|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.736 | ityevaṃ vādino narapatervacanamākṣipya yugapacchokāmarṣābhyāmandhakāritānanaḥ prāvṛḍārambha iva taḍillatāduṣprekṣyo visphūrjiteneva sphuritādhareṇa śukanāso'bravīt' / | | kad ub1.737 | deva, yadi candramasyūṣmā, dahane cātiśītalatvam, aṃśumālini vā tamaḥ, tamasvinyāṃ vā divasaḥ, mahodadhau vā śoṣaḥ, śiteradhāraṇaṃ vā śeṣe, parārthānudyamo vā sādhoḥ, apriyavacananirgamo vā svajanamukhātsaṃbhāvyate tato yuvarājepi doṣaḥ / | | kad ub1.738 | tatkimevamevānirūpya tasyānātmajñasya mūḍhaprakṛterdurjātasya rājāpathyakāriṇo mātṛpitṛghātino mitradruhaḥ kṛtaghnasya karmacaṇḍālasya mahāpātakinaḥ kṛte kṛtayugāvatārayogyamātmanopi guṇavantamatyudāracaritaṃ candrāpīḍamevaṃ saṃbhāvayati devaḥ / |
|
| |
|
| |
