| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1449 | athaivaṃvādino'sya vacanamākṣipya madalekhā sasmitamavādīt ?? 'kumāra! bhavatu, atiyantraṇayā khidyate khalu sakhī kādambarī, kimarthañcaivamucyate, sarvamidamantareṇāpi vacanamanayā parigṛhītam, kiṃ punaramunopacāraphalgunā vacasā sandehadolāmāropyate' iti / | | kad pb1.1450 | sthitvā ca kañcit kālaṃ kṛtaprastāvā 'kathaṃ rājā tārāpīḍaḥ, kathaṃ devī vilāsavatī, kathamāryaḥ śukanāsaḥ, kīdṛśī cojjayinī, kiyatyadhvani sā ca, kīdṛg bhārataṃ varṣam, ramaṇīyo vā marttyalokaḥ' ityaśeṣaṃ papraccha / | | kad pb1.1451 | evaṃvidhābhiścānyābhiḥ kathābhiḥ suciraṃ sthitvotthāya kādambarī keyūrakaṃ candrāpīḍasamīpaśāyinaṃ samādiśya parijanañca, śayanasaudhaśikharamāruroha / |
|
