| kad pb1.1359 | asau tu 'na paryyāptamanekastrīhṛdayasahasrāvasthānena?' iti manasā vihasya prakāśamavadat ?? 'sakhi! mahāśvete! kiṃ tvamevamabhidadhāsi, darśanādārabhya śarīrasyāpyayameva prabhuḥ, kimuta bhavanasya vibhavasya parijanasya vā, yatrāsbhai rocate priyasakhīhṛdayāya vā, tatrāyamāstām' iti / | | kad pb1.1388 | madavakāśadāyino hṛdayasya prathamāvinayalekhāmiva kararuheṇa śayanāṅke likhati / | | kad pb1.1410 | marakatagrāvaṇi muhūrttamupaviśya svayamutthāya tena candanāṅgarāgeṇānulipya te ca dvedukūle paridhāpya taiśca mālatīkusumadāmabhirāracitaśekharaṃ kṛtvā taṃ hāramādāya candrāpīḍamuvāca ?? 'kumāra! taveyamapahastitāhaṅkārakāntā peśalatā prītiparavaśaṃ janaṃ kamiva na kārayati? praśraya eva te dadātyavakāśamevaṃvidhānām / | | kad pb1.1413 | tathāhi, sambhāṣaṇamapyadhaḥkaraṇamivāpatati, ādaro'pi prabhutābhimānamivānumāpayati, stutirapyātmotsekamiva sūcayati, upacāro'pi capalatāmiva prakāśayati, prītirapyanātmajñatāmiva jñāpayati, vijñāpanāpi prāgalbhyamiva jāyate, sevāpi cāpalamiva dṛśyate, dānamapi paribhava iti bhavati / | | kad pb1.1426 | ataeva mahāśvetā taralikāmapīmaṃ hāramādāya tvatsakāśaṃ preṣitavatī / | | kad pb1.1428 | candrāpīḍastu vismayamānaḥ pratyavādīt ?? 'madalekhe! kimucyate, nipuṇāsi, jānāsi grāhayitum, uttarāvakāśamapaharantyā kṛtaṃ vacasi kauśalam / | | kad pb1.1442 | atha sarvāsu cāsīnāsu tāsu muhūrttamiva sthitvā vaktumupacakrame candrāpīḍaḥ ?? 'devi! dṛṣṭipātamātraprīte dāsajane sambhāṣaṇādikasyāpi prasādasya nāstyavakāśaḥ, kimutaitāvato'nugrahasya / | | kad pb1.1518 | evaṃvidhasya ca tasyaikadeśe sakhīkadambaparivṛtām, aśeṣasaritparivārāmiva bhagavatīṃ gaṅgāṃ himavato guhātalagatām, kulyābhramibhramitena karpūrarasasrotasā kṛtapariveṣāyā mṛṇāladaṇḍamaṇḍapikāyāstale kusumaśayanamadhiśayānām, hārāṅgadavalayaraśanānūpurairmṛṇālamayarnigaḍairiva saṃyatāmīrṣyayā manmathena, candanadhavale spṛṣṭāmiva lalāṭe śaśalāñchanena, bāṣpavārivāhini cumbitāmiva cakṣuṣi varuṇena, varddhitaniśvāsamaruti daṣṭāmiva mukhe mātariśvanā, santāpapratapteṣvadhyāsitāmivāṅgeṣu pataṅgan, kandarpadāhadīpite gṛhītāmiva hṛdaye hutabhujā, svedini pariṣvaktāmiva vapuṣi jalena, daivatairapi vilupyamānasaubhāgyāmiva sarpaśaḥ, hṛdayena saha priyatamasamīpamivopagatairaṅgairupajanitadaurbalyām, āśyānacandanapāṇḍurañca romāñcamanavaratahārasparśalagnaṃ muktāphalakiraṇapuñjam ivodvahantīm, svedaśīkariṇīñca kapolapālīṃ pakṣapavanena vījayadbhiranukampyamānāmivāvataṃsakusumamadhukaraiḥ, avataṃsakusumamadhukararavadahanadagdhamiva śrotramapāṅganirgatenāśrusrotasā siñcantīm, atipravṛttasya cāśruṇo