|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1232 | ākarṇya ca yattayā santatamuktamuktāsthūlāśrubinduvarṣaṃ ruditvā pratisandiṣṭam, tadeṣa tayaiva visajitastasyā eva vīṇāvāhakaḥ keyūrakaḥ kathayiṣyati' ityuktvā virarāma / | | kad pb1.1233 | viratavacasi tasyāṃ keyūrako'bravīt ?? 'bharttṛdārike! mahāśvete! devī kādambarī dṛḍhadattakaṇṭhagrahā tvāṃ vijñāpayati ?? 'yadiyamāgatya māmavadattaralikā, tat kathaya kimayaṃ gurujanānurodhaḥ? kimida maccittaparīkṣaṇam? kiṃ gṛhanivāsāparādhanipuṇopālambhaḥ? kiṃ premavicchedābhilāpaḥ? kiṃ bhaktajanaparityāgopāyaḥ? kiṃ vā prakopaḥ? / | | kad pb1.1234 | jānāsyeva me sahajapremanisyandanirbharaṃ hṛdayam, evamatiniṣṭharaṃ sandiśantī kathamasi na lajjitā? tathā madhurabhāṣiṇī kenāsi śikṣitā vaktumapriyaṃ paruṣamabhidhātuṃ vā? svastho'pi tāvat ka iva sahṛdayaḥ kanīyasyavasānavirase karmaṇīdṛśe matimupasarpayet? kimutātiduḥkhābhihatahṛdayo'smadvidho janaḥ / |
|
| |
|
| |
