|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1410 | marakatagrāvaṇi muhūrttamupaviśya svayamutthāya tena candanāṅgarāgeṇānulipya te ca dvedukūle paridhāpya taiśca mālatīkusumadāmabhirāracitaśekharaṃ kṛtvā taṃ hāramādāya candrāpīḍamuvāca ?? 'kumāra! taveyamapahastitāhaṅkārakāntā peśalatā prītiparavaśaṃ janaṃ kamiva na kārayati? praśraya eva te dadātyavakāśamevaṃvidhānām / | | kad pb1.1411 | anayā cākṛtyā kasyāsi na jīvitasvāmī? anena cākāraṇāviṣkṛtavātsalyena caritena kasya na bandhutvamadhyāropayasi? eṣā ca te prakṛtimadhurā vyavahṛtiḥ kasya na vayasyatāmutpādayati? kaṃ vā na samāśvāsayantyamī svabhāvasukumāravṛttayo bhavadguṇāḥ? tvanmūrttirevātropālambhamarhati, yā prathamadarśana eva viśrambhamupajanayati / | | kad pb1.1412 | itarathā hi tvadvidhe sakalabhuvanaprathitamahimni prayujyamānaṃ sarvamevānucitamivābhāti / |
|
| |
|
| |
