|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.586 | dvāradeśāvasthāpitaturaṅgaśca vaiśampāyanamavalambya puraḥ pradhāvitaiḥ samutsāritaparijanaistatpratīhāramaṇḍalairupadiśyamānamārgaḥ, tathaiva calitamukuṭakoṭibhirnarendravṛndaiḥ sevāsamupasthitairutthāya praṇamyamānaḥ tathaiva ca pracaṇḍapratīhārahuṅkārabhayamūkībhavatparijanāni pracalitavetralatācakitasāmantacakracaraṇaśatacalitavasundharāṇi kakṣāntarāṇi nirīkṣamāṇaḥ, tathaiva ca navanavasudhāvadātaprāsādasahasranirantaraṃ dvitīyamiva rājakulaṃ śukanāsabhavanaṃ viveśa / | | kad pb1.587 | praviśya cānekanarendrasahasramadhyopaviṣṭam aparamiva pitaramupadaśitavinayo dūrāvanatena maulinā śukanāsaṃ vavande / | | kad pb1.588 | śukanāsastaṃ sasambhramamutthāya ānupūrvyeṇa utthitarājalokaḥ sādaramabhimukhadattāviralapadaḥ praharṣavisphāritalocanāgatānandajalakaṇaḥsaha vaiśampāyanena premṇā gāḍhamāliliṅga / |
|
| |
|
| |
