| dkc pp4.76 | tato gateṣu katipayadineṣu paurajanasamakṣaṃ siddhādeśaprakāreṇa vivāhya tāmindumukhīṃ pūrvasaṃkalpitānsurataviśeṣānyatheṣṭamanvabhūvam / |
| dkc pp5.8 | lalanājanaṃ sṛjatā vidhātrā nūnameṣā ghuṇākṣaranyāyena nirmitā no cedabjabhūrevaṃvidhanirmāṇanipuṇo yadi syāttarhi tatsamānalāvaṇyāmanyāṃ taruṇīṃ kiṃ na karotīti savismayānurāgaṃ vilokayatastasya samakṣaṃ sthātuṃ lajjitā satī kiṃcitsakhījanāntaritagātrā tannayanābhimukhaiḥ kiṃcidākuñcitai recitabhrūlatairapāṅgavīkṣitairātmanaḥ kuraṅgasyānāyamānalāvaṇyaṃ rājavāhanaṃ vilokayantyatiṣṭhat / |
| dkc pp5.45 | tatra hṛdayavallabhakathāprasaṅge bālacandrikākathitatadanvayanāmadheyā manmathabāṇapatanavyākulamānasā virahavedanayā bahulapakṣaśaśikaleva kṣāmakṣāmāhārādisakalavyāpāraṃ parihṛtya rahasyamandire malayajarasakṣālitapallavakusumakalpitatalpatalāyattatanulatā babhūva / |
| dkc pp5.64 | tatovantisundarīrakṣaṇāya samayocitakaraṇīyacaturaṃ sakhīgaṇaṃ niyujya rājakumāramandiramavāpa / |
| dkc pp5.95 | ahamindrajālavidyayā mālavendraṃ mohayanpaurajanasamakṣameva tattanayāpariṇayaṃ racayitvā kanyāntaḥ purapraveśaṃ kārayiṣyāmīti vṛttānta eṣa rājakanyāyai sakhīmukhena pūrvameva kathayitavya iti / |
| dkc pp5.103 | tataḥ kalyāṇaparaṃparāvāptaye bhavadātmajākārāyāstaruṇyā nikhilalakṣaṇopetasya rājanandanasya vivāhaḥ kārya iti / |
| dkc 1.23 | atha viditavārttāvārttau mahādevīmālavendrau jāmātaramākārapakṣapātināvātmatyāgopanyāsenāriṇā jighāṃsyamānaṃ rarakṣatuḥ / |
| dkc 1.26 | campeśvaropi siṃhavarmā siṃha ivāsahyavikramaḥ prākāraṃ bhedayitvā mahatā balasamudāyena nirgatya svaprahitadūtavrātāhūtānāṃ sāhāyyadānāyātisatvaramāpatatāṃ dharāpatīnāmacirakālabhāvinyapi saṃnidhāvadattāpekṣaḥ sākṣādivāvalepo vapuṣmānakṣamāparītaḥ pratibalaṃ pratijagrāha / |
| dkc 1.33 | sthaviraḥ sa rājā jarāvaluptamānāvamānacitto duścaritaduhitṛpakṣapātī yadeva kiṃcitpralapati tvayāpi kiṃ tadanumatyā sthātavyam / |
| dkc 1.49 | athāsau pitṛprayuktavaire vartamāne vidyādharacakravartini vatsarājavaṃśavardhane naravāhanadatte virasāśayastadapakārakṣamoyamiti tapasyatā darpasāreṇa saha samasṛjyata / |
| dkc 2.16 | eṣa hi gaṇikāmāturadhikāro yadduhiturjanmanaḥ prabhṛtyevāṅgakriyā tejobalavarṇamedhāsaṃvardhanena doṣāgnidhātusāmyakṛtā mitenāhāreṇa śarīrapoṣaṇamā pañcamādvarṣātpiturapyanatidarśanaṃ janmadine puṇyadine cotsavottaro maṅgalavidhiradhyāpanamanaṅgavidyānāṃ sāṅgānāṃ nṛtyagītavādyanāṭyacitrāsvādyagandhapuṣpakalāsu lipijñānavacanakauśaleṣu ca samyagvinayanaṃ śabdahetusamayavidyāsu vārttāmātrāvabodhanamājīvajñāne krīḍākauśale sajīvanirjīvāsu