|
| |
|
| |
| Text Name | mālatīmādhavam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| mlm 3.106 | kadhaṃ vi uvaladdhaṇiddāsuhā seapajjharidapādapallavuvvantapiṇḍālattaarasā tharatharāantapīvarorumūlavisaṃvadidaṇīvībandhaṇā ukkhubbhantahiaantaruttaraṃgaṇīsāsavisamucchasantapamhalapaoharovariṇihidavevantabhualadāveḍhabandhaṇā jhatti paḍibodhavelāvisajjiduvviṇṇadiṭṭhiviṇivādaviṇṇādasuṇṇasaaṇijjasaṃjādamohamīlantaloaṇā sasaṃbhamasahīaṇapaattapaḍivaṇṇamucchāviccheasamaasaṃgalidadīhaṇīsāsasesajīvidā kiṃkādavvamūḍhadāe paḍhamappatthidaṇiajīvidāvasāṇaṃduvvāradevvavilasidovālambhamettavvāvāraṃ amhārisaṃ jaṇaṃ karedi / | | mlm 3.107 | tā pekkhadu bhaavadī imesu dāva lāvaṇṇabhūiṭṭhaṇimmāṇaparivelavesu aṅgesu dāruṇaviambhidassa kiacciraṃ kusalāvasāṇadā mammahassa bhavissadi kadhaṃ a imāiṃ ramaṇakelikalahakovovarāapallaviakeralīkavolakomaluvvellantavimalacandacandioddāmadalidatimirāvaraṇāiṃ vihāvarīmuhāiṃ / | | mlm 3.108 | ime a ullasidaduddhasindhupūradhavalujjalajoṇhājalappakkhālidagaaṇaṅgaṇā parimalidapāḍalāvaulaṇimmahaṇabahalaparimaluggārasaṃvalaṇamasiṇamaṃsalāantamalaamārududdhūmāvidadahadisāmuhā vasantaraaṇīpariṇāhā aṇatthakāriṇo bhavissanti piasahīe tti / |
|
| |
|
| |
