|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.776 | ekadā tu tatrastha evendrāyudhamāruhya mṛgayānirgataḥ vicaran kānanaṃ śailaśikharādavatīrṇaṃ yadṛcchayā kinnaramithunamadrākṣīt / | | kad pb1.777 | apūrvadarśanatayā tu samupajātakutūhalaḥ kṛtagrahaṇābhilāṣastatsamīpamādarādupasarpitaturagaḥ samupasarpan, adṛṣṭapūrvapuruṣadarśanatrāsapradhāvitañca tat palāyamānamanusaran, anavaratapārṣṇiprahāradviguṇīkṛtajavenendrāyuvena ekākī nirgatya nijabalasamūhāt sudūramanusasāra' / | | kad pb1.778 | atra gṛhyate, idaṃ gṛhītam idaṃ gṛhītam' ityatirabhasākṛṣṭacetā mahājavatayā turaṅgamasya muhūrttamātreṇaikapadamivāsahāyastasmāt pradeśāt pañcadaśayojanamātramadhvānaṃ jagāma / |
|
| |
|
| |