nirvāhapraṇālikāmiva karpūraketakīkalikāṃ karṇe kalayantīm, āyataśvāsavidhutiraralitena ca santāpabhayapalāyamānena dehaprabhāvitānenevāṃśukena vimucyamānakucakalasām, āpatatpracalacāmarapratibimbaśca kucakalasayugalaṃ priyāntikagamanautsukyakṛtapakṣamiva karatalena nirundhatīm, muhurmuhurbhujalatayā tuṣāraśilāśālabhañjikāmāliṅgantīm, muhuḥ kapolaphalakena karpūraputrikāmāśliṣyantīm muhuścaraṇāravindena candanapaṅkapratiyātanāmāmṛśantīm, stanasaṃkrāntenātmamukhenāpi kutūhalineva parivṛtya vilokyamānām karṇapūrapallavenāpi svapratibimbapallavaśāyinā sotkaṇṭheneva cumbyamānakapolaphalakām, hārairapi muktātmabhirmadanaparavaśairiva prasāritakarairāliṅgyamānām, maṇidarpaṇamurasi nihitaṃ 'nodetavyamadya tvayā' iti jīvitasparśamayaṃ śapathaṃ śaśinamiva kārayantīm, kariṇīmiva sammukhāgatapramadavanagandhavāraṇaprasāritakarām, prasthitāmivānabhīṣṭadakṣiṇavātamṛgāgamanām, madanābhiṣekavedikāmiva kamalāvṛtacandanadhavalapayodharakalasāvaṣṭabdhapārśvām, ākāśakamalinīmiva svacchāmbarataladṛśyamānamṛṇālakomalorumūlām, kusumacāpalekhāmiva madanāropitaguṇakoṭikāntatarām, madhumāsadevatāmiva śiśirahāriṇīm, madhukarīmiva kusumamārgaṇākulām, candanavilepanāmanaṅgarāgiṇīñca, bālāṃ manmathajananīñca mṛṇālinīmabhyarthitatuṣārasparśāñca kādambarīṃ vyalokayat / | | kad pb1.1527 | prakāśamabravīt ?? 'devi! jānāmi kāmaratiṃ nimittīkṛtya pravṛtto'yamaviralasantāpatīvro vyādhiḥ / | | kad pb1.1572 | jīrṇapāśupatopadeśalikhitamahākālamatena, āvirbhūtanidhivādavyādhinā, sañjātadhātuvādavāyunā, lagnāsuravivarapraveśapiśācena, pravṛttayakṣakanyakākāmitvamanorathavyāmohena, varddhitāntardhānamantrasādhanasaṃgraheṇa, śrīparvatāścaryavārttāsahasrābhijñena, asakṛdabhimantritasiddhārthakaprahatipradhāvitaiḥ piśācagṛhītakaiḥ karatalatāḍanacipaṭīkṛtaśravaṇapuṭena, avimuktaśaivābhimānena, durgṛhītālābuvīṇāvādanodvejitapathikaparihṛtena, divasameva maśakakvaṇitānukāri kimapi kampitottamāṅgaṃ gāyatā, svadeśabhāṣānibaddha bhāgīrathībhaktistotranarttakena, gṛhītaturagabrahmacaryatayā anyadeśāgatoṣitāsu jaratpravrajitāsu bahukṛtvaḥ samprayuktastrīvaśīkaraṇacūrṇena, atiroṣaṇatayā kadācid durnyastāṣṭapuṣpikāpātotpāditakrodhena caṇḍikāmapi mukhabhaṅgivikārairbhṛśamupahasatā, kadācinnivāryamāṇā vāsaruṣitādhvagārabdhabahubāhuyuddhapātabhagna pṛṣṭhakena, kadācit kṛtāparādhabālakapalāyanāmarṣapaścātpradhāvitaskhalitādhomukhapātasphuṭita śiraḥkapālabhugnagrīveṇa, kadācijjanapadakṛtanavāgatāparadhārmikādaramatsarodbaddhātmanā, niḥsaṃskāratayā yatkiñcanakāriṇā, khañjatayā mandamandasañcāriṇā, badhiratayā saṃjñāvyavahāriṇā, rātryandhatayā