| sis 16.10-1 | ghanajālanibhairdurāsadāḥ parito nāgakadambakaistava / | | suv 0740-2 | punarapi gato raktāśokaṃ kadambataruṃ tataḥ / | | suv 0962-1 | śikharī citaśikharaśikhaḥ sphuradaurvaśikhākadambakombunidhiḥ / | | har 1.89 | krameṇa ca mandāyamāne mukulitabisinīvisaravyasanaviṣaṇṇasarasi vāsare, madhumadamuditakāminīkopakuṭilakaṭākṣakṣipyamāṇa iva kṣepīyaḥ kṣitidharaśikharamavatarati taruṇatarakapilapanalohite lokaikacakṣuṣi bhagavati, prasnutamukhamāheyīyūthakṣaratkṣīradhārādhavaliteṣvāsannacandrodayoddāmakṣīrodalaharīkṣāliteṣviva divyāśramopaśalyeṣvaparāhṇapracāracalite, cāmariṇi cāmīkarataṭatāḍanaraṇitaradane radati surasravantīrodhāṃsi svairamairāvate, prasṛtānekavidyādharābhisārikāsahasracaraṇālaktakarasānulipta iva prakaṭayati ca tārāpathe pāṭalatām, tārāpathaprasthitasiddhadattadinakarāstamayārdhyāvarjite rañjitakakubhi, kusumbhabhāsi sravati pinākipraṇatimuditasaṃdhyāsvedasalila iva raktacandanadrave, vandārumunivṛndārakavṛndabadhyamānasaṃdhyāñjalivane, brahmotpattikamalasevāgatasakalakamalākara iva rājati brahmaloke, samuccāritatṛtīyasavanabrahmaṇi brahmaṇi, jvalitavaitānajvalanajvālājaṭālājireṣvārabdhadharmasādhanaśibiranīrājaneṣviva saptarṣimandireṣvaghamarṣaṇamuṣitakilbiṣaviṣagadollāghalaghuṣu yatiṣu saṃdhyopāsanāsīnatapasvipaṅktipūtapuline plavamānanalinayoniyānahaṃsahāsadanturitormiṇi mandākinījale, jaladevatātapatre patrarathakulakalatrāntaḥpurasaudhe, nijamadhumadhurāmodini kṛtamadhupamudi mumudiṣamāṇe kumudavane, divasāvasānatāmyattāmarasamadhuramadhusapītiprīte, suṣupsati mṛdumṛṇālakāṇḍakaṇḍūyanakuṇḍalitakaṃdhare dhutapakṣarājivījitarājīvasarasi rājahaṃsayūthe, taṭalatākusumadhūlidhūsaritasariti siddhapurapuraṃdhridhammillamallikāgandhagrāhiṇi sāyaṃtane tanīyasi niśāniḥśvāsanibhe nabhasvati, saṃkocodañcaduccakesarakoṭisaṃkaṭakuśeśayakośakoṭarakuṭīśāyini ṣaṭcaraṇacakre, nṛttoddhūtadhūrjaṭijaṭāṭavīkuṭajakuḍmalanikaranibhe nabhastalaṃ stabakayati tārāgaṇe, saṃdhyānubandhatāmre pariṇamattālaphalatvakitvaṣi kālameghamedure, medinīṃ mīlayati navavayasi tamasi taruṇataratimirapaṭalapāṭanapaṭīyasi samunmiṣati yāminīkāminīkarṇapūracampakakalikākadambake pradīpaprakare, pratanutuhinakiraṇakiraṇalāvaṇyālokapāṇḍunyāśyānanīlanīramuktakālindīkūlabālapulināyamāne śātakratave, kṛśayati timiramāśāmukhe khamuci mecakitavikacitakuvalayasarasi śaśadharakaranikarakacagrahāvile vilīyamāne māninīmanasīva śarvarīśabarīcikuracaye cāṣapakṣatviṣi tamasyudite, bhagavatyudayagiriśikharakaṭakakuharaharikharanakharanivahahetinihatanijahariṇagalitarudhiranicayanicitamiva lohitaṃ vapurudayarāgadharamadharamiva vibhāvarīvadhvā dhārayati śvetabhānau, acaladyutacandrakāntajaladhārādhauta iva dhvaste dhvānte, golokagalitadugdhavisaravāhini dantamayamakaramukhamahāpraṇāla ivāpūrayituṃ pravṛtte