PANDANUS Project 
 •  Pandanus Homepage  •  Database of Plants  •  Publications  •  Sanskrit E-texts  •  Seminar of Indian Studies  •
 
 Results:  15 occurences of  'kṛṣṇāguru' found in 14 lines, displaying lines 1 to 14new search 
 
kad pb1.137madhye ca tasyātimahataḥ śabarasainyasya prathame vayasi varttamānam, atikarkaśatvādāyasamayamiva, ekalavyamiva janmāntarāgatam, udbhidyamānaśmaśrurājitayā prathamamadalekhāmaṇḍyamānagaṇḍabhittimiva gajayūthapatikumāram, asitakuvalayaśyāmalena dehaprabhāpravāheṇa kālindījaleneva pūrayantamaraṇyam, ākuṭilāgreṇa skandhāvalambinā kuntalabhāreṇa kesariṇamiva gajamadamalinīkṛtena kesarakalāpenopetam, āyatalalāṭam, atituṅgaghoraghoṇam, upanītasyaikakarṇābharaṇatāṃ bhujagaphaṇāmaṇerāpāṭalairaṃśubhirālohitīkṛtena parṇaśayanābhyāsāllagnapallavarāgeṇeva vāmapārśvena virājamānam, acirahatagajakopalagṛhītena saptacchadaparimalavāhinā kṛṣṇāgurupaṅkeneva surabhiṇā madena kṛtāṅgarāgam, upari tatparimalāndhena paribhramatā māyūrapicchātapatrānukāriṇā madhukarakulena tamālapallaveneva nivāritātapam, ālolapallavavyājena bhujabalanirjitayā bhayaprayuktasevayā vindhyāṭavyeva karatalenāpamṛjyamānagaṇḍasthalasvedalekham, āpāṭalayā hariṇakulakālarātrisandhyāyamānayā śoṇitārdrayeva dṛṣṭyā rañjayantamivāśāvibhāgān, ājānulambinā dikkuñjarakarapramāṇamiva gṛhītvā nirmmitena caṇḍikārudhirabalipradānārthamasakṛnniśitaśastrollekhaviṣamitaśikhareṇa bhujayugalenopaśobhitam, antarāntarā lagnāśyānahariṇarudhirabindunā svedajalakaṇikācitena guñjāphalamiśraiḥ karikumbhamuktāphalairiva viracitābharaṇena vindhyaśilātalaviśālena vakṣaḥsthalenodbhāsamānam, avirataśramābhyāsādullikhitodaram, ibhamadamalinamālānastambhayugalamupahasantamivorudaṇḍadvayena, lākṣālohitakauśeyaparidhānam, akāraṇe'pi krūrajātitayā baddhatripatākodagrabhrukuṭīkarāle lalāṭapaṭṭe prabalabhaktyārādhitayā 'matparigraho'yami' ti kātyāyanyā triśūlenevāṅkitam, upajātaparicayairanugacchadbhiḥ, śramavaśād dūrabinirgatābhiḥ svabhāvapāṭalatayā śuṣkābhirapi hariṇaśoṇitamiva kṣarantībhijihvābhirāvedyamānakhedaiḥ vivṛtamukhatayā spaṣṭadṛṣṭadantāṃśūn daṃṣṭrāntarālalagnakesarisaṭāniva sṛkkabhāgānudvahidbhiḥ, sthūlavarāṭakamālikāparigatakaṇṭhairmahāvarāhaprahārajarjaraiḥ, alpakāyairapi mahāśaktitvādanupajātakesarairiva kesarikiśorakaiḥ, mṛgavadhūvaidhavyadīkṣādānadakṣairanekavarṇaiḥ śvabhiḥ, atipramāṇābhiśca kesariṇāmabhayapradānayācanārthamāgatābhiḥ siṃhībhiriva kauleyakakuṭumbinībhiranugamyamānam, kaiścidgṛhītacamarabālagajadantabhāraiḥ, kaiścidacchidraparṇabaddhamadhupuṭaiḥ kaiścinmṛgapatibhiriva gajakumbhamuktāphalanikarasanāthapāṇibhiḥ, kaiścidyātudhānairiva gṛhītapiśitabhāraiḥ, kaiścit pramathairiva kesarikṛttidhāribhiḥ, kaiścit kṣapaṇakairiva mayūrapicchavāhibhiḥ, kaiścicchiśubhiriva kākapakṣadharaiḥ, kaiścit kṛṣṇacaritamiva darśayadbhiḥ, samutkhātavidhṛtagajadantaiḥ, kaiścijjaladāgamadivasairiva jaladharacchāyāmalināmbaraiḥ, anekavṛttāntaiḥ śabaravṛndaiḥ parivṛtam, araṇyamiva sakhaḍgadhenukam, abhinavajaladharamiva mayūrapicchacitracāpadhāriṇam, bakarākṣasamiva gṛhītaikacakram, aruṇānujamivoddhṛtānekamahānāgadaśanam, bhīṣmamiva śikhaṇḍiśatrum, nidāghadivasamiva satatāvirbhūtamṛgatṛṣṇam, vidyāgharamiva mānasavegam, parāśaramiva yojanagandhānusāriṇam, ghaṭotkacamiva bhīmarūpadhāriṇam, acalarājakanyakākeśapāśamiva nīlakaṇṭhacandrakābharaṇam, hiraṇyākṣadānavamiva mahāvarāhadaṃṣṭrāvibhinnavakṣaḥsthalam, atirāgiṇamiva kṛtabahubandīparigraham, piśitāśanamiva raktalubdhakam, gītakalāvilāsamiva niṣādānugatam, ambikātriśūlamiva mahiṣarudhirārdrakāyam, abhinavayauvanamapi kṣapitabahuvayasam, kṛtasārameyasaṃgrahamapi phalamūlāśanam, kṛṣṇamapyasudarśanam, svacchandapracāramapi durgaikaśaraṇam, kṣitibhṛtpādānuvarttinamapi rājasevānabhijñm, apatyamiva vindhyācalasya aṃśāvatāramiva kṛtāntasya, sahodaramiva pāpāsya, sārathimiva kalikālasya, bhīṣaṇamapi mahāsattvatayā gabhīramivopalakṣyamāṇam, anabhibhavanīyākṛtim, mātaṅganāmānaṃ śabarasenāpatimapaśyam /
