|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.924 | maddarśanaprītivistāritasya cottānatārakasya puṃḍarīkamayamiva tamuddeśamupadarśayato locanayugalasya visarpibhiraṃśusantānairyadṛcchayācchodasalilamapahāya vikacakuvalayavanairiva gaganatalamutpatitairarudhyanta daśadiśaḥ / | | kad pb1.925 | tayā tu tasyātiprakaṭayā vikṛtyā dviguṇīkṛtamadanāveśā tatkṣaṇamahamavarṇanayogyāṃ kāmapyavasthāmanvabhavam / | | kad pb1.926 | idañca manasyakaravam'anekasuratasamāgamalāsyalīlopadeśopādhyāyo makaraketureva vilāsānupadiśati, anyathā vividharasāsaṅgalaliteṣvīdṛśeṣu vyaktikareṣvapraviṣṭabuddherasya janasya kṛta iveyam anabhyastākṛtī ratirasaniṣyandamiva kṣarantī, amṛtamiva varṣantī, madamukuliteva, khedālaseva, nidrājaḍeva, ānandabharamantharatarattārasañcāriṇī, anibhṛtabhrūlatollāsinī dṛṣṭiḥ / |
|
| |
|
| |
