| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.770 | ativāhitadivasaśca yāminīmapi svaśayanīyasya nātidūre nihitaśayananiṣaṇṇena vaiśampāyanena, anyataśca samīpe kṣititalavinyasta kuthaprasuptayā patralekhayā saha, antarā pitṛsaktam, antarā mātṛsambaddham, antarā śukanāsamayaṃ kurvannālāpaṃ nāti jātanidraḥ prāyeṇa jāgradeva ninye / | | kad pb1.771 | pratyūṣe cotthāya tenaiva krameṇānavarataprayāṇakaiḥ pratiprayāṇakamupacīyamānena senāsamudāyena jarjarayan vasundharām, ākampayan girīn, utsiñcan saritaḥ, riktīkurvan sarāṃsi, cūrṇayan kānanāni, samīkurvan viṣamāṇi, dalayan durgāṇi, pūrayannimnāni, nimnayan sthalāni prātiṣṭhata / | | kad pb1.772 | śanaiḥ śanaiśca svecchayā paribhraman; namayannunnatān, unnamayannatān, āśvāsayan bhītān, rakṣan śaraṇāgatān, unmūlayan viṭapakān, utsādayan kaṇṭakān, abhiṣiñcan sthānasthāneṣu rājaputrān, samajayan ratnāni, pratīcchannupāyanāni, gṛhṇan karān, ādiśan deśavyavasthāḥ, sthāpayan svacihnāni, kurvan kīrttanāni, lekhayan śāsanāni, pūjayannagrajanmanaḥ, praṇaman munīn, pālayannāśramān, janayan janānurāgam, prakāśayan vikramam, āropayan pratāpam, upacinvan yaśaḥ, vistārayan guṇān, prakhyāpayan saccaritam, āmṛdnaṃśca velāvanāni, balareṇubhirādhūsarīkṛtasakalasāgarasalilaḥ pṛthivīṃ vicacāra / |
|
