|
| |
|
| |
| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| |
| kad pb1.1234 | jānāsyeva me sahajapremanisyandanirbharaṃ hṛdayam, evamatiniṣṭharaṃ sandiśantī kathamasi na lajjitā? tathā madhurabhāṣiṇī kenāsi śikṣitā vaktumapriyaṃ paruṣamabhidhātuṃ vā? svastho'pi tāvat ka iva sahṛdayaḥ kanīyasyavasānavirase karmaṇīdṛśe matimupasarpayet? kimutātiduḥkhābhihatahṛdayo'smadvidho janaḥ / | | kad pb1.1235 | suhṛdduḥkhakhedite hi manasi kaiva sukhāśā? kaiva nirvṛtiḥ? kīdṛśāḥ sambhogāḥ? kāni vā hasitāni? / | | kad pb1.1236 | yenedṛśīṃ daśāmupanītā priyasakhī kathamatidāruṇaṃ tamahaṃ viṣamivāpriyakāriṇaṃ kāmaṃ sakāmaṃ kuryām? divasakarāstamayavidhurāsu nalinīṣu sahavāsaparicayāccakravākayuvatiriva patisamāgamasukhāni parityajati, kimuta nāryaḥ / |
|
| |
|
| |
