|
| |
|
| |
| Text Name | harṣacaritam |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| har 5.147 | anyasminnahani samīpamasya rājakulāddrutagativaśaviśīryamāṇālaṃkārajhāṃkāriṇī vijayaghoṣaṇeva viṣādasyākulacaraṇacalattulākoṭikvaṇitavācālitābhirudgrīvābhiḥ, kiṃ kimiti pṛcchyamāneva dūrādeva bhavanahaṃsībhiḥ, skhalitaviśālaśroṇiśiñjānaraśanānurāviṇībhiśca bāṣpāndhā samupadiśyamānamārgeva gṛhasārasībhiḥ, adṛṣṭakavāṭapaṭṭasaṃghaṭṭasphuṭitalalāṭapaṭṭarudhirapaṭalena paṭānteneva raktāṃśukasya mukhamācchādya prarudatī, saṃtāpabalavilīnakanakavalayarasadhārāmiva vetralatāmutsṛjantī, mukhamaruttaraṅgitāmuttarīyāṃśukapaṭīṃ sphurantīṃ phaṇinīva nirmokamañjarīmākarṣantī, namrāṃsasraṃsinānilavilolena nīlatamena tamālacīracīvareṇeva śokocitena dhammillaracanārahitena śiroruhasaṃcayena cañcatā prāvṛtakucā, kucatāḍanapīḍayā samucchūnātāmraśyāmatalaṃ muhurmuhuratyuṣṇāśrupramārjanapradagdhamiva karakiśalayaṃ dhunānā, cakṣurnirjhare śīryati snapayantīva śokāgnipraveśāya svakapolatalapratibimbitamāsannalokaṃ lolalocanapravṛttaistaralaistārakāṃśubhiḥ śyāmāyamānamātmaduḥkhena divasamapi dhantīva "kva kumāraḥ, kva kumāraḥ, iti puruṣaṃ pṛcchantī veleti nāmnā yaśovatyāḥ pratīhāryājagāma / | | har 5.148 | viṣaṇṇalokalocanapratyudgatā copasṛtya kuṭṭimanyastahastayugalā galantībhiḥ siñcantīva śuṣyantaṃ daśanadīdhitidhārābhirādhūsaramadharamadhomukhī vijñāpitavatī - "deva, paritrāyasva paritrāyasva / | | har 5.149 | jīvatyeva bhartari kimapyadhyavasitaṃ devyā" iti / |
|
| |
|
| |
