| abh 7.95 | (iti hastaṃ prasārayati /) rājā - kathaṃ cakravartilakṣaṇamapyanena dhāryate / | | uru 259 | mayi gurunivapanavyagre vañcitaḥ kurutilakabhūtaḥ kururājaḥ / | | kad pb1.45 | āsīdaśeṣanarapatiśiraḥsamabhyarccitaśāsanaḥ pākaśāsana ivāparaḥ, caturudadhimālāmekhalāyā bhuvo bharttā, pratāpānurāgāvanatasamastasāmantacakraḥ, cakravartilakṣaṇopetaḥ, cakradhara iva karakamalopalakṣyamāṇaśaṅkhacakralāñchanaḥ, hara iva jitamanmathaḥ, guha ivāpratihataśaktiḥ, kamalayoniriva vimānīkṛtarājahaṃsamaṇḍalaḥ, jaladhiriva lakṣmīprasūtiḥ, gaṅgāpravāha iva bhagīrathapathapravṛttaḥ, raviriva pratidivasopajāyamānodayaḥ, meruriva sakalopajīvyamānapādacchāyaḥ, diggaja ivānavaratapravṛttadānārdrīkṛtakaraḥ karttā mahāścaryyāṇām, āharttā kratūnām, ādarśaḥ sarvaśāstrāṇām, utpattiḥ kalānām, kulabhavanaṃ guṇānām, āgamaḥ kāvyāmṛtarasānām, udayaśailo mitramaṇḍalasya, utpātaketurahitajanasya, pravarttayitā goṣṭhībandhānām, āśrayo rasikānām, pratyādeśo dhanuṣmatām, dhaureyaḥ sāhasikānām, agraṇīrvidagdhānām, vainateya iva vinatānandajananaḥ, vainya iva cāpakoṭisasutsāritasakalārātikulācalo rājā śūdrako nāma / | | kad pb1.65 | avanipatistu "dūrādālokaya" ityabhidhāya pratīhāryyā nirddiśyamānāṃ tāṃ vayāpariṇāmaśubhraśirasā raktarājīvanetrāpāṅgenānavaratakṛtavyāyāmatayā yauvanāpagame'pyaśithilaśarīrasandhinā satyapi mātaṅgatve nātinṛśaṃsākṛtinā anugṛhītāryyaveśena śubhravāsasāpuruṣeṇādhiṣṭhitapurobhāgām, ākulākulakākapakṣadhāriṇā kanakaśalākānirmmitamapyantargataśukaprabhāśyāmāyamānaṃ marakatamayamiva pañjaramudvahatā cāṇḍāladārakeṇānugamyamānām asuragṛhītāmṛtāpaharaṇakṛtakapaṭapaṭu vilāsinīveśasya śyāmatayā bhagavato harerivānukurvatīm, suñcāriṇīmivendranīlamaṇiputrikām, āgulphāvalambinā nīlakañcukenācchannaśarīrām, upari raktāṃśukaviracitāvaguṇṭhanāṃ nīlotpalasthalīmiva nipatitasandhyātapām, ekakarṇāvasaktadantapatraprabhādhavalitakapolamaṇḍalām udyadindukiraṇacchuritamukhīmiva vibhāvarīm, ākapilagorocanāracitatilakatṛtīyalocanām īśānucaritakirātaveśāmiva bhavānīm, uraḥsthalanivāsasaṃkrāntanārāyaṇadehaprabhāśyāmalitāmiva śriyam, kupitaharahutāśanadahyamānamadanadhūmamalinīkṛtāmiva ratim, unmadahalihalākarṣaṇabhayapalāyitāmiva kālindīm, atibahalapiṇḍālaktakarasarāgapallavitapādapaṅkajām, aciramṛditamahiṣāsurarudhiraraktacaraṇāmiva kātyāyanīm, ālohitāṅguliprabhāpāṭalitanakhamayūkhām atikaṭhinamaṇikuṭṭimasparśamasahamānāṃ kṣititale pallavabhaṅgāniva nidhāya sañcarantīm, āpiñjareṇotsarpiṇā nūpuramaṇīnāṃ prabhājālena rañjitaśarīratayā pāvakeneva bhagavatā rūpaikapakṣapātinā prajāpatimapramāṇīkurvatā jātisaṃśodhanārthamāliṅgitadehām, anaṅgavāraṇaśironakṣatramālāyamānena romarājilatālavālakena mekhalādāmnā parigatajadhanasthalām, atisthūlamuktāphalaghaṭitena śucinā hāreṇa gaṅgāsrotaseva kālindīśaṅkayā kṛtakaṇṭhagrahām, śaradamiva vikasitapuṇḍarīkalocanām, prāvṛṣamiva ghanakeśajālām, malayamekhalāmiva candanapallavāvataṃsām, nakṣatramālāmiva citraśravaṇābharaṇabhūṣitām, śriyamiva hastasthitakamalaśobhām, mūrcchāmiva manohāriṇīm, araṇyabhūmimiva akṣatarūpasampannām, divyayoṣitāmivākulīnām, nidrāmiva locanagrāhiṇīm, araṇyakamalinīmiva mātaṅgakuladūṣitām, amūrttāmiva sparśavarjitām, ālekhyagatāmiva darśanamātraphalām, madhamāsakusumasamṛddhimiva ajātim, anaṅgakusumacāpalekhāmiva muṣṭigrāhyamadhyām, yakṣādhipalakṣmīmivālakodbhāsinīm, aciroparūḍhayauvanām, atiśayarūpākṛtim, animiṣalocano dadarśa / | | kad pb1.105 | vaiśampāyanastu svayamupajātakutūhalena sabahumānamavanipatinā pṛṣṭo muhūrttamiva dhyātvā sādaramabravīt ?? 'deva! mahatīyaṃ kathā, yadi kautukamākarṇyatām ?? asti pūrvāparajalanidhivelāvanalagnā madhyadeśālaṅkārabhūtā mekhaleva bhuvaḥ, vanakarikulamadajalasekasaṃvarddhitairativikacadhavalakusumanikaramatyuccatayā tārāgaṇamiva śikharadeśalagnamudvahadbhiḥ pādapairupaśobhitā, madakalakurarakuladaśyamānamaricapallavā, karikalabhakaramṛditatamālakisalayāmodinī, madhumadoparaktakeralīkopalakomalacchavinā sañcaradvanadevatācaraṇālaktakarasarañjiteneva pallavacayena saṃcchāditā, śukakuladalitadāḍimīphaladravārdrīkṛtatalairaticapalakapikulakampitakampillacyutapallavaphalaśakalaiḥ anavaratanipatitakusumareṇupāṃśulaiḥ pathikajanaracitalavaṅgapallavasaṃstaraiḥ atikaṭhoranārikelaketakīkarīravakulaparigataprāntaiḥ tāmbūlīlatāvanaddhapūgaṣaṇḍamaṇḍitairvanalakṣmīvāsabhavanairiva virājitā latāmaṇḍapaiḥ, unmadamātaṅgakapolasthalagalitasalilasikteneva nirantaramekhalālatāvanena madagandhināndhakāritā, nakhamukhalagnebhakumbhamuktāphalalubdhaiḥ śabarasenāpatibhirabhihanyamānakeśariśatā pretādhipanagarīva sadāsannihitamṛtyubhīṣaṇā mahiṣādhiṣṭhitā ca, samarodyatapatākinīva bāṇāsanāropitaśilīmukhā vimuktasiṃhanādā ca, kātyāyanīva pracalitakhaḍgabhīṣaṇā raktacandanālaṅkṛtā ca, karṇīsutakatheva sannihitavipulācalā śaśopagatā ca, kalpāntapradoṣasandhyeva pranṛtyannīlakaṇṭhā pallavāruṇā ca, amṛtamathanaveleva śrīdrumopaśobhitā vāruṇīparigatā ca, prāvṛḍiva ghanaśyāmalā anekaśatahradālaṅkṛtā ca, candramūrttiriva satatamṛkṣasārthānugatā hariṇādhyāsitā ca, rājyasthitiriva camaramṛgabālavyajanopaśobhitā samadagajaghaṭāparipālitā ca, giritanayeva sthāṇusaṅgatā mṛgapatisevitā ca, jānakīva prasūtakuśalavā niśācarapari gṛhītā ca, kāminīva candanamṛgamadaparimalavāhinī rucirāgurutilakbhūṣitā ca, sotkaṇṭheva vividhapallavānilavījitā samadanā ca, bālagrīveva vyāghranakhapaṅktimaṇḍitā gaṇḍakābharaṇā ca, pānabhūmiriva prakaṭitamadhukośakaśatā prakīrṇavividhakusumā ca, kvacit pralayaveleva mahāvarāhadaṃṣṭrā samutkhātadharaṇimaṇḍalā, kvaciddaśamukhanagarīva caṭulavānaravṛndabhajyamānatuṅgaśālākulā, kvacidaciranirvṛttavivāhabhūmiriva haritakuśasamitkusumaśamīpalāśaśobhitā, kvacidunmattamṛgapatinādabhīteva kaṇṭakitā, kvacinmatteva kokilakulakalapralāpinī, kvacidunmatteva vāyuvegakṛtatālaśabdā, kvacidvidhaveva unmuktatālapatrā, kvacit samarabhūmiriva śaraśaranicitā, kvacidamarapatitanuriva netrasahasrasaṅkulā, kvacinnārāyaṇamūrttiriva tamālanīlā, kvacit pārtharathapatākeva vānarākrāntā, kvacidavanipatidvārabhūmiriva vetralatāśataduṣpraveśā, kvacidvirāṭanagarīva kīcakaśatāvṛtā, kvacidambaraśrīriva vyādhānugamyamānataralatārakamṛgā, kvacidagṛhītavrateva darbhacīrajaṭāvalkaladhāriṇī, aparimitabahalapatrasañcayā'pi saptaparṇabhūṣitā, krūrasattvā'pi munijanasevitā, puṣpavatyapi pavitrā vindhyāṭavī nāma / | | kad pb1.120 | tasyaiva padmasarasaḥ paścime tīre rāghavaśaraprahārajarjaritajīrṇatālataruṣaṇḍasya ca samīpe diggajakaradaṇḍānukāriṇā jaradajagareṇa satatamāveṣṭitamūlatayā baddhamahālavāla iva tuṅgaskandhāvalambibhiranilavellitairahinirmmokairdhṛtottarīya iva dikcakravālaparimāṇamiva gṛhṇatā bhuvanāntarālaviprakīrṇena śākhāsaṃcayena pralayakālatāṇḍavaprasāritabhujasahasramuḍupatiśekharamiva viḍambayitumudyataḥ, purāṇatayā patanabhayādiva vāyuskandhalagnaḥ nikhilaśarīravyāpinībhiratidūronnatābhirjīrṇatayā śirābhiriva parigato vratatibhiḥ, jarātilakabindubhiriva kaṇṭakairācitatanuḥ itastataḥ paripītasāgarasalilairgaganāgataiḥ patrarathairiva śākhāntareṣu nilīyamānaiḥ kṣaṇamambubhārālasairārdrīkṛtapallavairjaladharapaṭalairapyadṛṣṭaśikharaḥ, tuṅgatayā nandanavanaśriyamivāvalokayitumabhyadyataḥ, svasamīpavarttināmupari saṃcaratāṃ gaganatalagamanakhedāyāsitānāṃ ravirathaturaṅgamāṇāṃ sṛkkaparisrutaiḥ phenapaṭalaiḥ sandehitatūlarāśibhirdhavalīkṛtaśikharaśākhaḥ, vanagajakapolakaṇḍūyanalagnamadanilīnamattamadhukaramālena lohaśṛṅkhalābandhananiścaleneva kalpasthāyinā mūlena samupetaḥ, koṭarābhyantaraniviṣṭaiḥ sphuradbhiḥ sajīva iva madhukarapaṭalaiḥ, duryyodhana ivopalakṣitaśakunipakṣapātaḥ, nalinanābha iva vanamālopagūḍhaḥ, navajaladharavyūha iva nabhasi daśitonnatiḥ, akhilabhuvanatalāvalokanaprāsāda iva vnadevatānām, adhipatiriva daṇḍakāraṇyasya, nāyaka iva sarvavanaspatīnām, sakheva vindhyasya, śākhābāhubhirupaguhyeva vindhyāṭavīmavasthito mahān jīrṇaḥ śālmalīvṛkṣaḥ / | | kad pb1.186 | anatidūramiva gatvā diśi diśi sadāsannihitakusuma phalaiḥ tālatilakatamālahintālavakulabahulaiḥ, elālatākulitanārikelakalāpaiḥ, ālolalodhralavalīlavaṅgapallavaiḥ, ullasatcūtareṇupaṭalaiḥ, alikulajhaṅkāramukharasahakāraiḥ, unmadakokilakulakalālāpakolāhalibhiḥ, utphullaketakīkusumamañjarīrajaḥpuñjapiñjaraiḥ, pūgīlatādolādhirūḍhavanadevataiḥ, tārakāvarṣamivādharmmavināśapiśunaṃ kusumanikaramanilacalitamanavaratamatidhavalamutsṛjadbhiḥ, saṃsaktapādapaiḥ kānanairupagūḍham, acakitapracalitakṛṣṇasāraśataśabalābhiḥ, utphullasthalakamalinīlohinībhiḥ, mārīcamāyāmṛgāvalūnaprarūḍhavīruddalābhiḥ, dāśarathicāpakoṭikṣatakandagarttaviṣamitatalābhiḥ, daṇḍakāraṇyasthalībhirupaśobhitaprāntam, āgṛhītasamitkuśakusumamṛdbhiḥ adhyayana mukharaśiṣyānugataiḥ sarvataḥ praviśadbhiḥ munibhiraśūnyopakaṇṭham, utkaṇṭhitaśikhaṇḍimaṇḍalaśrūyamāṇajalakalaśapūraṇadhvānam, anavaratājyāhutiprītaiścitrabhānubhiḥ saśarīrameva munijanamamaralokaṃ ninīṣubhiḥ, uddhūyamānadhūmalekhācchalenābaddhyamānasvargamārgagamanasāpānasetumivopalakṣyamāṇam, āsannavattinībhistapodhanasamparkādivāpagatakāluṣyābhiḥ, taraṅgaparamparāsaṃkrāntaravibimbapaṅktibhiḥ, tāpasadarśanāgatasaptarṣimālāvigāhyamānābhiriva, ativikacakumudavanamṛṣijanamupāsitumavatīrṇaṃ grahagaṇamiva niśāsūdvahantībhirdīrghikābhiḥ parivṛtam, anilāvanamitaśikharābhiḥ praṇamyamānamiva vanalatābhiḥ, anavaratamuktakusumairabhyarcyamānamiva pādapaiḥ, ābaddhapallavāñjalibhiḥ upāsyamānamiva viṭapaiḥ, uṭajājiraprakīrṇaśuṣyacchyāmākam, upasaṃgṛhītāmalakalavalīlavaṅgakarkandhūkadalīlakucacūtapanasatālaphalam, adhyayanamukharavaṭujanam, anavarataśravaṇagṛhītavaṣaṭakāravācālaśukakulam, anekasārikodghuṣyamāṇasubrahmaṇyam, araṇyakukkuṭopabhujyamānavaiśvadevavalipiṇḍam, āsannavāpīkalahaṃsapotabhujyamānanīvāravalim, eṇījihvāpallavopalihyamānamunibālakam, agnikāryyārddhadagdhasimasimāyamānakuśasamitkusumam, upalabhagnanārikelarasasnigdhaśilātalam, acirakṣuṇṇavalkalarasapāṭalabhūtalam, raktacandanopaliptādityamaṇḍalanihitakaravīrakusumam, itastato vikṣiptabhasmalekhālaṅkṛtamunijanabhojanabhūmibhāgam, paricitaśākhāmṛgakarākṛṣṭayaṣṭiniṣkāśyamānajaradandhatāpasam, ibhakarabhakārddhopabhuktapatitaiḥ sarasvatībhujalatāvigalitaiḥ śaṅkhavalayairiva mṛgālaśakalaiḥ kalmāṣitam, ṛṣijanārthameṇakairviṣāṇaśikharotkhanyamānavividhakandamūlam, ambupūrṇapuṣkarapuṭairvanakaribhirāpūryyamāṇaviṭapālavālakam, ṛṣikumārakākṛṣyamāṇavanavarāhadaṃṣṭrāntarālalagnaśālūkam, upajātaparicayaiḥ kalāpibhiḥ pakṣapuṭapavanasandhukṣyamāṇa munihomahutāśanam, ārabdhāmṛtacarucārugandham, arddhapakvapuroḍāśapuṇyaparimalāmoditam, avicchinnājyadhārāhutihutabhughuṅkāramukharitam, upacaryyamāṇātithivargam, pūjyamānapitṛdaivatam, arcyamāna hariharapitāmaham, upadiśyamānaśrāddhakalpam, vyākhyāyamānayajñavidyam, ālocyamānadharmmaśāstram, paṭhyamānavividhapustakam, vicāryyamāṇasakalaśāstrārtham, ārabhyamāṇaparṇaśālam, upalipyamānājiram, upamṛjyamānoṭajābhyantaram, ābadhyamānadhyānam, sādhyamānamantram, abhyasyamānayogam, upahriyamāṇavanadevatāvalim, nirvarttyamānamauñjamekhalam, prakṣālyamānavalkalam, upasaṃgṛhyamāṇasamidham, saṃskriyamāṇakṛṣṇājinam, gṛhyamāṇagavedhukam, śoṣyamāṇapuṣkarabījam, grathyamānākṣamālam, gṛhyamāṇatripuṇḍrakam, nyasyamānavetradaṇḍam, āpūryyamāṇakamaṇḍalum, adṛṣṭapūrvaṃ kalikālasya, aparicitamanṛtasya, aśrutapūrvamanaṅgasya, abjayonimiva tribhuvanavanditam, asurārimiva prakaṭitavarāhanarasiṃharūpam, sāṃkhyamiva kapilādhiṣṭhitam, mathuropavanamiva balāvalīḍhadarpitadhenukam, udayanamivānanditavatsakulam, kimpuruṣādhirājyamiva munijanagṛhītakalaśābhiṣicyamānadrumam, nidāghasamayāvasānamiva āsannajalaprapātam, jaladharasamayamiva vanagahanamadhyasukhasuptaharim, hanūmantamivaśilāśakalaprahārasañcūṇitākṣāsthisañcayam, khāṇḍavavināśodyatārjunamiva prārabdhāgnikāryyam, surabhivilepanadharamapi satatāvirbhūtadhūmagandham, mātaṅgakulādhyāsitamapi pavitram, ullasitadhūmaketuśatamapi praśāntopadravam, paripūrṇadvijapatimaṇḍalasanāthamapi sadāsannihitatarugahanāndhakāram, atiramaṇīyamaparamiva brahmalokamāśramamapaśyam / | | kad pb1.192 | tatkṣaṇakṛtakusumopahāraramaṇīyasya nātimahataḥ parimaṇḍalatayā vistīrṇāvakāśasya raktāśokataroradhaśchāyāyāmupaviṣṭam, atyugratapobhirbhuvanamiva sāgaraiḥ kanakagirimiva kulācalaiḥ kratumiva vaitānavahnibhiḥ kalpāntadivasamiva ravibhiḥ, kālamiva kalpaiḥ, samantānmaharṣibhiḥ parivṛtam, ugraśāpabhītayeva kampitadehayā, praṇayinyeva vihitakeśagrahayā, kraddhayeva kṛtabhrūbhaṅgayā, mattayevākulitagamanayā, prasādhitayeva prakaṭitatilakayā jarayā, gṛhītavratayeva bhasmadhavalayā dhavalīkṛtavigraham, āyāminībhiḥ palitapāṇḍurābhiḥ tapasā vijitya munijanamakhilaṃ dharmmapatākābhirivocchritābhiḥ amaralokamāroḍhuṃ puṇyarajjubhirivopasaṃgṛhītābhiḥ atidūrapravṛddhasya tapastaroḥ kusumamañjarībhirivodgatābhirjaṭābhirupaśobhamānam, uparacitabhasmatripuṇḍrakeṇa tiryyakpravṛttatripathagāsrotastrayeṇa himagiriśilātaleneva lalāṭaphalakenopetam, adhomukhacandrakalākārābhyāmavalambitabaliśithilābhyāṃ bhrūlatābhyāmavaṣṭabhyamānadṛṣṭim, anavaratamantrābhyāsavivṛtādharapuṭayā niṣpatadbhiratiśucibhiḥ satyaprarohairiva svacchendriyavṛttibhiriva vidyāguṇairiva karuṇārasapravāhairiva daśanamayūkhairdhavalitapurobhāgam, udvamadamalagaṅgāpravāhamiva jahnum, anavaratasomodgārasugandhiniśvāsāvakṛṣṭairmūrttimadbhiriva śāpākṣaraiḥ sadā mukhabhāgasannihitaiḥ parisphuradbhiralibhiravirahitam, atikṛśatayā nimnataragaṇḍagarttam unnatatarahanughoṇam ākarālatārakam avaśīryyamāṇaviralanayanapakṣmamālam udgatadīrgharomaruddhaśravaṇavivaram ānābhilambitakūrccakalāpamānanamādadhānam, aticapalānāmindriyāśvānām antaḥsaṃyamanarajjubhirivātatābhiḥ kaṇṭhanāḍībhirnirantarāvanaddhakandharam samunnataviralāsthipañjaram, aṃsālambitadhavalayajñopavītam, anilavaśajanitatanu taraṅgabhaṅgam utplavamānanavamṛṇālamiva mandākinīpravāham, akaluṣamaṅgamudvahantam, amalasphaṭikaśakalaghaṭitamakṣāvalayamatyujjvalasthūlamuktāphalaprathitaṃ sarasvatīhāramiva caladaṅgulivivaragatamāvarttayantam, anavaratabhramitatārakācakramaparamiva dhruvam, unnamatā śirājālakena jaratkalpatarumiva pariṇatalatāsañcayena nirantaranicitam, amalena candrāṃśubhirivāmṛtaphenairiva guṇasantānatantubhiriva nirmmitena mānasasarojalakṣālanaśucinā dukūlavalkalena dvitīyeneva jarājālakena saṃcchāditam, āsannavarttinā mandākinīsalilapūrṇena tridaṇḍopaviṣṭena sphāṭikakamaṇḍalunā vikacapuṇḍarīkarāśimiva rājahaṃsenopaśobhamānam, sthairyeṇācalānāṃ gāmbhīryyeṇa sāgarāṇāṃ tejasā savituḥ praśamena tuṣāraraśmeḥ nirmmalatayā'mbaratalasya saṃvibhāgamiva kurvvāṇam, vainateyamiva svaprabhāvopāttasakaladvijādhipatyam, kamalāsanamivāśramagurum, jaraccandanatarumiva bhujaṅganirmmokadhavalajaṭākulam, praśastavāraṇamiva pralambakarṇabālam, bṛhaspatimivājanmavarddhitakacam, divasamivodyadarkavimbabhāsvaramukham, śaratkālamiva kṣīṇavarṣam, śantanumiva priyasatyavratam, ambikākaratalamiva rudrākṣagrahaṇanipuṇam, śiśirasamayasūryyamiva kṛtottarāsaṅgam, baḍavānalamiva satatapayobhakṣyam, śūnyanagaramiva dīnānāthavipannaśaraṇam, paśupatimiva bhasmapāṇḍuromāśliṣṭaśarīram, bhagavantaṃ jābālimapaśyam / | | kad pb1.266 | yasyāñca niśi niśi pavanavilolairdūkūlapallavairullasadbhirmālavīharimukhakamalakāntilajjitasyendoḥ kalaṅkamivāpanayanto dūraprasāritadhvajabhujāḥ prāsādā lakṣyante / | | kad pb1.289 | tathāhi kadācidullasatkaṭhorakapolapulakajarjaritakarṇapallavānāṃ praṇayinīnāṃ candanajalacchaṭābhiriva smitasudhācchavibhirabhiṣicyamānaḥ, karṇotpalairiva locanāṃśubhistāḍyamānaḥ, kuṅkumadhūlibhirivābharaṇaprabhābhirākulīkriyamāṇalolalocanaḥ, dhavalāṃśukairiva karanakhamayūkhajālakairāhanyamānaḥ, campakakusumadalamālikābhiriva bhujalatābhirābadhyamānaḥ, daṣṭādharadhūtakaratalacalanmaṇivalayakalakalaramaṇīyam, atirabhasadalitadantapatradanturaśayanam, utkṣiptacaraṇagaladalaktakaraktaśekharam, sarabhasakacagrahacūrṇitamaṇikarṇapūram, ullasitakucakṛṣṇāgurupaṅkapatralatāṅkitapracchadapaṭam, acchaśramajalalulitagorocanātilakapatrabhaṅgam, anaṅgaparavaśaḥ suratamātatāna / | | kad pb1.323 | ki vṛthā vahasi vilāsini! sravadaśrujalalavadhautakuṅkumapatralataṃ kapolayugalam? idañca komalāṅgulidalanikaraṃ raktotpalamiva karatalaṃ kimiti karṇapūratāmāropitam? imāñca kena hetunā mānini! dhārayasyanuparacitagorocanābindutilakāmasaṃskṛtālakinīmalikalekhām? ayañca te bahulapakṣapadoṣa iva candralekhāvirahitaḥ karoti me dṛṣṭīkhedam atibahulatimirapaṭalāndhakāraḥ kusumarahitaḥ keśapāśaḥ / | | kad pb1.362 | pratidivasamutthāya sarvaratnopetāni haimāni tilapātrāṇi brāhmaṇebhyo dadau / | | kad pb1.438 | utthāya ca tathaiva tena caraṇavighaṭṭanakvaṇitanūpurasahasramukharitadigantareṇasarabhasotkṣepacalitamaṇivalayāvalīvācālitabhujalatena, ūrdhvīkṛtairuttānatalaiḥ karapuṭairanilalulitām ākāśagaṅgākamalinīmiva darśayatā, paryastamṛditakarṇapallavena, parasparāṅgadakoṭisaṭṭadaṣṭapāṭitottarīyāṃśukena, śramajaladhautāṅgarāgarañjitacīnavāsasā, kiñcidavaśiṣṭatamālapatreṇa, vilasadvāravilāsinīhasitairunnidrakairavavanānukāraṃ prathayatā, sarabhasavalānaskhalallolahāralatāsphālitakucasthalena, sindūratilakalulitālakalekhena, viprakīrṇapiṣṭātakapāṃśupuñjapiñjaritakeśapāśena, praṇṛtyavikalamūkakubjakirātavāmanabadhirajaḍajanapuraḥsareṇa, uttarīyāṃśukagrīvāvabaddhāvakṛṣṭaviḍambitajaratkañcukikadambakena, vīṇāveṇumurajakāṃsyatālalayānugatena, kalamadhuramudgāyatā, harṣanirbharatayā matteneva unmatteneva grahagṛhīteneva vyapagatavācyāvācyavivekena nṛtyagītakrīḍāprasaktenāntaḥpurikājanena, pracalitamaṇikuṇḍalāhatakapolabhittinā ca vighūrṇamānakarṇotpalenādhogalitavilolaśekhareṇa dolāyamānavaikakṣakakusumamālena nirddayaprahatabherīmṛdaṅgamarddalapaṭahaninādānugatakāhalaśaṅkharavajanitarabhasena caraṇasannipātairdārayateva vasudhāṃ rājaparijanena, pravṛttanṛtyena ca cāraṇagaṇena vividhamukhavādyakṛtakolāhalena paṭhatā gāyatā valgatā cānugamyamānaḥ śukanāsabhavanaṃ gatvā dviguṇataramutsavamakārayat / | | kad pb1.620 | aparedyuśca prabhātasamaya eva sarvāntaḥpurādhikṛtam, avanipateḥ paramasammatam, anumārgāgatayā ca, prathame vayasi varttamānayā, rājakulasaṃvāsapragalbhayāpyanujjhitavinayayā, kiñcidupārūḍhayauvanayā, śakragopakālohitarāgeṇāṃśukena racitāvaguṇṭhanayā sabalātapayeva pūrvayā kakubhā, pratyagradalitamanaḥśilācūrṇavarṇena aṅgalāvaṇyaprabhāpravāheṇāmṛtarasanadīpūreṇeva bhavanamāpūrayantyā, jyotsnayeva rāhugrāsabhayādapahāya rajanīkaramaṇḍalaṃ gām avatīrṇayā, rājakuladevatayeva mūrttimatyā, kvaṇitamaṇinūpurākalitacaraṇayugalayā kūjatkalahaṃsākulitakamalayeva kamalinyā, mahārhahemamekhalākalāpakalitajaghanasthalayā, nātinirbharodbhinnapayodharayā, mandamandabhujalatāvikṣepapreṅkhitanakhamayūkhacchalena dhārābhiriva lāvaṇyarasamanavarataṃ kṣarantyā, diṅmukhavisarpiṇi hāralatānāṃ raśmijāle nimagnaśarīratayā kṣīrasāgaronmagnavadanayeva lakṣmyā bahalatāmbūlakṛṣṇimāndhakāritādharalekhayā, samasuvṛttaṃtuṅganāsikayā, vikasitapuṇḍarīkadhavalalocanāyā, maṇikuṇḍalamakarapatrabhaṅgakoṭikiraṇātapāhatakapolatayā sakarṇapallavamiva mukhamudvahantyā, paryyuṣitadhūsaracandanarasatilakālaṅkṛtalalāṭapaṭūyā, muktāphalaprāyālaṅkārayā, rāgheyarājakṣmyeva upapāditāṅgarāgayā, navavanalekhayeva komalatanulatayā, trayyeva supratiṣṭhitacaraṇayā, makhaśālayeva vedimadhyayā, meruvanalatayeva kanakapatrālaṅkṛtayā, mahānubhāvākārayā, anugamyamānaṃ kanyakayā kailāsanāmānaṃ kañcukinamāyāntamapaśyat / | | kad pb1.773 | grathamaṃ prācīm, tatastriśaṅkutilakām, tato varuṇalāñchanām, anantarañca saptarṣitārāśabalāṃ diśaṃ vijigye evaṃ varṣatrayeṇa cātmīkṛtāśeṣadvīpāntaraṃ sakalameva caturammodhikhātavalayaparikhāpramāṇaṃ babhrāma mahīmaṇḍalam / | | kad pb1.821 | krameṇa ca sammukhāgataiḥ, acchanirjharajalakaṇajālajanitajaḍimabhiḥ, jarjaritabhūrjavalkalaiḥ, dhūrjiṭavṛṣabharomanthaphenabinduvāhibhiḥ, ṣaṇmukhaśikhaṇḍiśikhācumbibhiḥ, ambikākarṇapūrapallavollāsanadurlalitaiḥ, uttarakurukāminīkarṇotpalapreṅkholanadohadibhiḥ, ākampitakakkolaiḥ namerukusumapāṃśupātibhiḥ, paśupatijaṭā bandhārttavāsukiparipītaśeṣaiḥ, āhlādibhiḥ puṇyaiḥ kailāsamārutairabhinandyamāno gatvā ca taṃ pradeśam, sarvato marakataharitaiḥ, hārihārītaruciramaṇīyaiḥ, bhramadbhṛṅgarājanakharajarjaritajaṭharakuḍamalaiḥ, unmadakokila kulakavalīkṛtasahakārakomalāgrapallavaiḥ, unmadaṣaṭ caraṇacakravālavācālitavikacacūtakalikaiḥ, acakitacakoracañcacumbitamaricāṅkuraiḥ, campakaparāgapuñjapiñjarakapiñjalajagdhapippalīphalaiḥ, phalabharanikaranipīḍitadāḍimanīḍaprasūtakalaviṅkaiḥ, prakrīḍitakapikulakaratalatāḍanataralitatāḍī puṭaiḥ, anyonyakalahakupitakapotapotapakṣapālīpātitakusumaiḥ, kusumarajorāśiśārasārikāśritaśikharaiḥ, śukraśatamukhanakhaśikharaśakalitaphalasphītaiḥ, jaladharajalalubdha vipralabdhamugdhacātakadhvānamukharitatamālaṣaṇḍaiḥ, ibhakalabhakollūnapallavavellitalavalī valayaiḥ, ālīyamānanavayauvanamadamattapārāvatapakṣakṣepaparyyastakusumastabakaiḥ, tanupavanakaṃpitakomalakadalīdalavījitaiḥ, aviralakalanikarāvanatanārikeravanaiḥ, akaṭhorapatrapuṭapūgaviṭapiparivṛtaiḥ, anivāritavihaṅgatuṇḍakhaṇḍitakharjūrajālakaiḥ, madamukharamadhura rava virāvitāntaraiḥ akalitakalikākalāpadanturaiḥ, antarāntarā