kad pb1.263yasyāñca sandhyārāgāruṇā iva sindūramaṇikuṭṭimeṣu, prārabbhanīlakamalinīparimaṇḍalā iva marakatavedikāsu gaganatalaprasṛtā iva vaidūryyamaṇibhūmiṣu, timirapaṭalavighaṭanodyatā iva kṛṣṇāgurudhūmamaṇḍaleṣu abhibhūtatārakāpaṅktaya iva muktāprālambeṣu, vikacakamalacumbita iva nitambinīmukheṣu, grabhātacandrikāmadhyapatitā iva sphaṭikabhittiprabhāsugaganasindhutaraṅgāvalambina iva sitapatākāṃśukeṣu, pallavitā iva sūryyakāntopaleṣu, rāhumukhakuharapraviṣṭā ivendranīlavātāyanavivareṣu virājante ravigabhastayaḥ /
kad pb1.289tathāhi kadācidullasatkaṭhorakapolapulakajarjaritakarṇapallavānāṃ praṇayinīnāṃ candanajalacchaṭābhiriva smitasudhācchavibhirabhiṣicyamānaḥ, karṇotpalairiva locanāṃśubhistāḍyamānaḥ, kuṅkumadhūlibhirivābharaṇaprabhābhirākulīkriyamāṇalolalocanaḥ, dhavalāṃśukairiva karanakhamayūkhajālakairāhanyamānaḥ, campakakusumadalamālikābhiriva bhujalatābhirābadhyamānaḥ, daṣṭādharadhūtakaratalacalanmaṇivalayakalakalaramaṇīyam, atirabhasadalitadantapatradanturaśayanam, utkṣiptacaraṇagaladalaktakaraktaśekharam, sarabhasakacagrahacūrṇitamaṇikarṇapūram, ullasitakucakṛṣṇāgurupaṅkapatralatāṅkitapracchadapaṭam, acchaśramajalalulitagorocanātilakapatrabhaṅgam, anaṅgaparavaśaḥ suratamātatāna /
kad pb1.301kadācicca vighaṭitakanakakapāṭaprakaṭavātāyaneṣvanavaratadahyamānakṛṣṇāgurudhūmaraktairiva pārāvataiḥ adhyāsitaviṭaṅkeṣu mahāprāsādakukṣiṣu katipayāptasuhṛtparivṛto vīṇā reṇumurajamanoharamantaḥpurasaṅgītakaṃ dadarśa /
kad pb1.322kimiti ca hariṇa iva hariṇalāñchanena likhitaḥ kṛṣṇāgurupatrabhaṅgaḥ payodharabhāre? kena kāraṇena tanvīyaṃ haramukuṭacandralekheva gaṅgāsrotasā na vibhūṣitā hāreṇa varārohe! śirodharā? /
kad pb1.347kadākṛṣṇāgurupaṅkalikhitamadalekhālaṅkṛtagaṇḍasthalakaḥ, komalaravaḍiṇḍimadhvanijātaprītiḥ ūrdhvakaraviprakīrṇacandanacūrṇadhūlidhūsaraḥ, kuñcitāṅguliśikharāṅkuśākarṣaṇavidhūtaśirāḥ kariṣyati madamattagajarājalīlām /
kad pb1.412asya tu kiṃ pratividhāsyasi vighaṭamānadalakośaviśadacampakadyuteḥ savarṇatayā parimalānumīyamānakuṅkumāṅgarāgasya pāṇḍuratāmāpadyamānasya varṇasya, anayośca garbhasambhavāmṛtāvasekanirvāpyamāṇaśokānalaprabhavaṃ dhūmamiva vamatoḥ ānanagṛhītanīlotpalayoriva cakravākayoḥ tamālapallavalāñchitamukhayoriva kanakakalasayoḥ sakṛdivālikhitakṛṣṇāgurupaṅkapatralatayoḥ śyāmāyamānacūcukayoḥ payodharayoḥ, asya ca pratidinamatigāḍhatāmāpadyamānena kāñcīkalāpena dūyamānasya naśyattrivalilekhāvalayasya kraśimānamujjhato madhyabhāgasya' ityevaṃ bruvāṇamavanipālamantarmukhavinigūḍhahāsaḥ śukanāsaḥ'deva! kimāyāsayasi devīm, iyamanayā kathayā'pi lajjate, tyaja kulavaddhanākathitavārttāsambaddhamālāpam' ityabravīt /
kad pb1.568avatīryya ca karatalena kare vaiśampāyanamavalambya puraḥ savinayaṃ prasthitena balāhakenopadiśyamānamārgaḥ tribhuvanamiva puñjobhūtam, āgṛhītakanakavetralataiḥ sitavārabāṇaiḥ sitāṅgarāgaiḥ sitakusumaśekharaiḥ sitoṣṇīṣaiḥ sitaveṣaparigrahatayā śvetadvīpasambhavairiva kutayugapuruṣairiva mahāpramāṇairdivāniśamālikhitairiva utkīrṇairiva toraṇastambhaniṣaṇṇairdvārapālairanujjhitadvāradeśam, anekasañjavanacadraśālāviṭaṅkavedikāsaṅkaṭaśikharairabhraṅkaṣairupahasitakailāsaśailaśobhaiḥ amalasudhāvadātaiḥ saprāleyaśailamiva mahāprāsādaiḥ, anekavātāyanavivaravinirgatayuvatibhūṣaṇakiraṇasahasratayā kanakaśṛṅkhalājālakenevoparivistīrṇena