divāvihāriṇā, lambodaratayā prabhūtāhāriṇā, anekaśaḥ phalapātana kupitavānaranakhollekhacchidritanāsāpuṭena, bahuśaḥ kusumāvacayacalitabhramarasahasradaṃśaśīrṇīkṛtaśarīreṇa, sahasraśaḥ śayanīkṛtāsaṃskṛtaśūnyadevakulakālasarpadaṣṭena, śataśaḥ śrīphalataruśikharacyuticūrṇitottamāṅgena, asakṛdutsannadevamātṛgṛhavāsyṛkṣanakhajarjaritakapolena, sarvadā vasantakrīḍinā janenotkṣiptakhaṇḍakhaṭvāropitavṛddhadāsīvivāhaprāptaviḍambanena, anekāyatanapratiśayitaniṣphalotthānena, dauḥsthityamapi vividhavyādhiparivṛtaṃ svakuṭumbamivodvahatā, mūrkhatāmapi bahuvyasanānugatāṃ prasūtānekāpatyāmiva darśayatā, krodhamapyanekadaṇḍāghātanirmitabahugātragaṇḍakaṃ phalitamiva prakāśayatā, kleśamapi sarvāvayavajvalitadīpikādāhavraṇavibhāvitaṃ bahumukhamiva prakaṭayatā, paribhavamapi niṣkāraṇākruṣṭajanapadadattapadākṛṣṭiśatasampravāhamiva dadhānena, śuṣkavanalatāvinirmitabṛhatakusumakaraṇḍakena, veṇulatāracitapuṣpapātanāṅkuśikena, kṣaṇamapyamuktakālakambalakhaṇḍakholena, jaraddraviḍadhārmikeṇādhiṣṭhitāṃ caṇḍikāmapaśyat / | | kad pb1.1606 | ātha mayā viditābhiprāyayā tanmukhaviniveśitaniṣkampanayanadattāvadhānayā 'ājñāpaya' iti vijñāpite nijāvayavairapi vaipathumadbhirnivāryamāṇeva, rahasyaśravaṇalajjayā ātmapratimāmapi likhitamaṇikuṭṭimena caraṇāṅguṣṭhenāpakramāyevāmṛśantī, bhavanakalahaṃsān kuṭṭimollekhamukharanūpureṇa caraṇāravindena visarjayantī, karṇotpalamadhukarānapi svidyadvadanavyajanīkṛtena aśukapallavenotsārayantī, tāmbūlavīṭikāśakalamutkocamiva dantakhaṇḍitaṃ śikhaṇḍine dadatī, vanadevatāśravaṇaśaṅkiteva muhurmuhuritastato vilokayantī, vaktukāmāpi na śaknoti sma kiñcidapi lajjākalitagadgadā gaditum / | | kad pb1.1646 | athāhaṃ prakāśam vihasyābravam ?? 'devi! yadyevam, utsṛja kopam, prasīda, nārhasi kāmāparādhena devaṃ dūṣayitum / | | kad pb1.1650 | tathāhi, aprakāśayan jvālāvalīḥ santāpaṃ janayati, aprakaṭayan dhūmapaṭalamaśru pātayati, adarśayan bhasmarajonikaraṃ pāṇḍutāmāvirbhāvayati / | | kad ub1.241 | na vijñāyate kiṃ mugdhatayā kiṃ vilāsena kimunmādena saṃgītakamṛdaṅgadhvaniteṣu kekāśaṅkayā dhārāgṛha marakatamaṇimayūramukhāni sthagayati / | | kad ub1.393 | deva, sarvato visphurantī taḍidiva balāhakonnāhamupārūḍhaśyāmikā meghalekheva salilāgamanamupadarśitapāṇḍucchaviḥ prācīva candrodayaṃ parimalagrāhiṇī malayānilāgatiriva vasantamāsāvatāramabhyucchritamakaradhvajā madhumāsalakṣmīriva pallavodbhedamullasitarāgapallavodgatiriva kusumanirgamaṃ vikasitakāśakusumamañjarīva śaradārambhavasthaiveyamāvedayati niḥsaṃśayaṃ devasya gamanam / | | kad ub1.451 | dadātyeva hṛdaye'vakāśamatyudāratā / | | kad ub1.779 | etatkhalu