•  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •

Context: the preceding and the following line for kādambarī ub1.1728 back to results view  |  new search

Text Name kādambarī Transcribed by students of the Institute of Indian Studies, Faculty of Arts, Charles University, Prague. Proofread by students of the Institute of Indian Studies, Faculty of Arts, Charles University, Prague. Notes ...

kad ub1.1727 yadyevaṃ tataḥ prāpayatu māṃ tatraiva bhagavān / kad ub1.1728 uttāmyati me hṛdayaṃ taddarśanāya' iti / kad ub1.1729 evaṃ vadannevāgrato gaganāgamanavegādayathāsthitajaṭākalāpam, anilapathasaṃcaraṇacalitaikāñcalottarīyam, tarutvacā dṛḍhābaddhaparikaram, ardhatruṭitayajñopavītasanāthāsthiśeṣoraskam, niḥśeṣasurapathāvataraṇaśramocchvasitaśarīram, samīraṇāpahṛtamapi marutpathotpannakhedasaṃbhṛtamudakapraveśānnisyandamānasvedamānanena madavalokanaduḥkhodgataṃ ca bāṣpajalalavavisaramīkṣaṇābhyāṃ yugapadutsṛjantam, mumukṣumapi matsnehenāmuktam, vītarāgamapi matpriyahitaratam, niḥsaṅgamapi matsamāgamotsukam, niḥspṛhamapi madarthasaṃpādanaparyākulam, nirmamamapyupārūḍhasneham, nirahaṃkāramapyahamevāyamiti māṃ manyamānam, samujjhitakleśamapi madarthe kliśyantam, samaloṣṭāśmakāñcanatāsukhitamapi madduḥkhaduḥkhitam, kṛtajñamakṛtajñaḥ snehalaprakṛtiṃ rūkṣacetāḥ sukṛtinamapuṇyavānanugataṃ vāmasvabhāvo bhāvārdrahṛdayamekāntaniṣṭhuromitraṃ vairī vacanakaramanāśravo mahātmānaṃ durātmā kapiñjalamahamadrākṣam /

back to results view  |  new search

(c) 1998 - 2005 Seminar of Indian Studies, Institute of South and Central Asia, Faculty of Arts, Charles University.