virājamānam, antargatāyudhanivahābhirāśīviṣakulasaṅkulābhiḥ pātālaguhābhirivātigambhīrābhirāyudhaśālābhirupetam, abalācaraṇālaktakarasaraktamaṇiśakalaiḥ śikharanilīnaśikhikulakṛtakekāravakalakalaiḥ krīḍāparvatakairupaśobhitam, ujjvalavarṇakambalāvaguṇṭhitakanakaparyyāṇābhiḥ pralambacāmarakalāpa cumbita calakarṇapallavābhiḥkulayuvatibhirivoparūḍhaśikṣāvinayanibhṛtābhiḥ yāmakareṇukābhiraśūnyakakṣāntaram, ālānastambhaniṣaṇṇena ca navajaladharaghoṣagambhīram, anugatavīṇāveṇuravaramyam, āsphālitaghargharikāghargharam, anavaratamṛdumṛdaṅgadhvanim, āmīlitalocanatribhāgeṇa vāmadaśanakoṭiniṣāṇahastena niścalakarṇatālenākarṇayatā, salīlamubhayapārśvāvalambivarṇakambalatayā vindhyagiriṇevāviṣkṛtadhātuvicitrapakṣasampuṭena, ādhoraṇagītānandakṛtamandrakaṇṭhagarjitena, madajalaśabalaśaṅkhaśobhitaśravaṇapuṭena, rajanikarabimbacumbisaṃvarttakāmbudavṛndaviḍambakena karṇāntalambinā kāñcanamayena kṛtakarṇapūramivāṅkuśena mukhamadvahatā, madajalamalinena dvitīyeneva karṇacāmareṇa kapolataladolāyamānena madhukarakulenālaṅkriyamāṇena, atyudagratayā pūrvakāyasya ativāmanatayā ca jaghanabhāgasya pātālādiva uttiṣṭhatā, niśāsamayeneva parisphuratsārddhacandranakṣatramālena, śaradārambheṇeva prakaṭitāruṇacārupuṣkareṇa, vāmanarūpeṇeva kṛtatripadīvilāsena, sphaṭikagiritaṭeneva lagnasiṃhamukhapratimena, prasādhiteneva ālolakarṇapallavāhatamukhena, gandhamādananāmnā gandhahastinā sanāthīkṛtaikadeśam, ujjvalapaṭṭakambalapaṭuprāvāritapṛṣṭhaiśca rasitamadhuraghaṇṭikāravamukharakaṇṭhaiḥ, mañjiṣṭhālohitaskandhakesarabālaiḥ, nihatavanagajarudhirapāṭalasaṭairiva kesaribhiḥ, puronihitayavasarāśiśikharopaviṣṭamandurāpālaiḥ, āsannamaṅgalagītadhvanidattakarṇaiḥ, antaḥkapoladhṛtamadhurasarasalulitalājakavalaiḥ, bhūpālavallabhairmandurāgataisturaṅgamairudbhāsitam, adhikaraṇamaṇḍapagataiścāryyaveśairatyuccavetrāsanopaviṣṭairdharmmamayairiva dharmmādhikāribhirmahāpuruṣairadhiṣṭhitam, adhigatasakalagrāmanagaranāmabhirekabhavanamiva jagadakhilamālokayadbhirālikhitasakalabhuvanavyāpāratayā dharmmarājanagaravyatikaramiva darśayadbhiradhikaraṇalekhakairālikhyamānaśāsanasahasram, abhyantarāvasthitanarapatinirgamapratīkṣaṇapareṇa ca sthānasthāneṣu baddhamaṇḍalena, kanakamayārddhacandratārāgaṇaśavalaiḥ carmmaphalakairniśāsamayamiva darśayatā, sphuritaniśitakaravālakaraprarohakarālitātapena,ekaśravaṇapuṭaghaṭitadhavaladantapatreṇa ūrdhvabaddhamaulikalāpena, dhavalacandanasthāsakakhacitabhujorudaṇḍena, baddhāsidhenukena, andhradraviḍasiṃhalaprāyeṇa sevakajanena, āsthānamaṇḍapagatena ca yathocitāsanopaviṣṭena prasārayatā durodarakrīḍām, abhyasyatā'ṣṭāpadavyāpāram, āsphālayatā parivādinīm, ālikhatā citraphalake bhūmipālapratibimbam, ābadhnatā kāvyagoṣṭhīm, ātanvatā parihāsakathām, vindatā bindumatīm, cintayatā prahelikām, bhāvayatā narapatikṛtakāvyasubhāṣitāni, paṭhatā dvipadīm, gṛhṇatā kaviguṇān, utkiratā patrabhaṅgān, ālapatā vāravilāsinījanam, ākarṇayatā vaitālikagītam, anekasahasrasaṃkhyena dhavaloṣṇīṣapaṭāśliṣṭavikaṭakirīṭasaṅkaṭaśirasāsanirjharaśikharalagnabālātapamaṇḍaleneva kulaparvatacakravālena, mūrddhābhiṣiktena, sāmantalokenādhiṣṭhitam, āsthānotthitabhūmipālasaṃvarttitānāñca kuthānāṃ ratnāsanānāñca rāśibhiranekavarṇairindrāyadhapuñjairiva virājitasabhāparyyantam, amalamaṇibhūmisaṃkrāntamukhanivahapratibimbatayā vikacakamalapuṣpaprakaramiva sampādayatā, gativaśaraṇitanūpurapārihāryyaraśanāsvanamukhareṇa, skandhāvasaktakanakadaṇḍacāmareṇa, nirgacchatā praviśatā cānavarataṃ vāravilāsinījanenākulitam, ekadeśaniṣaṇṇacāmīkaraśṛṅkhalāsaṃyataśvagaṇam, itastataḥ pracalitaparicitāmitakastūrikākuraṅgaparimalavāsitadiṅmukham, anekakubjakirātavarṣavarabadhiravāmanamūkasaṅkulam, upāhṛtakinnaramithunam, ānītavanamānuṣam, ābaddhameṣakukkuṭakurarakapiñjalalāvakavarttikāyuddham, utkūjitacakorakādambahārītakokilam, lālapyamānaśukasārikam, ibhapatimadaparimalāmarṣajṛmbhitaiśca niṣkūjadbhiḥ śikhariṇāṃ jīvitairiva giriguhānivāsibhirgṛhītaiḥ pañjarakesaribhirudbhāsyamānam, uttrasyamānaiḥ kāñcanabhavanaprabhājanitadāvānalaśaṅkairlolatārakairbhramadbhirvanahariṇakadambakairlocanaprabhayā śavalīkṛtadigantaram, uddāmakekāravānumīyamānamarakatakuṭṭīmasthitaśikhaṇḍimaṇḍalam, atiśiśiracandanaviṭapicchāyāniṣaṇṇanidrāyamāṇagṛhasārasam, antaḥpureṇa ca bālikājanaprastutakandukapañcālikākrīḍena, aviratavāhyamānadolāśikharakvaṇitaghaṇṭāṭaṅkārapūritāśāmukhena, bhujaganirmmokaśaṅkitamayūrahriyamāṇahāreṇa, saudhaśikharāvatīrṇapracalitapārāvatakulatayā sthalotpalinīvanaśobhiteneva, antaḥpurikājanaprastutanarapaticaritaviḍambanakroḍena, aśvamandurāparibhraṣṭāgatairavaluptabhavanadāḍimīphalairākhaṇḍitāṅganasahakārapallavairabhibhūtakubjavāmanakirātakaratalācchinnāni bhūṣaṇāni vikiradbhiḥ kapibhirākulīkṛtena, śukasārikāprakāśitasuratavisrambhālāpalajjitāvarodhajanena, prāsādasopānasamārohaṇacalitairabalānāṃ caraṇāvasaktairmaṇimayaiḥ pade pade raṇadbhistulākoṭivalayairdviguṇīkṛtakūjitarutābhiḥ bhavanakalahaṃsamālābhirdhavalitāṅganena, dhṛtadhautadhavaladukūlottarīyaiḥ kaladhautadaṇḍāvalambibhiḥ palitapāṇḍuramaulibhirācāramayairiva vinayamayairiva maryyādāmayairiva maṅgalamayairiva gambhīrākṛtibhiḥ svabhāvadhīrairuṣṇīṣibhirvayaḥpariṇāme'pi jaratsiṃhairivāparityaktasattvāvaṣṭambhaiḥ kañcukibhiradhiṣṭhitena samupetābhyantaram, jaladharasanāthamiva kṛṣṇāgurudhūmapaṭalaiḥ, sanīhāramiva yāmakuñjaraghaṭākaraśikaraiḥ, saniśamiva tamālavīthikāndhakāraiḥ, sabālātapamiva raktāśokaiḥ, satārāgaṇamiva muktākalāpaiḥ, savarṣāsamayamiva dhārāgṛhaiḥ, sataḍillatamiva hemamayībhirmayūrayaṣṭibhiḥ, sagṛhadaivatamiva śālabhañjikābhiḥ, śivabhavanamiva dvārāvasthitadaṇḍapāṇipratīhāragaṇam, utkṛṣṭakavigadyamiva vividhavarṇaśreṇipratipādyamānānekābhinavārthasañcayam, apsarogaṇamiva prakaṭamanoramārambham, divasakarodayamiva ullasatpadmākarakamalāmodam, uṣṇakiraṇamiva nijalakṣmīkṛtakamalopakāram, nāṭakamiva patākāṅkaśobhitam, śoṇitapuramiva bāṇāyogyāvāsopetam, purāṇamiva vibhāgāvasthāpitasakalabhuvanakośam, sampūrṇacandrodayamiva mṛdukarasahasrasaṃvarddhitaratnālayam, diggajamivāvicchinnamahādānasantānam, brahmāṇḍamiva sakalajīvalokavyavahārakāraṇotpannahiraṇyagarbham, īśānabāhuvanamiva mahābhogimaṇḍalasahasrādhiṣṭhitaprakoṣṭham, mahābhāratamivānantagītākarṇanānanditanaram, yaduvaṃśamiva kulakramāgataśūrabhīmapuruṣottamabalaparipālitam, vyākaraṇamiva prathamamadhyamottamapuruṣavibhaktisthitānekādeśakārakākhyātasampradānakriyāvyayaprapañcasusthitam, udadhimiva bhayāntaḥpraviṣṭasapakṣabhūmibhṛtsahasramaṅkulam, uṣāniruddhasamāgamamiva citralekhādarśitavicitrasakala tribhuvanākāram, baliyajñamiva purāṇapuruṣavāmanādhiṣṭhitābyantaram, śuklapakṣapradoṣamiva vitataśaśikiraṇakalāpadhavalāmbaravitānam,
kad pb1.607krameṇa ca pratīcīṃ karṇapūraraktotpale lokāntaramupagate bhagavati gabhastimālini, samullasitāyāmambarataḍāgavikacakamalinyāṃ sandhyāyām, kṛṣṇāgurupaṅkapatralatāsthiva timiralekhāsu sphurantīṣu diśāṃ mukheṣu, alikulamalinena kuvalayavaneneva raktakamalākare timiranikareṇa utsāryamāṇe sandhyārāge, kamalinīnipītamātapamunmūlayitumandhakārakarapallaveṣviva praviśatsu raktakamalodarāṇi madhukarakuleṣu, śanaiḥ śanaiśca niśāvilāsinīmukhāvataṃsapallave galite sandhyārāge, dikṣu vikṣipteteṣu sandhyādevatāccanabalipiṇḍeṣu, śikharadeśalagnatimirāsvanārūḍhamayūrāsvapi mayūrādhiṣṭhitāsviva