| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad ub1.753 | ye ca snigdheṣvapi rūkṣāḥ, ṛjuṣvapi vakrāḥ, sādhuṣvapyasādhavaḥ, guṇavatsvapi duṣpaprakṛtayaḥ, bhartaryapyabhṛtyātmanaḥ, rāgiṣvapi kruddhāḥ, nirīhādapyāditsavaḥ, mitreṣvapi drohiṇaḥ, viśvastānāmapi ghātakāḥ, bhīteṣvapi prahāriṇaḥ, prītipareṣvapi dveṣiṇaḥ, vinīteṣvaṣyuddhatāḥ, dayāpareṣvapi nirdayāḥ, strīṣvapiśūrāḥ, bhṛtyeṣvapi krūrāḥ, dīneṣvapi dāruṇaāḥ / | | kad ub1.754 | yeṣāṃ ca viparītānāṃ gurava eva laghavaḥ, nīcā evoccaiḥ, agamyā eva gamyāḥ, kudṛṣṭireva saddarśanam, akāryameva kāryam, anyāya eva nyāyaḥ, asthitireva sthitiḥ, anācāra evācāraḥ, ayuktameva yuktam, avidyaiva vidyā, avinaya eva vinayaḥ, dauḥśīlyameva suśīlatā, adharma eva dharmaḥ, anṛtemeva satyam / | | kad ub1.755 | yeṣāṃ ca kṣudrāṇāṃ prajñā parābhisaṃdhānāya na jñānāya, śrutamālajālāya nopaśamāya, parākramaḥ prāṇināmupaghātāya nopakārāya, utsāho dhanārjanāya na yaśase, sthairyaṃ vyasanāsaṅgāya na cirasaṃgatāya, dhanaparityāgaḥ kāmāya na dharmāya / |
|
