| kad ub1.1592 | atha tathā prasthite rājani rājānurāgāccandrāpīḍasnehena cāścaryadarśanakutūhalāya prathamagatapitṛputrabhrātṛmitrasvajanadarśanāya ca gṛharakṣakavarjamujjayinyāḥ sakala eva loko gantumudacalat / |
| kad ub1.1595 | atha taiḥ sārthamāgacchantam, ujjhitātmasaṃskāramalinakṛśaśarīram, avanitalaniveśitottamāṅgam, udbāṣpadīnataradṛṣṭim, jīvitalajjayā rasātalamiva praveṣṭumīhamānam, ahamahamikayā parasparāvaraṇenaivātmadarśanamabhirakṣantam, akṣatamapi hatamiva, saparicchadamapi muṣitamiva, jīvantamapi mṛtamiva, sasaṃbhrāmakṛtāgamanamapi pratīpamākṛṣyamāṇacaraṇamiva, aṅgaireva saha galitotsāham, bāṣpeṇaiva saha muktātmānam, vaiklabyenaiva sahopasarpantam, meghanādapuraḥsaraṃ sakalameva candrāpīḍacaraṇatalanibaddhajīvitaṃ rājaputralokamālokyollasitatanayaśokormivegākrāntopyucchavasita iva dṛḍhībhūtacandrāpīḍadehāvināśapratyayāntarātmanā nivṛtya sāvaraṇaparyāṇavartinīṃ vilāsavatīmavādīt' / |
| kad ub1.1612 | praviśya ca sahajaiva kāntyāvirahitamuparatasarvaprayatnaṃ suptamiva taṃ putravatsalā tanayamālokya yāvanna parāpatatyeva tārāpīḍastāvadvilāsavatī vidhārayantīṃ manoramāmapyākṣipya dūrata eva prasāritabāhulatādvayā rayonmuktajarjarābhirnayanajaladhārābhiḥ prasraveṇa ca siñcantī mahītalam, 'ehi jātadurlabhaka cirād dṛṣṭosi, dehi me prativacanam, ālokaya sakṛdapi mām, anucitaṃ tāta tavaitadavasthānam, utthāyāṅkopagamanena me saṃpādaya tanayocitaṃ sneham, na cānākarṇitapūrvaṃ bālyepi tvayā madvacanam, adya kimevaṃ vilapantyā api na śṛṇoṣi, jāta kena roṣitosyeṣā toṣāyāmi vatsa pādayornipatya, putra candrāpīḍa praṇama tāvatpratyudgamya tvatsnehādevātidūramāgatasyāpi pituḥ pādau, kva sā gatā te gurubhaktiḥ kva te guṇāḥ, kva sa snehaḥ, kva sā dharmajñatā, kva tatpitṛpakṣapātitvam, kva sā bandhuprītiḥ, kva sā parijanavatsalatā, kathamabhāgyairme sarvamekapada evotsṛjyaivamaudāsīnyamavalambyāvasthitosi, athavā yathā te sukhaṃ tathā tiṣṭḥa vayamudāsīnahṛdayāstvayi', iti kṛtārtapralāpā samupasṛtya punaḥ punargāḍhamāliṅgyāṅgāni śiraḥ samādhrāya kapolau cumbitvā candrāpīḍasya caraṇāvuttamāṅge kṛtvonmuktakaṇṭhamarodīt / |
| kad ub1.1613 | tathā rudantīṃ tu tāmantaritanijapīḍastārāpīḍaścandrāpīḍamapariṣvajyaiva sarvaprajāpīḍāpaharaṇakṣamābhyāṃ bhujābhyāmavalambyābravīt' / |
| kad ub1.1645 | prajāparipālanaphalaṃ tu punarbhavadbhujeṣvevamakṣateṣvavirahitamastyeva / |