mayūrayaṣṭiṣu, gavākṣavivaranilīneṣu prāsādalakṣmīkarṇotpaleṣviva pārāvateṣu, vigatavilāsinīsaṃvāhananiścalakāñcanapīṭhāsu mūkībhūtaghaṇṭāsu antaḥpuradolāsu, bhavanasahakāraśākhāvalambitapañjareṣu, śukasārikānivaheṣu, saṅgītavirāmaviśrāntaravāsūtsāryyamāṇāsu vīṇāsu, yuvatinūpuraśabdopaśamanibhṛteṣu bhavanakalahaṃseṣu, apanīyamānakarṇaśaṅkhacāmaranakṣatramālāmaṇḍaneṣu madhukara śunyakapolabhittiṣu mattavāraṇeṣu, pradīpyamāneṣu rājavallabhaturaṅgamamandurāpradīpeṣu praviśantīṣu prathamayāma kuñjaraghaṭāsu, kṛtasvastyayaneṣu niṣkrāmatsu purohiteṣu, visarjitarājalokaviralaparijaneṣu vistāriteṣviva rāja kulakakṣāntareṣu, prajvalitadīpikāsahasrapratibimbacumbiteṣu kṛtavikacacanpakadalopahāreṣviva maṇibhūmikuṭṭimeṣu, nipatitadīpālokāsu ravivirahārttanalinīvinodanāgatabālātapāsviva bhavadīghikāsu, nidrālaseṣu pañjarakesariṣu, samāropitakārmmuke gṛhītasāyake yāmika ivāntaḥpurapraviṣṭe makaraketau, avataṃsapallaveṣviva sarāgeṣu karṇe kriyamāṇeṣu suratadvatīvacaneṣu, sūryakāntamaṇibhya iva saṃkrāntānaleṣu jvalatsu māninīnāṃ śokavidhureṣu hṛdayeṣu, pravṛttai pradoṣasamaye candrāpīḍaḥ prajvalitadīpikācakravālaparivāraścaraṇābhyāmeva rājakulaṃ gatvā pituḥ samīpe muhūrttaṃ sthitvā dṛṣṭvā ca vilāsavatīmāgatya svabhavanamanekaratnaprabhāśabalamuragarājaphaṇāmaṇḍalamiva hṛṣīkeśaḥ śayanatalamadhiśiśye /
kad pb1.1018sa khalu dharmmabuddhyā viṣalatāvanaṃsiñcati, kuvalayamāleti nistriṃśalatāmāliṅgati, kṛṣṇāgurudhūmalekheti kṛṣṇasarpamavagūhate, ratnamiti jvalantamaṅgāramabhispṛśati, mṛṇālamiti duṣṭavāraṇadantamusalam unmūlayati, mūḍho viṣayopabhogeṣvaniṣṭānubandhiṣu yaḥ sukhabuddhimāropayati /
kad pb1.1280pulināyamānamupavanalatāgalitakusumareṇupaṭalaiḥ, durddināyamānanibhṛtaparabhṛtanakhakṣatāṅgasahakāraphalarasavarṣaiḥ, nīhārāyamāṇamalinaviprakīrṇairvakulasekasīdhudhārādhūlibhiḥ, kāñcanadvīpāyamānaṃ campakadalopahāraiḥ, nīlāśokavanāyamānaṃ kusumaprakarapatitamadhukaravṛndāndhakāraiḥ, tathā ca sañcarataḥ strījanasya rāgasāgarāyamāṇaṃ caraṇālaktakarasavisaraiḥ, amṛtotpattidivasāyamānamaṅgarāgāmodaiḥ, candralokāyamānaṃ dantapatraprabhāmaṇḍalaiḥ, priyaṅguvanāya mānaṃ kṛṣṇāgurupatrabhaṅgaiḥ, lohitāyamānaṃ karṇapūrāśokapallavaiḥ, dhavalāyamānaṃ candanarasavilapanaiḥ, haritāyamānaṃ śirīṣakusumābharaṇaiḥ, atha sevārthamāgatenobhayata ūrdhvasthitena strījanena prākāreṇeva lāvaṇyamayena kṛtadīrgharathyāmukhākāraṃ mārgamadrākṣīt /
har 1.132krameṇa ca sāmīpyopajāyamānābhivyakti tasminmahati śapharodaradhūsare rajasi payasīva makaracakraṃ plavamānaṃ puraḥ pradhāvamānena, pralambakuṭilakacapallavaghaṭitalalāṭajūṭakena, dhavaladantapattrikādyutihasitakapolabhittinā, pinaddhakṛṣṇāgurupaṅkakalkacchuraṇakṛṣṇaśabalakaṣāyakañcukena, uttarīyakṛtaśiroveṣṭanena, vāmaprakoṣṭhaniviṣṭaspaṣṭahāṭakakaṭakena, dviguṇapaṭṭapaṭṭikāgāḍhagranthigrathitāsidhenunā, anavaratavyāyāmakṛśakarkaśaśarīreṇa, vātahariṇayūtheneva muhurmuhuḥ khamuḍḍīyamānena, laṅghitasamaviṣamāvaṭaviṭapena, koṇadhāriṇā, kṛpāṇapāṇinā, sevāgṛhītavividhavanakusumaphalamūlaparṇena, "cala cala, yāhi yāhi, apasarpāpasarpa, puraḥ prayaccha panthānam" ityanavaratakṛtakalakalena yuvaprāyeṇa, sahasramātreṇa padātibalena sanāthamaśvavṛndaṃ saṃdadarśa /
