīkṛtā samakampata, kampitāṅgī ca patanabhiyevāgṛhyata viṣādena / | | kad pb1.1606 | ātha mayā viditābhiprāyayā tanmukhaviniveśitaniṣkampanayanadattāvadhānayā 'ājñāpaya' iti vijñāpite nijāvayavairapi vaipathumadbhirnivāryamāṇeva, rahasyaśravaṇalajjayā ātmapratimāmapi likhitamaṇikuṭṭimena caraṇāṅguṣṭhenāpakramāyevāmṛśantī, bhavanakalahaṃsān kuṭṭimollekhamukharanūpureṇa caraṇāravindena visarjayantī, karṇotpalamadhukarānapi svidyadvadanavyajanīkṛtena aśukapallavenotsārayantī, tāmbūlavīṭikāśakalamutkocamiva dantakhaṇḍitaṃ śikhaṇḍine dadatī, vanadevatāśravaṇaśaṅkiteva muhurmuhuritastato vilokayantī, vaktukāmāpi na śaknoti sma kiñcidapi lajjākalitagadgadā gaditum / |
|
| |
|
| |