kailāsataraṅgiṇītaraṅgitasikatilatalabhūmibhāgaiḥ, vanadevatākaratalanivahanibhamalaktakajalalavasiktamiva kisalayanikaramatisukumāramudvahadbhiḥ, granthiparṇagrāsamuditacamarīkulaniṣevitamūlaiḥ, kapūrāguruprāyaiḥ, indrāyudhairiva ghanāvasthānaiḥ, kumudairivādattadinakarakarapraveśaśiśirābhyantaraiḥ, dāśarathibalairivāñjananīlanalaparigataprāntaiḥ, prāsādairiva sapārāvataiḥ, bhavanatāpasairiva sannihitavetrāsanaiḥ, rudrairiva nāgalatābaddhaparikaraiḥ, udadhikūlapulinairiva nirantarodbhinnaprabālalatāṃkurajālakaiḥ, abhiṣekasalilairiva sarvauṣadhikusumaphalakisalayasanāthaiḥ, ālekhyagṛhairiva bahuvarṇacitraśakuniśataśobhitaiḥ, kurubhiriva bhāradvājopasevitaiḥ, mahāsamaramukhairiva punnāgasamākṛṣṭaśilīmukhaiḥ, mahākaribhiriva pralambabālapallavaspṛṣṭabhūtalaiḥ, apramattapārthivairiva paryyantāvasthitabahugulmakaiḥ, daṃśitairiva bhramarasaṅghātakavacāvṛtakāyaiḥ, pramāṇābhimukhairiva vānarakarāṅgulispṛṣṭaguñjaiḥ, avanipālaśayanairiva siṃhapādāṅkitatalaiḥ, ārabdhapañjatapaḥkriyairivocchikhaśikhimaṇḍalaparivṛtaiḥ, dīkṣītairiva kṛtakṛṣṇasāraviṣāṇakaṇḍūyanaiḥ, jaradgṛhamunibhiriva jaṭālabālakamaṇḍaladharaiḥ, indrajālikairiva dṛṣṭihāribhiḥ, pādapaiḥ parivṛtaṃ candraprabhanāmnastasya sarasaḥ paścime tīre kailāsapādasya jyotsnāvadātayā prabhayā dhavalayatastaṃ pradeśaṃ talabhāgasanniviṣṭaṃ bhagavataḥ śūlapāṇeḥ śūnyaṃ siddhāyatanamapaśyat / | | kad pb1.893 | vilāsamiva sarasvatyāḥ, svayaṃvarapatimiva sarvavidyānām, saṅketasthānamiva sarvaśrutīnām, nidāghakālamiva sāṣāḍham, himasamayakānanamiva sphuṭitapriyaṃgumañjarīgauram, madhumāsamiva kusumadhavalatilakabhūtibhūṣitamukham, ātmānurūpeṇa savayasā apareṇa devatārcanakusumānyuccinvatā tāpasakumāreṇānugatam, atimanoharam, snānārthamāgatam, munikumārakamapaśyam / | | kad pb1.1283 | tatra ca madhyabhāge paryyantaracitamaṇḍalenādha upaviṣṭena cānekasahasrasaṃkhyena parisphuradābharaṇasamūhena kalpalatānivaheneva kanyakājanena parivṛtām, nīlāṃśukapracchadapaṭaprāvṛtasya nātimahataḥ paryyaṅkasyopāśraye dhavalopadhānanyastadviguṇabhujalatāvaṣṭambhenāvasthitām, mahāvarāhadaṃṣṭrāvalambinīmiva mahīm, vistāriṇi dehaprabhājālajale bhujalatāvikṣepaparibhramaiḥ pratarantībhiriva cāmaragrāhiṇībhirupavījyamānām, nipatitaprativimbatayādhastānmaṇikuṭṭimeṣu nāgairivāpahniyamāṇām, upānte ca ratnabhittiṣu dikpālairiva pṛthaka pṛthaka nīyamānām upari maṇimaṇḍapeṣvamarairivotkṣipyamāṇām, hṛdayamiva praveśitāṃ mahāmaṇistambhaiḥ, āpītāmiva bhavanadarpaṇaiḥ, adhomukhena śrīmaṇḍapamadhyotkīrṇena vidyādharalokena gaganatalamivāropyamāṇām, citrakarmmacchalenāvalokanakutūhalasampuñjitena tribhuvaneneva parivṛtām, bhūṣaṇaravapranṛttaśikhiśatacitracandrakeṇa bhavanenāpi kautukotpāditalocanasahasreṇeva dṛśyamānām, ātmaparijanenāpi darśanalobhādupārjitadivyacakṣuṣevānimiṣanayanena nirvarṇyamānām, lakṣaṇairapi rāgāviṣṭairivādhiṣṭhitasarvāṅgīm, akṛtapuṇyamiva muñcantīṃ bālabhāvam, adattāmapi manmathāveśaparavaśeneva gṛhyamāṇāṃ yauvanena, avicalitacaraṇarāgadīdhitibhiriva nirgatābhiḥ alaktakarasapāṭalitalāvaṇyajalaveṇikābhiriva galitābhiḥ, nivasitaraktāṃśukadaśāśikhābhiriva avalambitābhiḥ, pādābharaṇaraktāṃśulekhāsandehadāyinībhiḥ, śratikomalatayā nakhavivareṇa vamantībhiriva rudhiradhārāvarṣamaṅgulībhirupetābhyāṃ kṣititalatārāgaṇamiva nakhamaṇimaṇḍalamudvahadbhyāṃ vidrumarasanadīmiva caraṇābhyāṃ pravarttayantīm, nūpuramaṇikiraṇacakravālena gurunitambabharakhinnoruyugalasahāyatāmiva karttumudgacchatā spṛśyamānajaghanabhāgām, prajāpatikaradṛḍhanipīḍitamadhyabhāgagalitaṃ jaghanaśilātalapratighātāllāvaṇyasrota iva dvidhāgatamūrudvayaṃ dadhānām, sarvataḥ prasāritadīrghamayūkhamaṇḍalenerṣyayā parapuruṣadarśanamiva nirundhatā kutūhalena vistāramiva tanvatā sparśasukhena romāñcamiva muñcatā kāñcīdāmnā nitambabimbasya viracitapariveṣām, nipatitasakalalokahṛdayabhareṇevātigurunitambām, unnatakucāntaritamukhadarśanaduḥkheneva kṣiyamāṇamadhyabhāgām, prajāpateḥ spṛśato'tisaukumāryyāt aṅgulīmudrāmiva nimagnāṃ nābhimaṇḍalīm āvarttinīmudvahantīm, tribhuvanavijayapraśastivarṇāvalīmiva likhitāṃ manmathena romarājimañjarīṃ bibhrāṇām, antaḥpraviṣṭakarṇapallavapratibimbenātibharakhidyamānahṛdayakaratalapreryyamāṇeneva niṣpatatā makaraketupādapīṭhena