| kad ub1.685 | nivṛtya punargamane cāmuktipakṣamāśaṅkate me hṛdayam / |
| kad ub1.694 | lohitāyamānātape sāyāhne nirgatya bahulagomayopalepaharite mandamandamārutāhatottaralāyamānadhavalakusumaprakaraśobhini vāsabhavanāṅgaṇe kṣaṇamivāsthāne samāsannapārthivaiḥ saha vaiśampāyanālāpenaiva sthitvā dvitīya eva yāme calitavyaṃ sajjīkuruta sādhanamityādiśya balādhyakṣamṛkṣodaya eva visarjitāśeṣarājaloko vāsabhavanamadhyavasat / |
| kad ub1.790 | vakṣasaiva saha vistīryate vāñchā / |
| kad ub1.858 | tadapratigamanadoṣādrakṣatu māmāryaḥ' / |
| kad ub1.859 | ityabhihitavati candrāpīḍentaḥpīḍoparāgarakte raktatāmarasānukāriṇi mukhe sapakṣapātāṃ ṣaṭpadāvalīmiva dṛṣṭiṃ niveśyaiva 'gamanāya vijñāpayati yuvarājaḥ, kimājñāpayati devaḥ' iti śanaiḥ śanaiḥ śukanāso rājānarya mayā jñātameteṣveva divaseṣu saṃpūrṇamaṇḍalasyendorjyotsnāmiva karāvalambinīṃ vatsasya amaprakṣīt / |
| kad ub1.915 | athānuraktakamalinīsamāgamāprāptisaṃtāpādiva samaṃ divasenāstamupagatavati tejasāṃ patyau, tejaḥpatipatanāccitānalamiva saṃdhyārāgamaparāśayā saha viśati paścime gaganabhāge, saṃdhyānalasphuliṅganikaraṃ iva sphurati tārāgaṇe, divasavirāmānmūrcchāgameneva tamasā nimīlyamāneṣu diṅmukheṣu, nivāsābhimukhamukheraṣu viyadviyogaduḥkhādiva kṛtārtapralāpeṣu vayaḥsamūheṣu, janitaprakāśaṃ janmeva samālokya doṣāgamaṃ nirālokaṃ garbhamiva tamaḥpraviṣṭe punarjīvaloke, nijālokādvikāśitapūrvadigvadhūvadane janmāntarāgata ivodayagirivartini nakṣatrasamāgamasukhamanubhavati bhagavati bhūyo bhūyaḥ svakāntinirbharānniṣkalaṅka iva nakṣatranāthe, vispaṣṭāyāṃ niśīthinyām, prasthānamaṅgale praṇāmāyopagataṃ candrāpīḍaṃ pīḍayāntarvilīyamāneva bāṣpotpīḍamapārayantī pātumatyāyatābhyāmapi netrābhyāṃ kṛtaprayatnāpyamaṅgalaśaṅkayā vilāsavatī manyurāgāvegagadgadikoparudhyamānākṣaramavādīt' / |
| kad ub1.1049 | ityuktavati meghanāde ghanasamayavardhitābhogamakaradhvajārṇavamadhyapātinīṃ svānumānātkādambarīmutprekṣyotpretya viklavībhavataḥ paryāvartanta ivāsya jaladharāḥ kālapuruṣaiḥ, taḍito madanānalaśikhābhiḥ, avasphūrjitaṃ pretapatipaṭahasvanena, āsāradhārāḥ smareṣubhiḥ, āmandragarjitaṃ makaradhvajadhanurjyāguñjitābhogena, kalāpikekāḥ kāladūtālāpaiḥ, ketakāmodo viṣapari malena, khadyotāḥ pralayānalasphuliṅgarāśibhiḥ, alivalayāni kālapāśaiḥ, balākāśreṇayaḥ pretapatipatākābhiḥ, āpagāḥ sarvakṣayamahāpūraplavaiḥ, durdināni kālarātryā, kuṭajataravaḥ kṛtāntahāsaiḥ / |
| kad ub1.1061 | manmathaśaravikṣiptāśca kādambarīdarśanamātrakāvalambanāḥ kṣaṇamapi vilambamantarīkartumakṣamāḥ kṣāmatayā mā yāsiṣuḥ prāṇāḥ / |
| kad ub1.1110 | rakṣa māmaśaraṇamanāthamārtamapratīkārakṣamamātmanā tvadāyattajīvitam / |
| kad ub1.1119 | yenaivaṃ khalu hatavidhātrā kenāpyupadarśitamukharāgaḥ svapakṣapātamātrapravṛttiranirūpitasthānāsthānavādī śuka iva vaktumevaṃ śikṣitastenaiva kimu tasyāmeva jātau na nikṣiptosi / |
