|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.150 | evaṃ cāsya puraḥ kādambarīrūpaguṇāvaṣṭambhāhitaprāṇena balavatānurāgeṇākṛṣyamāṇasya paścādgurujanapratibandhadṛḍhatareṇa mahīyasā snehena ca vāryamāṇasya gambhīraprakṛteḥ saritpateriva candramasā sudūramullāsyamānasyāpi maryādāvaśādātmānaṃ stambhayataḥ kathaṃkathamapi katipayeṣvapi sahasrasaṃkhyāyamāneṣvatikrānteṣu vāsareṣvekadā raṇaraṇakasakāśādivāntaralabdhāvasthāno nirgatya bahirnagaryāstaraṃgasaṅgaśītasīkarāsāramarunti kalakvaṇitakalahaṃsacakravākacakravālākrāntasarasasukumārasaikatāni siprātaṭānyanusarannātidūramiva caraṇābhyāmeva babhrāma / | | kad ub1.151 | bhrāmyaṃśca rudratanayāyatanaṃ rayeṇāgacchataḥ sāvaṣṭambhayā gatyā tvaritakhurasacārānyujyamānāṃśca viralībhavataśca saṃghaṭṭamānāṃśca viśliṣyataścotsahamānāṃśca lambamānāṃśca parāpatataśca vicchinnapaṅktivyavasthānānskhalatopi patatopyavasīdatopi yathāśakti sādibhirutpīḍitānniḥsahatayā dūragamanakhedamatitvarayāgamanakāryagauravamāvedayato dūrādevātibahūniva turaṅgamānadrākṣīt / | | kad ub1.152 | dṛṣṭvā cotpannakutūhalasteṣāṃ parijñānāyānyatamaṃ puruṣaṃ prāhiṇot / |
|
| |
|
| |