pradīpenāgneḥ prakāśanaṃ vāsarālokena bhāsvataḥ sagudbhāsanamavaśyāyaleśairāhlādanamamṛtāṃśormeghāmbubindubhirāpūraṇaṃ payoghervyajanānilairativardhanaṃ prabhañjanasya yadasmadvidhaiḥ paribodhanamāryasya / | | kad ub1.915 | athānuraktakamalinīsamāgamāprāptisaṃtāpādiva samaṃ divasenāstamupagatavati tejasāṃ patyau, tejaḥpatipatanāccitānalamiva saṃdhyārāgamaparāśayā saha viśati paścime gaganabhāge, saṃdhyānalasphuliṅganikaraṃ iva sphurati tārāgaṇe, divasavirāmānmūrcchāgameneva tamasā nimīlyamāneṣu diṅmukheṣu, nivāsābhimukhamukheraṣu viyadviyogaduḥkhādiva kṛtārtapralāpeṣu vayaḥsamūheṣu, janitaprakāśaṃ janmeva samālokya doṣāgamaṃ nirālokaṃ garbhamiva tamaḥpraviṣṭe punarjīvaloke, nijālokādvikāśitapūrvadigvadhūvadane janmāntarāgata ivodayagirivartini nakṣatrasamāgamasukhamanubhavati bhagavati bhūyo bhūyaḥ svakāntinirbharānniṣkalaṅka iva nakṣatranāthe, vispaṣṭāyāṃ niśīthinyām, prasthānamaṅgale praṇāmāyopagataṃ candrāpīḍaṃ pīḍayāntarvilīyamāneva bāṣpotpīḍamapārayantī pātumatyāyatābhyāmapi netrābhyāṃ kṛtaprayatnāpyamaṅgalaśaṅkayā vilāsavatī manyurāgāvegagadgadikoparudhyamānākṣaramavādīt' / | | kad ub1.1102 | pade pade nivāryamāṇamiva guruṇorustambhena, dūrata eva madāliṅganālīkāśayā prasāritabhujayugalamutkalikāsahasraviṣamaṃ rāgasāgaramiva pratarantam, anavaratapravṛttairākṛṣyamāṇamiva purastāddīrghairniśvāsamarudbhiḥ, uhyamānamiva diṅmukhaplāvinā jyotsnāpūreṇa, raṇaraṇakaśūnyam, ucchuṣkānanam, pronmuktaṃ sattvena, pratipannaṃ kṛpaṇatayā, avadhīritaṃ dhairyeṇa, saṃgṛhītaṃ taralatayā, visarjitaṃ lajjayā, adhigataṃ dhāṣṭyena, dūrīkṛtaṃ paralokabhītyā, vimuktaṃ yuktāyuktavivekena, saṃkalpajanmana eva kevalasya vaśe sthitam, āviṣṭamiva mattamivonmādādāpatantam, dūratopi divasanirviśeṣeṇa candrātapena vibhāvyamānaṃ tameva yuvānamadrākṣam / | | kad ub1.1315 | athāpagatavati jaladasamaye, ghananirodhodbandhādivonmukte jīvaloke, prasarantīṣvivāśāsu, phalabharāvanamrakalamavanapiñjarāsu grāmasīmāsu, kāśakusumadhavalāsvaraṇyasthalīṣu, sevyatāmupagateṣu prāsādataleṣu kahlārahāriṣu palvaleṣu, kumudāmodaśītalāsu yāmavatīṣu, sephālikāparimalagrāhiṣu niśāvasānamātariśvasu, candraprabhābhirāmeṣu pradoṣeṣu, uddāmaphullendīvararajovāsasurabhiṣu vāsareṣu, salilāpasaraṇakramataraṃgyamāṇāsu sukumāratīrasaikatarekhāsu, sukhottāratāmāpannāsvāpagāsu, paṅkapariharaṇaśuṣkeṣvaprahatarūḍhatṛṇolapacchanneṣu mandāśyānakardamodbhidyamānābhinavapadavīkeṣu punarapi pārthivalokena pravirtiteṣu prāñjalavartmasu jambālavigamātsarvatasturagakhurasahāsu bhūmiṣvekadā candrāpīḍacaraṇamūlopaviṣṭāṃ kādambarīmupasṛtya meghanādo vyajñapayat' / |
|