har 2.104paśya tāvaddevam, ityabhidhīyamānaśca tena madajalapaṅkilakapolapaṭṭapatitāṃ mattāmiva madaparimalena mukulitāṃ kathamapi tasmādṛṣṭimākṛṣya tenaiva dauvārikeṇopadiśyamānavartmā samatikramya bhūpālasahasrasaṃkulāni trīṇi kakṣyāntarāṇi caturthe bhuktāsthānamaṇḍapasya purastādajire sthitam, dūrādūrdhvasthitena prāṃśunā karṇikāragaureṇa vyāyāmavyāyatavapuṣā śastriṇā maulena śarīraparicārakalokena paṅktisthitena kārtasvarastambhamaṇḍaleneva parivṛtam, āsannopaviṣṭaviśiṣṭeṣṭalokam, haricandanarasaprakṣālite tuṣāraśīkaraśītalatale dantapāṇḍurapāde śaśimaya iva muktāśailaśilāpaṭṭaśayane samupaviṣṭam, śayanīyaparyantavinyaste samarpitasakalavigrahabhāram, bhuje diṅmukhavisarpiṇi dehaprabhāvitāne vitatamaṇimayūkhe gharmasamayasubhage sarasīva mṛdumṛṇālajālajaṭilajale sarājakaṃ ramamāṇam, tejasaḥ paramāṇubhiriva kevalairnirmitam, anicchantaṃ balādāropayitumiva siṃhāsanam, sarvāvayaveṣu sarvalakṣaṇairgṛhītam, gṛhītabrahmacaryamāliṅgitaṃ rājalakṣmyā, pratipannāsidhārādhāraṇavratamavisaṃvādinaṃ rājarṣim, viṣamarājamārgavinihitapadaskhalanabhiyeva sulagnaṃ dharme, sakalabhūpālaparityaktena bhīteneva labdhavācā sarvātmanā satyena sevyamānam, āsannavāravilāsinīpratiyātanābhiścaraṇanakhapātinībhirdigbhiriva daśabhiḥ praṇamyamānam, dīrgairdigantapātibhirddṛṣṭipātairlokapālānāṃ kṛtākṛtamiva pratyavekṣamāṇam, maṇīpādapīṭhapṛṣṭhapratiṣṭhitakareṇoparigamanābhyanujñāṃ mṛgyamāṇamiva divasakareṇa, bhūṣaṇaprabhāsamutsāraṇabaddhaparyantamaṇḍalena pradakṣiṇīkriyamāṇamiva divasena, apraṇamadbhirgiribhirapi dūyamānaṃ śauryoṣmaṇā, phenāyamānamiva candanadhavalaṃ lāvaṇyajaladhimudvahantam, ekarājyaurjityena nijapratibimbānyapi nṛpacakracūḍāmaṇidhṛtānyasahamānamiva darpaduḥkhāsikayā cāmarānilanibhena bahudheva śvasantīṃ rājalakṣmīṃ dadhānam, sakalamiva catuḥsamudralāvaṇyamādāyotthitayā śriyā samupaśliṣṭam, ābharaṇaprabhājālajāyamānānīndradhanuḥsahasrāṇīndraprābhṛtaprahitāni vilabhamānamiva rājñāṃ saṃbhāṣaṇeṣu parityaktamapi madhu vaṣantam, kāvyakathāsvapītamamṛtamudvamantam, visrambhabhāṣiteṣvanākṛṣṭamapi hṛdayaṃ darśayantaṃ, prasādeṣu niścalāmapi śriyaṃ sthāne sthāne sthāpayantam, vīragoṣṭhīṣu pulakitena kapolasthalenānurāgasaṃdeśamivopāṃśu raṇaśriyaḥ śṛṇvantam, atikrāntasubhaṭakalahālāpeṣu snehavṛṣṭimiva dṛṣṭimiṣṭe kṛpāṇe pātayantam, parihāsasmiteṣu gurupratāpabhītasya rājakasya svacchamāśayamiva daśanāṃśubhiḥ kathayantam, sakalalokahṛdayasthitamapi nyāye tiṣṭhantam, agocare guṇānāmabhūmau saubhāgyānāmaviṣaye varapradānānāmaśakya āśiṣāmamārge manorathānāmatidūre daivasyādiśyupamānānāmasādhye dharmasyādṛṣṭapūrve lakṣmyā mahattve sthitam, aruṇapādapallavena sugatamantharoruṇā vajrāyudhaniṣṭhuraprakoṣṭhapṛṣṭhena vṛṣaskandhena bhāsvadbimbādhareṇa prasannāvalokitena candramukhena kṛṣṇakeśena vapuṣā sarvadevatāvatāramivaikatra darśayantam, api ca māṃsalamayūkhamālāmalinitamahītale mahati mahārhe māṇikyamālāmaṇḍitamekhale mahānīlamaye pādapīṭhe kalikālaśirasīva salīlaṃ vinyastavāmacaraṇam, ākrāntakāliyaphaṇācakravālaṃ bālamiva puṇḍarīkākṣam, kṣaumapāṇḍureṇa caraṇanakhadīdhitipratānena prasaratā mahīṃ mahādevīpaṭṭabandheneva mahimānamāropayantam, apraṇatalokapālakopenevātilohitau sakalanṛpatimaulimālāsvatipītaṃ padmarāgaratnātapamiva vamantau sarvatejasvimaṇḍalāstamayasaṃdhyāmiva dhārayantāvaśeṣarājakaśekharakusumamadhurasasrotāṃsīva sravantau samastasāmantasīmantottaṃsasraksaurabhabhrāntairbhramaramaṇḍalairamitrottamāṅgairiva muhūrtamapyavirahitau saṃvāhanatatparāyāḥ śriyo vikacaraktapaṅkajavanavāsabhavanānīva kalpayantau jalajaśaṅkhamīnamakarasanāthatalatayā kathitacaturambhodhibhogacihnāviva caraṇau dadhānam, diṅnāgadantamusalābhyāmiva vikaṭamakaramukhapratibandhabandhurābhyāmudvelalāvaṇyapayonidhipravāhābhyāmiva phenāhitaśobhābhyāṃ candanadrumābhyāmiva bhogimaṇḍalaśiroratnaraśmirajyamānamūlābhyāṃ hṛdayāropitabhūbhāradhāraṇamāṇikyastambhābhyāmurudaṇḍābhyāṃ virājamānam, amṛtaphenapiṇḍapāṇḍunā mekhalāmaṇimayūkhakhacitena nitambabimbavyāsaṅginā vimalapayodhautena netrasūtraniveśaśobhinādharavāsasā vāsukīnirmokeṇeva mandaraṃ dyotamānam, aghanena satārāgaṇenoparikṛtena