| kad ub1.1652 | ityuktvā saṃnihitānyapi parityajyocitāni sarvasukhānyanucitānyaṅgīkṛtya vanyāni tathā hi harmyabuddhiṃ vṛkṣamūleṣu, antaḥpurastrīprītiṃ latāsu, saṃstutajanasnehaṃ hariṇeṣu, nivasanaruciṃ cīravalkaleṣu, kuntalaracanābhiyogaṃ jaṭāsu, āhārahārdaṃ kandamūlaphaleṣu, śastradhāraṇavyasanamakṣasūtre, prajāparipālanaśaktiṃ samitkuśakusumeṣu, narmālāpaṃ dharmasaṃkathāsu, samararasamupaśame, jayecchāṃ paratra, kośaspṛhāṃ tapasi, ājñāṃ maune, sarvopabhogarāgaṃ ca vairāgye, tanayasnehaṃ taruṣu saṃkramayya tathā tapasvijanocitāḥ kriyāḥ kurvanāndharvalokocitānaharaharupacārānkādambaryā kathamapi samutsṛṣṭālajjayā mahāśvetayā ca kriyamāṇānanicchannavicchedātsāyaṃprātaścānubhūtacandrāpīḍadarśanasukho duḥkhānyagaṇayannarapatiḥ saparivāraḥ samaṃ devyā śukanāsena ca tatraivātiṣṭhat / |
| kad ub1.1663 | kevalamasaṃjātapakṣatayā me tasminsamaye pūrvajanmopāttā śarīraceṣṭā nāsīt / |
| kad ub1.1675 | tatsaṃcaraṇakṣamastu tāvadbhava / |
| kad ub1.1723 | ahaṃ tu tacchrutvā tatkṣaṇenotpannapakṣa ivotpatya tatsamīpameva prāptumabhivāñchannadgrīvāvalokī kvāsāviti tamaprākṣam / |
| kad ub1.1734 | evamātmānamanuśocantameva māṃ kapiñjalaḥ karadvayenotkṣipya madvirahaduḥkhadurbale vakṣasi niveśya ciramivāntaḥpraveśayannivāliṅganasukhaṃ kila tathā menubhūya bhūyasā manyuvegenottamāṅge kṛtvā maccaraṇāvitaravadarodīt / |
| kad ub1.1774 | kathaṃ somapānocitenāmunāsyena samutpāditasaphenaraktasravāḥ kharakhalīnakṣatayo visoḍhāḥ / |
| kad ub1.1794 | gamanakṣamastu saṃvṛttosmi / |
| kad ub1.1803 | tadavasthaśca śithilāyamānapakṣatiratra patāmyatra patāmīti paravānevānyatamasya tamasvinītimirasaṃghātasyevārkakaratiraskāriṇo ghanaharitapallavabharāvanamrasyāsannatarasya sarastīratarunikuñjasyoparyātmānamamuñcam / |
| kad ub1.1807 | agrataśca pāśavirahitamiva kālapuruṣām, atikaṭhinatayā kālimnā ca vapuṣaḥ kālāyasaparamāṇubhiriva kevalairnirmitam, pretapatimivāparam, pratipakṣamiva puṇyarāśeḥ, āśayamiva pāpmanaḥ, vināpi krodhakāraṇādābaddhabhīṣaṇabhṛkuṭiraudratareṇānanenāraktakekaratarakanīnikena ca cakṣuṣā sakalajanabhayaṃkarasya bhagavataḥ kṛtāntasyāpi bhayamivopajanayantam, āśaye keśeṣu cāsnigdham, ānane jñāne cāndhakāritam, varṇe carite ca kṛṣṇam, nivasane karmaṇi ca malinam, vapuṣi vacasi ca paruṣam, adṛṣṭāśrutānurūpamapyākārapratyayādevānumīyamānakrauryadoṣaṃ puruṣamadrākṣam / |
| kad ub1.1817 | akālakṣepakṣamaṃ vartate me hṛdayam / |
| kad ub1.1839 | mātaḥ śṛīḥ, aśaraṇajanaśaraṇacaraṇapaṅkaje, atigahanabhīṣaṇādrakṣa māmasmānmahānarakapātāt / |
| kad ub1.1840 | tāta bhuvanatrayatrāṇakṣama, trāyasva, kulatantumekam / |
| kad ub1.1882 | tadyadyevaṃvidhastvaṃ kopi bhojyābhojyavivekakārī pūrvajātismarosmadīyamāhāraṃ pariharasi tathāpi tāvadbhakṣyavivekarahitāyāṃ tiryagjātau vartamānasya te kiṃ vābhakṣyaṃ yanna bhakṣayasi / |
| kad ub1.1892 | yanna bhakṣayasyamūni munijanocitāni vanaphalāni na pibasi vā pānīyam' iti / |
| kad ub1.1918 | tadbāṇapakṣavātāhatamivākampata taralaṃ śarīram / |
