| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1374 | tathā mahāśvetāvyatikareṇa pratijñā kṛtā priyasakhīnāṃ puro mantritam, tathā ca keyūrakasya haste sandiṣṭam / | | kad pb1.1375 | na khalu jānāmi mandabhāginī śaṭhividhinā vā, utsannamanmathena vā, pūrvakṛtāpuṇyasañcayena vā, mṛtyuhatakena vā, anyena vā kenāpyayamānīto mama vipralambhakaścandrāpīḍaḥ / | | kad pb1.1376 | ko'pi vā na kadācid dṛṣṭo nānubhūto na śruto na cintito notprekṣito māṃ viḍambayitumupāgataḥ, yasya darśanamātreṇaiva saṃyamya dattevendriyaiḥ, śarapañjare nikṣipya samarpiteva manmathena, dāsīkṛtyopanītevānurāgeṇa, gṛhītaguṇapaṇena vikrīteva hṛdayena, upakaraṇībhūtāsmi / |
|