dvitīyāmbareṇa bhuvanābhogamiva bhāsamānam, ibhapatidaśanamusalasahasrollekhakaṭhinamasṛṇenāparyāptāmbaraprathimnā vividhavāhinīsaṃkṣobhakalakalasaṃmardasahiṣṇunā kailāsamiva mahatā sphaṭikataṭenoruṇoraḥkavāṭena rājamānam, śrīsarasvatyorurovadanopabhogavibhāgasūtreṇeva pātitena śeṣeṇeva ca tadbhujastambhavinyastasamastabhūbhāralabdhaviśrāntisukhaprasuptena hāradaṇḍena parivalitakaṃdharam, jīvitāvadhigṛhītasarvasvamahādānadīkṣācīreṇeva hāramuktāphalānāṃ kiraṇanikareṇa prāvṛtavakṣaḥsthalam, ajajigīṣayā bālairbhujairivāparaiḥ prarohadbhirbāhūpadhānaśāyinyāḥ śriyāḥ karṇotpalamadhurasadhārāsaṃtānairiva galadbhirbhujajanmanaḥ pratāpasya nirgamanamārgairivāvirbhavadbhiraruṇaiḥ keyūraratnakiraṇadaṇḍairubhayataḥ prasāritamaṇimayapakṣavitānamiva māṇikyamahīdharam, sakalalokālokamārgārgalena caturudadhiparikṣepakhātaśilāprākāreṇa sarvarājahaṃsabandhavajrapañjareṇa bhuvanalakṣmīpraveśamaṅgalamahāmaṇitoraṇenātidīrghadordaṇḍayugalena diśāṃ dikpālānāṃ ca yugapadāyatimapaharantam, sodaryalakṣmīcumbanalobhena kaustubhamaṇeriva mukhāvayavatāṃ gatasyādharasya galatā rāgeṇa pārijātapallavarasenenva siñcantam, diṅmukhānyantarāntarā suhṛtparihāsasmitaiḥ prakīryamāṇavimaladaśanaśikhāpratānaiḥ prakṛtimūḍhāyā rājaśriyāḥ prajñālokamiva darśayantam, mukhajanitendusaṃdehāgatāni kumudinīvanānīva preṣayantam, sphuṭadhavaladaśanapaṅktikṛtakumudavanaśaṅkāpraviṣṭāṃ śarajjyotsnāmiva visarjayantam, madirāmṛtapārijātagandhagarbheṇa bharitasakalakakubhā mukhāmodenāmṛtamathanadivasamiva sṛjantam, vikacamukhakamalakarṇikākośenānavaratamāpīyamānaśvāsasaurabhamivādhomukhena nāsāvaṃśena cakṣuṣaḥ kṣīrasnigdhasya dhavalimnā diṅmukhānyapūrvavadanacandrodayodvelakṣīrodaplāvitānīva kurvāṇam, vimalakapolaphalakapratimibmitāṃ cāmaragrāhiṇīṃ vigrahiṇīmiva mukhanivāsinīṃ sarasvatīṃ dadhānam, aruṇena cūḍāmaṇiśociṣā sarasvatīrṣyākupitalakṣmīprasādanalagnena caraṇālaktakeneva lohitāyatalalāṭataṭam, āpāṭalāṃśutantrīsaṃtānavalayinīṃ kuṇḍalamaṇikuṭilakoṭibālavīṇāmanavaratacalitacaraṇānāṃ vādayatāmupavīṇayatāmiva svaravyākaraṇavivekaviśāradam, śravaṇāvataṃsamadhukarakulānāṃ kalakvaṇitakamākarṇayantam, utphullamālatīmayena rājalakṣmyāḥ kacagrahalīlālagnena nakhajyotsnāvalayeneneva, mukhaśaśipariveśamaṇḍalena muṇḍamālāguṇena parikalitakeśāntam, śikhaṇḍābharaṇabhuvā muktāphalālokena marakatamaṇikiraṇakalāpena cānyonyasaṃvalanavṛjinena prayāgapravāhaveṇikāvāriṇevāgatya svayamabhiṣicyamānam, śramajalavilīnabahalakṛṣṇāgurupaṅkatilakakalaṅkakalpitena kālimnā prārthanācāṭucaturacaranapatanaśataśyāmikākiṇeneva nīlāyamānalalāṭalekhābhiḥ kṣubhitamānasodgatairutkalikākalāpairiva hā?rullasadbhiravaṣṭabhyamānābhirvilāsavalganacaṭurlairbhrūlatākalpairīrṣyayā śriyamiva tarjayantībhirāyāmibhiḥ śvasitairaviralaparimalairmalayamārutamayaiḥ pāśairivākarṣantībhirvikaṭabakulāvalīvarāṭakaveṣṭitamukhairbṛhadbhiḥ stanakalaśaiḥ svadārasaṃtoṣarasamivāśeṣamuddharantībhiḥ kucotkampikāvikārapreṅkhitānāṃ hārataralamaṇīnāṃ raśmibhirākṛṣya hṛdayamiva haṭhātpraveśayantībhiḥ prabhāmucāmābharaṇamaṇīnāṃ mayūkhaiḥ prasāritairbahubhiriva bāhubhirāliṅgantībhirjṛmbhānubandhabandhuravadanāravindāvaraṇīkṛtairuttānaiḥ karakisalayaiḥ sarabhasapradhāvitāni mānasānīva nirundhatībhirmadanāndhamadhukarakulakīryamāṇakarṇakusumarajaḥkaṇakūṇitakoṇāni kusumaśaraśaranikaraprahāramūrcchāmukulitānīva locanāni caturaṃ saṃcārayantībhiranyonyamatsarādāvirbhavadbhaṅgurabhrukuṭivibhramakṣiptaiḥ kaṭākṣaiḥ karṇendīvarāṇīva tāḍayantībhiranimeṣadarśanasukharasarāśiṃ mantharitapakṣmaṇā cakṣuṣā pītamiva komalakapolapālīpratibimbitaṃ vahantībhirabhilāṣalīlānirnimittasmitaiścandrodayāniva madanasāhāyakāya