| kad ub1.1179 | idamaparaṃ mattejomayaṃ svata evāvināśi viśeṣatomunā kādambarīkarasparśenāpyāyamānaṃ candrāpīḍaśarīraṃ śāpadoṣādvimuktamapyantarātmanā kṛtaśarīrasaṃkrānteryogina iva śarīramatraiva bhavatyoḥ pratyayārthamā śāpakṣayādāstām / |
| kad ub1.1187 | utthāya ca dūrata evoddāmabāṣpajalanirodhaparyākulayāpi baddhalakṣayā dṛṣṭyā vilokayantīṃ mahāśvetāmupasṛtya śokagadgadamavādīt' / |
| kad ub1.1209 | tadidamatra mattejasāpyāyamānamāśāpakṣayātsthitam / |
| kad ub1.1237 | " ityetacchrutvā 'hā deva puṇḍarīka, janmāntarepyavismṛtamadanurāga, matpratibaddhajīvita, maccharaṇa, manmukhāvalokinmanmayasakalajīvaloka, lokāntaragatasyāpi tehameva rākṣasī vināśāyopajātā dagdhaprajāpateriyadeva mannirmāṇe dīrghajīvitapradāne ca prayojanaṃ niṣpannaṃ yatpunaḥ punaste vyāpādanam, svayaṃ hatvā ca pāpakāriṇī kamupālabhe kiṃ bravīmi kimākrandāmi kamupayāmi śaraṇaṃ ko vā karotu mayi dayāṃ yācehamātmanaivādhunā deva prasīda kuru dayāṃ dehi me prativacanamityetānyakṣarāṇyuccārayantyapi lajje, manye ca tavāpyevamutpannaṃ mandabhāgyāyāṃ mayi vairāgyaṃ yenaivamapi vipralapantyāṃ na prativacanaṃ dadāsi, hā hatāsmyanenaivātmano jīvitasyoparyanirvedena' ityunmuktārtanādā sorastāḍanamavanāvātmānamapātayat / |
| kad ub1.1276 | kiṃ punaḥ pratyakṣadevasya candrāpīḍanāmāntaritasya candramaso mūrtiranārādhitaprasannā' / |
| kad ub1.1277 | ityuktavatyāṃ mahāśvetāyāṃ kādambarī tūṣṇīmevotthāya taralikayā madalekhayā cotthāpya tāmakhedārhāṃ candrāpīḍatanumanyatarasmiñchītavātātapavarṣādisarvadvandvadoṣārahite śilātale śanairakhedayantī sthāpayitvāpanītaśṛṅgāraveṣābharaṇā maṅgalamātrakāvasthāpitaikakararatnavalayā snānaśucirbhūtvā paridhāya dhautaśucinī dukūle prakṣālya punaḥ punargāḍhalagnamadharakisalaye tāmbūlarāgamuparyuparinimīlitāgatabāṣpavegottaralalocanānyadeva kimapyacintitamanutprekṣitamaśikṣitamanabhyastamanucitamapūrvaṃ bālā balādvilomaprakṛtinākāryapaṇḍitena dagdhavedhasā kāṛyamāṇā yānyeva surabhikusumadhūpānulepanāni suratopabhogāyānītāni taireva devatocitāmapacitiṃ saṃpādya candrāpīḍamūrtau, mūrtimatīva śokavṛttirārtarūpā, rūpāntaramiva tatkṣaṇe naivāgatā, vitagajīviteva śūnyamukhī, mukhāvalokinī candrāpīḍasya, pīḍitotpīḍitahṛdayāpi rakṣantī bāṣpamokṣam, udāmavṛtteḥ śokādapi maraṇādapi kaṣṭamāmavasthāmanu bhavantī, tathaivāṅke samāropitacandrāpīḍacaraṇadvayā, dūrāgamanakhinnenāpi vubhukṣitenāpya pratipannasnānapānabhojanenāpi muktātmanā rājaputralokena svaparijanena ca saha nirāhārā taṃ divasamakṣipat / |
| kad ub1.1305 | priyasakhi, devasya śarīramidamupacarantībhiravaśyamā śāpakṣayādasmābhiradhunātra sthātavyam / |
| kad ub1.1354 | na cāyaṃ pratyakṣadṛṣṭopyuparataśarīrāvināśavṛttāntaḥ prakāśanīyaḥ / |
| kad ub1.1374 | ebhiḥ sahāparaḥ kaścicchraddheyavacāḥ pratyakṣadṛṣṭasakalavṛttāntaḥ saṃpratyayāya vrajatu' / |
| kad ub1.1410 | dūrataḥ prabhṛtyapasṛtapraharṣeṇaivopasarpaṇena pratilekhamālikāśūnyaiḥ śirobhirāviṣaṇnadīnairānanaiḥ prayatnasaṃrakṣitāśrumokṣaduḥkhitābhyāṃ locanābhyāṃ manmukhasamakṣamadhāraṇena ca dṛṣṭeryadāveditavyaṃ tadbhavadbhirevā veditam / |