stanabhareṇa bhūṣitām, adhomukhakarṇābharaṇamayūkhābhyāmiva prasṛtābhyāmamalalāvaṇyajalamṛṇālakāṃḍābhyāṃ bāhubhyāṃ nakhakiraṇavisaravarṣiṇā ca māṇikyavalayagauravaśramavaśāt svedajaladhārājālakamiva muñcatā karayugalena samudbhāsitām, stanabhārāvanamyamānamānanamivonnamayatā hāreṇoccaiḥ karaigṛhītacibukadeśām, abhinavayauvanapavanakṣobhitasya rāgasāgarasya taraṅgābhyāmivodgatābhyāṃ vidrumalatālohitābhyāmadharābhyāṃ raktāvadātasvacchakāntinā ca madirārasapūrṇamāṇikyaśuktisampuṭacchavinā kapolayugalena ratiparivādinīratnakoṇacāruṇā nāsāvaṃśena ca virājamānām, gatiprasaranirodhiśravaṇakopādiva kiñcidāraktāpāṅgena nijamukhalakṣmīnivāsadugdhodadhinā locanayugalena locanamayamiva jīvalokaṃ karttumudyatām, unmadayauvanakuñjaramadarājibhyāṃ manaḥśilāpaṅkalikhitena ca rāgāviṣṭena manmathahṛdayeneva vadanalagnena tilakabindunā vidyotitalalāṭapaṭṭām, utkṛṣṭahematālīpaṭṭābharaṇamayamāmuktakarṇotpalacyutamadhudhārāsandehakāriṇaṃ karṇapāśaṃ dolāyamānapatramakaramāṇikyakuṇḍalaṃ dadhatīm, pāṭalīkṛtalalāṭena sīmantacumbinaścūḍāmaṇeḥ kṣaratāṃśujālena madirāraseneva prakṣālyamānadīrghakeśakalāpām, dehārddhapraviṣṭaharagarvitagaurīvijigīṣayeva sarvāṅgānupraviṣṭa manmathadarśitasaubhāgyaviśeṣām, uraḥsamāropitaikalakṣmīmuditanārāyaṇāvalepaharaṇāya pratibimbakairnijarūpato lakṣmīśatānīva sṛjantīm, uttamāṅganihitaikacandravismitaharābhimānanāśāya vilāsasmiteścandrasahasrāṇīva dikṣu vikṣipantīm, nirddayadagdhaikamanmathapramathanātharoṣeṇeva pratihṛdayaṃ manmathāyutānyutpādayantīm, rajanījāgarakhinnasya paricitacakravākamithunasya svaptuṃ krīḍānadikāsu kamaladhūlibālukābhirbālapulināni kārayantīm 'parijananupūraravaprasthitaṃ vallabhañja haṃsamithunaṃ mṛṇālanigaḍena baddhvānaya' iti haṃsapālīmādiśantīm, ābharaṇamarakatamayūkhān lihate bhavanahariṇaśāvakāya sakhīśravaṇādapanīya yavāṅkuraprasaraṃ prayacchantīm, ātmasaṃvarddhitalatāprathamakusumanirgamanivedanāgatāmudyānapālīmaśeṣābharaṇadānena sammānayatīm, upanītavividhavanakusumaphalapūrṇapatrapuṭāmavijñāyamānālāpatayā hāsahetuṃ punaḥ punaḥ krīḍāparvata pātṛśavarīmālāpayantīm, karatalavinihataiḥ muhurmuhurutpatadbhiśca mukhaparimalāndhairnīlakandukairiva madhukaraiḥ krīḍantīm, pañjarahārītakarutaśravaṇakṛtaduṣṭasmitāṃ cāmaragrāhiṇīṃ vihasya līlākamalena śirasi vighaṭṭayantīm, muktāphalakhacitacandralekhikāsaṃkrāntapratimāṃ svedajalabindujālacitanakhapadābhiprāyeṇa tāmbūlakaraṅkavāhinīṃ payodhare paṭavāsamuṣṭinā tāḍayantīm, ratnakuṇḍalapratibimbasāndradattanavanakhapadamaṇḍalāśaṅkayā cāmaragrāhiṇīṃ vihasya kapole prasādavyājena dattena ātmakarṇapūrapallavenācchādayantīm, pṛthivīmiva samutsāritamahākulabhūbhṛdvaravyatikaraśeṣabhoganiṣaṇṇām, madhumāsalakṣmīmiva ṣaṭpadapaṭalāpahniyamāṇakusumarajodhūsarapādaparāgām, śaradamivotpāditamānasajanmapakṣiravāpanītanīlakaṇṭhamadām, gaurīmiva śvetāṃśukaracitottamāṅgābharaṇām, udadhivelāvanalekhāmiva madhukarakulanīlatamālakānanām, indumūrttimivoddāmamanmathavilāsagṛhītagurukalatrām, vanarājimiva pāṃḍuśyāmalavalīlatālaṃkṛtamadhyāṃ, dinamukhalakṣmīmiva bhāsvanmuktāṃśubhinnapadmarāgaprasādhanām, ākāśakamalinīmiva svacchāmbaradṛśyamāna mṛṇālakomalorumūlām, mayūrāvalīmiva nimambacumbiśikhaṇḍabhāravisphuraccandrakāntām, kalpatarulatāmiva kāmaphalapradām, śayanasamīpe sammukhopaviṣṭam 'ko'sau, kasya vā'patyam, kimabhidhāno vā, kīdṛśamasya rūpam, kiyadvā vayaḥ, kimabhidhatte, bhavatā kimabhihitaḥ, kiyacciraṃ dṛṣṭastvayā, kathañcāsya mahāśvetayā saha paricaya upajātaḥ, kimayamatrāgamiṣyati' iti muhurmuhuścandrāpīḍasambaddhamevālāpa tadrūpavarṇanāmukharaṃ keyūrakaṃ pṛcchantīṃ kādambarīṃ dadarśa / | | kad pb1.1404 | krameṇa ca kṛtāhāraḥ krīḍāparvatakaprāgbhāgabhāji, manohāriṇi, hārītaharite, hariṇīromanthaphenaśīkarāsāre, sīrāyudhahalabhayaniścalakālindījalatviṣi, taruṇīcaraṇālaktakarasaśoṇaśociṣi, sukumarajaḥsikatilatale, latāmaṇḍapopagūḍhe, śikhaṇḍitāṇḍavasaṅgītagṛhe, marakataśilātale samupaviṣṭaḥ dṛṣṭavān sahasaivātibahaladhāmnā dhavalenālokena jaleneva nirvāpyamāṇaṃ divasam, mṛṇālavalayeneva pīyamānamātapam, kṣīrodenevaplāvyamānāṃ mahīm, candanarasavarṣeṇeva sicyamānān digantān sudhayeva vilipyamānamambaratalam / | | kad pb1.1571 | tadabhimukhaśca