saṃpādayantībhiraṅgabhaṅgavalanānyonyaghaṭitottānakaraveṇikābhiḥ sphuṭanamukharāṅgulīkāṇḍakuṇḍalīkriyamāṇanakhadīdhitinivahanibhenākiṃcitkarakāmakārmukāṇīva ruṣā bhañjatībhirvāravilāsinībhirvilupyamānasaubhāgyamiva sarvataḥ, sparśasvinnavepamānakarakisalayagalitacaraṇāravindāṃ caraṇagrāhiṇīṃ vihasya koṇena līlālasaṃ śirasi tāḍayantam, anavaratakarakalitakoṇatayā cātmanaḥ priyāṃ vīṇāmiva śriyamapi śikṣayantam, niḥsneha iti dhanairanāśrayaṇīya iti doṣairnigraharuciritīndriyairdurupasarpa iti kalinā nīrasa iti vyasanairbhīrurityayaśasā durgrahacittavṛttiriti cittabhuvā strīpara iti sarasvatyā ṣaṇḍha iti parakalatraiḥ kāṣṭhāmuniriti yatibhirdhūrta iti veśyābhirneya iti suhṛdbhiḥ karmakara iti vipraiḥ susahāya iti śatruyodhairekamapyanekadhā gṛhyamāṇam, śantanormahāvāhinīpatim, bhīṣmājjitakāśinam, droṇāccāpalālasam, guruputrādamoghamārgaṇam, karṇānmintrapriyam, yudhiṣṭhirādbahukṣamam, bhīmādanekanāgāyutabalam, dhanaṃjayānmahābhārataraṇayogyam, kāraṇamiva kṛtayugasya, bījamiva vibudhasargasya, utpattidvīpamiva darpasya, ekāgāramiva karuṇāyāḥ, prātiveśikamiva puruṣottamasya, svaniparvatamiva parākramasya, sarvavidyāsaṃgītagṛhamiva sarasvatyāḥ, dvitīyāmṛtamathanadivasamiva lakṣmīsamutthānasya, baladarśanamiva vaidagdhyasya, ekasthānamiva sthitīnām, sarvasvakathanamiva kānteḥ, apavargamiva rūpaparamāṇusargasya, sakaladuścaritaprāyaścittamiva rājyasya, sarvabalasaṃdohāvaskandamiva kandarpasya, upāyamiva puraṃdaradarśanasya, āvartanamiva dharmasya, kanyāntaḥpuramiva kalānām, paramapramāṇamiva saubhāgyasya, rājasargasamāptyavabhṛthasnānadivasamiva sarvaprajāpatīnām, gambhīraṃ ca, prasannaṃ ca, trāsajananaṃ ca, ramaṇīyaṃ ca, kautukajananaṃ ca, puṇyaṃ ca, cakravartinaṃ harṣamadrākṣīt /
har 7.114tadyathā parārdhyaratnāṃśuśoṇīkṛtadigbhāgān, bhagadattaprabhṛtikhyātapārthivaparāgatānāhatalakṣaṇānalaṃkārān, prabhālepināṃ ca cūḍāmaṇīnāṃ samutkarṣān, kṣīrodadherdhavalatāhetūniva hārān, anekarāgaruciravetrakaraṇḍakuṇḍalīkṛtāni, śaraccandamarīciruñci śaucakṣamāṇi kṣaumāṇi kuśalaśilpilokollikhitānāṃ ca śuktiśaṅkhagalvarkapramukhānāṃ pānabhājanānāṃ nicayān, nicolakarakṣitarucāṃ ca rucirakāñcanapatrabhaṅgabhaṅgurāṇāmatibandhurapariveśānāṃ kārdaraṅgacarmaṇāṃ saṃbhārān, bhūrjatvakkomalāḥ sparśavatīḥ jātīpaṭṭikāḥ citrapaṭānāṃ ca mradīyasāṃ samūrukopadhānādīnvikārān, priyaṅguprasavapiṅgalatvañci cāsanāni vetramayānyaguruvalkalakalpitasaṃcayāni ca subhāṣitabhāñji pustakāni, pariṇatapāṭalapaṭolatviṃṣi ca taruṇahārītaharinti kṣīrakṣārīṇi ca pūgānāṃ pallavalambīni sarasāni phalāni, sahakāralatārasānāṃ ca kṛṣṇāgurutailasya ca kupitakapikapolakapilakāpotikāpalāśakośīkavacitāṅgīḥ sthavīyasīrvaiṇavīrnāḍīśca paṭṭasūtraprasevakārpitāṃśca bhinnāñjanakṛṣṇasya kṛṣṇāguruṇaḥ, guruparitāpamuṣaśca gośīrṣacandanasya, tuṣāraśilāśakalaśiśirasvacchasitasya ca karpūrasya, kastūrikākośakānāṃ ca pakvaphalajūṭajaṭilānāṃ ca rāśīn, atimadhuramadhurasāmodanirhāriṇīścollakakalaśīḥ sitāsitasya ca cāmarajātasya nicayān, avalambamānatūlikālābukāṃśca likhitānālekhyaphalakasaṃpuṭān, kutūhalakṛnti kanakaśṛṅkhalāniyamitagrīvāṇāṃ ca mithunāni, parimalāmoditakakubhaśca kastūrikākuraṅgān, gehaparisaraṇaparicitāśca camarīḥ cāmīkararasacitravetrapañjarāntargatāṃśca subahusubhāṣitajalpākajihvāṃśca śukaśārikāprabhṛtīn, pakṣiṇaḥ pravālapaṅjaragatāṃśca cakorān, jalahastināmudagrakumbhamuktāphaladāmadanturāṇi ca dantakāṇḍakuṇḍalāni /

 
 Click on the line number left to the text to display the context for the respective line.  |  new search 
 
 
 
 (c) 1998 - 2005 Seminar of Indian Studies, Institute of South and Central Asia, Faculty of Arts, Charles University.