ca dyūtakalāsvabhyantarīkaraṇamabhyantarakalāsu vaiśvāsikajanātprayatnena prayogagrahaṇaṃ yātrotsavādiṣvādaraprasādhitāyāḥ sphītaparibarhāyāḥ prakāśanaṃ prasaṅgavatyāṃ saṃgītādikriyāyāṃ pūrvasaṃgṛhītairgrāhyavāgbhiḥ siddhilambhanaṃ diṅmukheṣu tattacchilpavittakairyaśaḥprakhyāpanaṃ kārtāntikādibhiḥ kalyāṇalakṣaṇodghoṣaṇaṃ pīṭhamardaviṭavidūṣakairbhikṣukyādibhiśca nāgarikapuruṣasamavāyeṣu rūpaśīlamādhuryaprastāvanā yuvajanamanorathalakṣyabhūtāyāḥ prabhūtatamena śulkenāvasthāpanaṃ svato rāgāndhāya tadbhāvadarśanonmāditāya vā jātirūpavayorthaśaktiśaucatyāgadākṣiṇyaśilpamādhuryopapannāya svatantrāya pradānamadhikaguṇāyāsvatantrāya prājñatamāyālpenāpi bahuvyapadeśenārpaṇamasvatantreṇa vā gāndharvasamāgamena tadgurubhyaḥ śulkāpaharaṇamalābherthasya kāmasvīkṛte svāminyadhikaraṇe vā sādhanaṃ raktasya duhitraikacāriṇīvratānuṣṭhāpanaṃ nityanaimittikaprītidāyakatayā hṛtaśiṣṭānāṃ gamyadhanānāṃ citrairupāyairapaharaṇamadadatā lubdhaprāyeṇa ca vigṛhyāsanaṃ pratihastiprotsāhanena lubdhasya rāgiṇastyāgaśaktisaṃdhukṣaṇamasārasya vāksaṃtakṣaṇairlokopakrośanairduhitṛnirodhanairvrīḍotpādanairanyābhiyogairavamānaiścāpavāhanamarthadairanarthapratighātibhiścānindyairibhyairanubaddhārthānarthasaṃśayānvicārya bhūyobhūyaḥ saṃyojanamiti / |
| dkc 2.53 | arthastāvadarjanavardhanarakṣaṇātmakaḥ kṛṣipāśupālyavāṇijyasaṃdhivigrahādiparivārastīrthapratipādanaphalaśca / |
| dkc 2.79 | acirādeva śakya ātmā tvadarthasādhanakṣamaḥ kartum / |
| dkc 2.85 | urasi cāsya śithilitamalanicayānmukhānnipatatośrubindūnalakṣayam / |
| dkc 2.103 | akṣamaśca dhikkṛtāni pauravṛddhānāṃ soḍhumiha jaināyatane muninaikenopadiṣṭamokṣavartmā sukara eṣa veśo veśanirgatānāmityudīrṇavairāgyastadapi kaupīnamajahām / |
| dkc 2.115 | anupraviśya ca dyūtasabhāmakṣadhūrtaiḥ samagaṃsi / |
| dkc 2.116 | teṣāṃ ca pañcaviṃśatiprakārāsu sarvāsu dyūtāśrayāsu kalāsu kauśalamakṣabhūmihastādiṣu cātyantadurupalakṣyāṇi kūṭakarmāṇi tanmūlāni sāvalepānyadhikṣepavacanāni jīvitanirapekṣāṇi saṃrambhaviceṣṭitāni sabhikapratyayavyavahārānnyāyabalapratāpaprāyānaṅgīkṛtārthasādhanakṣamānbaliṣu sāntvanāni durbaleṣu bhartsitāni pakṣaracanānaipuṇamuccāvacāni pralobhanāni glahaprabhedavarṇanāni dravyasaṃvibhāgaudāryamantarāntarāślīlaprāyānkalakalānityetāni cānyāni cānubhavanna tṛptimadhyagaccham / |
| dkc 2.120 | tvayaiva tāvadvicakṣaṇena deviṣyāmīti dyūtādhyakṣānumatyā vyatyaṣajat / |
| dkc 2.127 | nīlanīradanikarapīvaratimiranibiḍitāyāṃ rājavīthyāṃ jhaṭiti śatahradāsaṃpātamiva kṣaṇamālokamalakṣayam / |
| dkc 2.207 | sādhiteyaṃ lakṣagrāhiṇī carmaratnabhastrikā / |
