| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1099 | durātman! madanapiśāca! pāpa! nirghṛṇa! kimidamakṛtyamanuṣṭhitam? āḥ pāpe! duṣkṛtakāriṇi! durvinīte! mahāśvete! kimanena te'pakṛtam? āḥ pāpa! duścarita! candra! cāṇḍāla! kṛtārtho'si? idānīmapagatadākṣiṇya! dakṣiṇānilahataka! pūrṇāste manorathāḥ kṛtaṃ yat karttavyam? vahedānīṃ yatheṣṭam, hā bhagavan! śvetaketo! putravatsala na vetsi muṣitamātmānam, hā dharmma! niṣparigraho'si, hā tapaḥ! nirāśrayamasi, hā sarasvati! vidhavāsi, hā satya! anāthamasi, hā suraloka! śūnyo'si; sakhe! pratipālaya mām, ahamapi bhavantamanuyāsyāmi, na śaknomi bhavantaṃ vinā kṣaṇamapyavasthātumekākī / | | kad pb1.1100 | kathamaparicita ivādṛṣṭapūrva ivādya māmekapade utsṛjya prayāsi, kutastaveyamatiniṣṭhuratā, kathaya tvadṛte kva gacchāmi, kaṃ yāce, ka śaraṇamupaimi / | | kad pb1.1101 | andho'smi saṃvṛttaḥ, śūnyā me diśo jātāḥ, nirarthakaṃ jīvitam, aprayojanaṃ tapaḥ, niḥsukhāśca lokāḥ / |
|
