| Text Name | kādambarī |
| Transcribed by | students of the Institute of Indian Studies, Faculty of Arts, Charles University, Prague. |
| Proofread by | students of the Institute of Indian Studies, Faculty of Arts, Charles University, Prague. |
| Notes | ... |
|
| kad pb1.1376 | ko'pi vā na kadācid dṛṣṭo nānubhūto na śruto na cintito notprekṣito māṃ viḍambayitumupāgataḥ, yasya darśanamātreṇaiva saṃyamya dattevendriyaiḥ, śarapañjare nikṣipya samarpiteva manmathena, dāsīkṛtyopanītevānurāgeṇa, gṛhītaguṇapaṇena vikrīteva hṛdayena, upakaraṇībhūtāsmi / | | kad pb1.1377 | na me kāryaṃ tena capaleneti kṣaṇamiva saṅkalpamakarot / | | kad pb1.1378 | kṛtasaṅkalpā ca, antargatena 'mithyāvinīte! yadi mayā na kṛtyam, eṣa gacchāmi' iti hṛdayotkampacalitena parihasiteva candrāpīḍena, tatparityāgasaṅkalpasamakālaprasthitena kaṇṭhalagnena pṛṣṭeva jīvitena, 'aviśeṣajñe! punarapi prakṣālitalocanayā dṛśyatāmasau janaḥ pratyākhyānayogyo na ve'ti tatkālāgatenābhihiteva bāṣpeṇa, apanayāmi te sahāsubhirdhairyyāvalepa'miti nirbhartsiteva manobhuvā, punarapi tathaiva candrāpīḍābhimukhahṛdayā babhūva / |
|
