| dkc pp1.70 | tataḥ saṃpūrṇagarbhadivasā vasumatī sumuhūrte sakalalakṣaṇalakṣitaṃ sutamasūta / |
| dkc pp1.74 | atha kadācidekena tāpasena rasena rājalakṣaṇavirājitaṃ kaṃcinnayanānandakaraṃ sukumāraṃ kumāraṃ rājñe samarpyāvāci / |
| dkc pp1.80 | tadīyārbhakayoryamayordhātrībhāvena parikalpitāhaṃ madduhitāpi tīvragatiṃ bhūpatimanugantumakṣame abhūva / |
| dkc pp1.96 | enamāyuṣmantaṃ pitṛrūpo bhavānabhirakṣatāditi / |
| dkc pp1.131 | devi tvanmantriṇo dharmapālanandanasya kāmapālasya vallabhā yakṣakāntāhaṃ tārāvalī nāma nandinī maṇibhadrasya / |
| dkc pp1.135 | kāmapālasya yakṣakanyāsaṃgame vismayamānamānaso rājahaṃso rañjitamitraṃ sumitramāhūya tadīyabhrātṛputramarthapālaṃ vidhāya tasmai sarvaṃ vārttādikaṃ vyākhyāyādāt / |
| dkc pp1.139 | sā karayugena vāṣpajalamunmṛjya nijaśokaśaṅkūtpāṭanakṣamameva māmavalokya śokahetumavocat / |
| dkc pp1.147 | dayāviṣṭohaṃ mantrabalena viṣavyavasthāmapanetumakṣamaḥ samīpakuñjeṣvauṣadhaviśeṣamanviṣya pratyāgato vyutkrāntajīvitāṃ tāṃ vyalokayam / |
| dkc pp2.1 | athaikadā vāmadevaḥ sakalakalākuśalena kusumasāyakasaṃśayitasaundaryeṇa kalpitasodaryeṇa sāhasāpahasitakumāreṇa sukumāreṇa jayadhvajātapavāraṇakuliśāṅkitakareṇa kumāranikareṇa pariveṣṭitaṃ rājānamānataśirasaṃ samabhigamya tena tāṃ kṛtāṃ paricaryāmaṅgīkṛtya nijacaraṇakamalayugalagalanmadhukarāyamāṇakākapakṣaṃ vidaliṣyamāṇavipakṣaṃ kumāracayaṃ gāḍhamāliṅgya mitasatyavākyena vihitāśīrabhyabhāṣata / |
| dkc pp2.20 | teṣāṃ bhāṣaṇapāruṣyamasahiṣṇurahamavanisurarakṣaṇāya ciraṃ prayudhya tairabhihato gatajīvitobhavam / |
| dkc pp2.30 | dvijanmā kṛtajño mahyamakṣaraśikṣāṃ vidhāya vividhāgamatantramākhyāya kalmaṣakṣayakāraṇaṃ sadācāramupadiśya jñānekṣaṇagamyamānasya śaśikhaṇḍaśekharasya pūjāvidhānamabhidhāya pūjāṃ matkṛtāmaṅgīkṛtya niragāt / |
| dkc pp3.2 | tadādāya gatvā ca kaṃcanādhvānamatikramyāmbaramaṇeratyuṣṇatayā gantumakṣamo vanesminneva kimapi devāyatanaṃ praviṣṭo dīnānanaṃ bahutanayasametaṃ sthaviraṃ mahīsuramekamavalokya kuśalamuditadayohamapṛccham / |
| dkc pp3.4 | mahābhāgasutānetānmātṛhīnānanekairupāyai rakṣannidānīmasminkudeśe bhaikṣaṃ saṃpādya dadadetebhyo vasāmi śivālayesminniti / |
| dkc pp4.20 | mama tu mandabhāgyatayā bāle vanamātaṅgena gṛhīte maddvitīyā paribhramantī ṣoḍaśavarṣānantaraṃ bhartṛputrasaṃgamo bhaviṣyatīti siddhavākyaviśvāsādekasminpuṇyāśrame tāvantaṃ samayaṃ nītvā śokamapāraṃ soḍhumakṣamā samujjvalite vaiśvānare śarīramāhutīkartumudyuktāsīditi / |
| dkc pp4.25 | tato devasyānveṣaṇaparāyaṇohamakhilakāryanimittaṃ vittaṃ niścitya bhavadanugrahāllabdhasya sādhakatvasya sāhāyyakaraṇadakṣaṃ śiṣyagaṇaṃ niṣpādya vindhyavanamadhye purātanapattanasthānānyupetya vividhanidhisūcakānāṃ mahīruhāṇāmadho nikṣiptānvasupūrṇānkalaśānsiddhāñjanena jñātvā rakṣiṣu paritaḥ sthiteṣu khananasādhanairutpāṭya dīnārānasaṃkhyānrāśīkṛtya tatkālāgatamanatidūre niveśitaṃ vaṇikkaṭakaṃ kaṃcidabhyetya tatra balino balīvardāngoṇīśca krītvānyadravyamiṣeṇa vasu tadgoṇīsaṃcitaṃ tairuhyamānaṃ śanaiḥ kaṭakamanayam / |
| dkc pp4.29 | sakalaṃ dharaṇītalamapāramanveṣṭumakṣamo bhavānmanoglāniṃ vihāya tūṣṇīṃ tiṣṭhatu / |
| dkc pp4.46 | yakṣaḥ kaścidadhiṣṭhāya bālacandrikāṃ nivasati tadākārasaṃpadāśāśṛṅkhalitahṛdayo yaḥ saṃbandhayogyaḥ sāhasiko ratimandire taṃ yakṣaṃ nirjitya tayaikasakhīsametayā mṛgākṣyā saṃlāpāmṛtasukhamanubhūya kuśalī nirgamiṣyati tena cakravākasaṃśayākārapayodharā vivāhanīyeti siddhenaikenāvādīti purajanasya purato bhavadīyaiḥ satyavākyairjanairasakṛtkathanīyam / |
| dkc pp4.65 | ahamapi maṇinūpuramekhalākaṅkaṇakaṭakatāṭaṅkahārakṣaumakajjalaṃ vanitāyogyaṃ maṇḍanajātaṃ nipuṇatayā tattatsthāneṣu nikṣipya samyagaṅgīkṛtamanojñaveṣo vallabhayā saha tadāgāradvāropāntamagaccham / |
| dkc pp4.67 | nagaravyākulāṃ yakṣakathāṃ parīkṣannāgarikajanopi kutūhalena dāruvarmaṇaḥ pratīhārabhūmimagamat / |
| dkc pp4.74 | tadākarṇya militā janāḥ samudyadvāṣpā hāhāninādena diśo badhirayanto bālacandrikāmadhiṣṭhitaṃ yakṣaṃ balavantaṃ śṛṇvannapi dāruvarmā madāndhastāmevāyācata tadasau svakīyena karmaṇā nihataḥ kiṃ tasya vilāpeneti mitho lapantaḥ prāviśan / |