kañcidadhvānaṃ gatvā, ketakīsūcīṣaṇḍapāṇḍureṇavanadviradadantakapāṭena parivṛtām, lohatoraṇena ca raktacāmarāvaliparikarāṃ kālāyasadarpaṇamaṇḍalamālāṃ śabaramukhamālāmiva kapilakeśabhīṣaṇāṃ bibhrāṇena sanāthīkṛtadvāradeśām, abhimukhapratiṣṭhitena ca vinihitaraktacandanahastakatayā rudhirāruṇayamakaratalāsphāliteneva śoṇitalavalobhalolaśivālihyamānalohitalocanena lohamahiṣeṇādhyāsitāñjanaśilāvedikām, kvacidraktotpalaiḥ śabaranipātitānāṃ vanamahiṣāṇāmiva locanaiḥ kvacidagastikusumakuḍmalaiḥ kesariṇāmiva karajaiḥ kvacit kiṃśukakusumakuḍmalaiḥ śardūlānāmiva sarudhirairnakharaiḥ kṛtapuṇyapuṣpaprakarām, anyatrāṅkuritāmiva kuṭilahariṇaviṣāṇakoṭikuṭaiḥ pallavitāmiva sarasajihvācchodaśataiḥ kusumitāmiva raktanayanasahasraiḥ phalitāmiva muṇḍamaṇḍalairupahārahiṃsāṃ darśayantīm, śakhāntarālanirantaranilīnaraktakukkuṭakulaiḥ śvabhayāt akāladaśitakusumastabakairiva raktāśokaviṭapairvibhūṣitāṅganām, balirudhirapānatṛṣṇayā samāgataiśca vetālairiva tālairdīyamānaphalamuṇḍopahārām, śaṅkājvarakampitairiva kadalikāvanairbhayotkaṇṭhitairiva śrīphalataruṣaṇḍaistrāsodrdhvakeśairiva kharjūravanaiḥ samantādnahanīkṛtām, vidalitavanakarikumbhaavigalitamuktāphalāni rudhirāruṇāni balisikthalubdhamugdhakṛkavākugrastamuktāni vikiradbhirambikāparigrahadurlalitaiḥ krīḍadbhiḥ keśarikiśorakairaśūnyoddeśām, prabhūtarudhiradarśanodbhūtamūrcchāpatiteneva pratibimbitenāstatāmreṇa savitrā tāmratarīkṛtaiḥ kṣatajajalapravāhaiḥ picchilīkṛtājirām, avalambamānadīpadhūparaktāṃśukena grathitaśikhigalavalayāvalinā piṣṭapiṇḍapāṇḍuritaghanaghaṇṭāmālabhāriṇā trāpuṣasiṃhamukhamadhyasthitasthūlalohakaṇṭakaṃ dattadantadaṇḍārgalaṃ lasatpītanīlalohitadarpaṇasphuritabudbudamālaṃ kapāṭapaṭṭadvayaṃ dadhānena garbhagṛhadvāradeśena dīpyamānām, antaḥpiṇḍikāpīṭhapātibhiśca sarvapaśu jīvitairiva śaraṇamupāgatairalaktakarasaraktapaṭairavirahitacaraṇamūlām, patitakṛṣṇacāmarapratibimbānāñca śiraśchedalagnakeśajālakānāmiva paraśupaṭṭiśaprabhṛtīnāṃ jīvaviśasanaśastrāṇāṃ prabhābhirbaddhabahalāndhakāratayā pātālagṛhavāsinīm ivopalakṣyamāṇām, raktacandanakhacitasphuratphalapallavakalitaiśca bilvapatradāmabhirbālakamuṇḍaprālambairiva kṛtamaṇḍanām, śoṇitatāmra, kadambastabakakṛtārccanaiśca paśūpahārapaṭahapaṭuraṭita rasollasita romāñcairivāṅgaiḥ kraratāmudvahantīm, cārucāmīkarapaṭṭaprāvṛtena ca lalāṭena śabarasundarīracitasindūratilakabindunā dāḍimakusumakarṇapūraprabhāsekalohitāyamānakapolabhittinā rudhiratāmbūlāruṇitādharapuṭena bhṛkuṭikuṭilababhrunayanena mukhena kusumbhapāṭalitadukūlakalitayā ca dehalatayā mahākālābhisārikāveśavibrhamaṃ bibhratīm, sambpṇḍitanīlaguggulu dhūpadhūmāruṇīkṛtābhiśca pracalantībhirgarbhagṛhadīpikālatābhiraṅgulībhiriva marhiṣāsuraśoṇitalavālohinībhiḥ skandhapīṭhakaṇḍūyanacalitatriśūladaṇḍakṛtāparādhaṃ vanamahiṣamiva tarjayantīm, pralambakūrccadharaiśchāgairapi dhṛtavratairiva, sphuradadharapuṭairākhubhirapi japaparairiva, kṛṣṇājinaprāvṛtāṅgaiḥ kuraṅgairapi pratiśayitairiva jvalitalohitamūrddharatnaraśmibhiḥ kṛṣṭasarpairapi śirodhṛtamaṇidīpakairivārādhyamānām, sarvataḥ kaṭhoravāyasagaṇena ca raṭatā stutipareṇeva stūyamānām, sthūlasthūlaiḥ śirājālakairgodhāgodhikākṛkalāsakulairiva dagdhasthāṇvāśaṅkayā samārūḍhairgavākṣitena, alakṣmīsamutkhātalakṣaṇasthānairiva visphoṭavraṇabindubhiḥ kalmāṣitasakalaśarīreṇa, karṇāvataṃsasaṃsthāpitayā ca cūḍayā rudrākṣamālikāmiva dadhānena, ambikāpādapatanaśyāmalalāṭavarddhamānārbudena, kuvādidattasiddhāñjanadānasphuṭitaikalocanatayā trikālamitaralocanāñjanadānādaraślakṣṇīkṛtadāruśalākena, pratyahaṃ kaṭukālāvusvedaprārabdhadanturatāpratikāreṇa, kathañcidasthānadatteṣṭakāprahāratayā śuṣkaikabhujopaśāṃtamardanavyasanena, uparyuparyaviśrāntakaṭukavarttiprayogavarddhitatimireṇa, aśmabhedasaṃgṛhītavarāhadaṃṣṭreṇa, iṅgudīkoṣakṛtauṣādhāñjanasaṃgraheṇa, sūcīsyūtasirāsaṅkocitavāmakarāggulinā, kauśeyakakoṣāvaraṇakṣātivraṇitacaraṇāṅguṣṭakena, asamyakkṛtarasāyanānītākālajvareṇa, jarāṃ gatenāpi dakṣiṇāpathādhirājyavaraprārthanākadarthitadurgeṇa, duḥśikṣitaśramaṇādiṣṭatilakābaddhavibhavapratyāśena, haritapatrarasāṅgāramasīmalinaśambūkavāhinā, paṭṭikālikhitadurgāstotreṇa, dhūmaraktālaktakākṣaratālapatrakuhakatantrapustikāsaṃgrāhiṇā, |
|
