|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad ub1.1184 | tāṃ tu śrutvā kimetaditi vismitākṣiptahṛdayaḥ sarva eva parijano gaganatalaniveśitanirnimeṣalocano likhita iva patralekhāvarjamatiṣṭhat / | | kad ub1.1185 | patralekhā tu tena tasya jyotiṣastuṣāraśātalenāhlādahetunā sparśena labdhasaṃjñotthāyāviṣṭeva vegāddāvitvā parivardhakahastādācchidyendrāyudhamasmadvidhānāṃ yathā tathā bhavatu tvaṃ punarevamekākini vinā vāhanaṃ dūraṃ prasthite deve kṣaṇamapyavasthātuṃ na śobhasa ityabhidadhānā tenaivendrāyudhena sahātmānamacchodasarasyakṣipat / | | kad ub1.1186 | atha tayornimajjanasamayānantarameva tasmātsarasaḥ salilācchaivalotkaramiva śirasi lagnaṃ galajjalabindusaṃdohamayathāvalambidīrghaśikhaṃ mukhopariparasparāsakterasaṃskāramalinatayā copasūcitacirordhvabandhaṃ jaṭākalāpamudvahañjalārdradehāsaktena bisatantumayeneva brahmasūtreṇodbhāsamāno mlānāravindinīpalāśapṛṣṭhapāṇḍureṇa jīrṇamandāravalkalenābaddhaparikaraḥ kareṇānanāvarodhinīrjaṭāḥ samutsārayannaśrujalacchalenācchodasaraḥ salilamivāntaḥ praviṣṭamātāmrābhyāmudvahaṃllocanābhyāmudvignākṛtistāpasakumārakaḥ sahasaivodatiṣṭhat / |
|
| |
|
| |
