|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.228 | ityevamādikamasmatsaṃbaddhamālāpamākarṇya kiñcidupajātakutūhalo bhagavān jābālirīṣadāvalitakandharaḥ puṇyajalaiḥ prakṣālayanniva māmatipraśāntayā dṛṣṭyā dṛṣṭvā suciramupajātapratyabhijñāna iva punaḥ punarvilokya 'svasyaivāvinayasya phalamanenānubhūyate' ityavocat / | | kad pb1.229 | sa hi bhagavān kālatrayadarśī tapaḥprabhāvāddivyena cakṣuṣā sarvameva karatalagatamiva jagadavalokayati, vetti ca janmāntarāṇyapyatītāni, kathayatyāgāminamapyartham, īkṣaṇagocaragatānāñca prāṇināmāyuṣaḥ saṃkhyāmāvedayati / | | kad pb1.230 | tataḥ sarvaiva sā tāpasapariṣacchratvā viditatatprabhāvā 'kīdṛśo'nenāvinayaḥkṛtaḥ, kimarthaṃ vā kṛtaḥ, kva vā kṛtaḥ, janmāntare vā ko'yamāsīt' iti kutūhalinyabhavan, asakṛdupayācitavatī ca taṃ bhagavantam ?? 'āvedaya prasīda bhagavan! kīdṛśasyāvinayasya phalamanenānubhūyate, vihagajātau vā kathamasya sambhavaḥ, kimabhidhāno vā'yam, apanayatu naḥ kutūhalam āścaryyāṇāṃ hi sarveṣāṃ bhagavān prabhavaḥ' / |
|
| |
|
| |