payodhimindumaṇḍale, spaṣṭe pradoṣasamaye sāvitrī śūnyahṛdayāmiva kimapi dhyāyantīṃ sāsrāṃ sarasvatīmavādīt - "sakhi, tribhuvanopadeśadānadakṣāyāstava puro jihvā jihreti me jalpantī / | | har 1.133 | madhye ca tasya sārdhacandreṇa muktāphalajālamālinā vividharatnakhaṇḍakhacitena śaṅkhakṣīraphenapāṇḍureṇa kṣīrodeneva svayaṃ lakṣmīṃ dātumāgatena gaganagatenātapatreṇa kṛtacchāyam, acchācchenābharaṇadyutīnāṃ nivahena diśāmiva darśanānurāgalagnena cakravālenānugamyamānam, ānitambavilambinyā mālatīśekharasrajā sakalabhuvanavijayārjitayā rūpapatākayeva virājamānam, utsarpibhiḥ śikhaṇḍakhaṇḍikāpadmarāgamaṇeraruṇairaṃśujālairadṛśyamānavanadevatāvidhṛtairbālapallavairiva pramṛjyamānamārgareṇuparuṣavapuṣam, bakulakuḍmalamaṇḍalīmuṇḍamālāmaṇḍanamanohareṇa kuṭilakuntalastabakamālinā maulinā mīlitātapaṃ pibantamiva divasam, paśupatijaṭāmukuṭamṛgāṅkadvitīyaśakalaghaṭitasyeva sahajalakṣmīsamāliṅgitasya lalāṭapaṭṭasya manaḥśilāpaṅkapiṅgalena lāvaṇyena limpantamivāntarikṣam, abhinavayauvanārambhāvaṣṭambhapragalbhadṛṣṭipātatṛṇīkṛtatribhuvanasya cakṣuṣaḥ prathimnā vikacakumudakuvalayakamalasaraḥsahasrasaṃchāditadaśadiśaṃ śaradamiva pravartayantam, āyatanayananadīsīmāntasetubandhena lalāṭataṭaśaśimaṇiśilātalagalitena kāntisalilasrotaseva drāghīyasā ghoṇāvaṃśena śobhamānam, atisurabhisahakārakarpūrakakkolalavaṅgapārijātakaparimalamucā mattamadhukarakulakolāhalamukhareṇa mukhena sanandanavanaṃ vasantamiva vasantam, āsannasuhṛtparihāsabhāvanottānitamukhamugdhahasitairdaśanajyotsnāsnapitadiṅmukhaiḥ punaḥpunarnabhasi saṃcāriṇaṃ candrālokamiva kalpayantam, kadambamukulasthūlamuktāphalayugalamadhyādhyāsitamarakatasya trikaṇṭakakarṇābharaṇasya preṅkhataḥ prabhayā samutsarpantyā kṛtasakusumaharitakundapallavakarṇāvataṃsamivopalakṣyamāṇam, āmoditamṛgamadapaṅkalikhitapattrabhaṅgabhāsvaram, bhujayugalamuddāmamakarākrāntaśikharamiva makaraketuketudaṇḍadvayaṃ dadhānam, dhavalabrahmasūtrasīmantitaṃ sāgaramathanasāmarṣagaṅgāsrotaḥ saṃdānitamiva mandaraṃ dehamudvahantam, karpūrakṣodamuṣṭicchuraṇapāṃśuleneva kāntoccakucacakravākayugalavipulapulinenoraḥsthalena sthūlabhujāyāmapuñjitam puro vistārayantamiva dikcakram, purastādīṣadadhonābhinihitaikakoṇakamanīyena pṛṣṭhataḥ kakṣyādhikakṣiptapallavenobhayataḥ saṃvalanaprakaṭitorutribhāgena hārītaharitā nibiḍanipīḍitenādharavāsasā vibhajyamānatanutaramadhyabhāgam, anavarataśramopacitamāṃsakaṭhinavikaṭamakaramukhasaṃlagnajānubhyāṃ viśālavakṣaḥsthalopalavedikottambhanaśilāstambhābhyāṃ cārucandanasthāsakasthūlakāntibhyāmūrudaṇḍābhyāmupahasantamivairāvatakarāyāmam, atibharitorūbhāravahanakhedeneva tanutarajaṅghākāṇḍaṃ kalpapādapapallavadvayasyeva pāṭalasyobhayapārśvāvalambinaḥ pādadvayasya dolāyamānairnakhamayūkhairaśvamaṇḍanacāmaramālāmiva racayantam, abhimukhamuccairudañcadbhiraticiramupariviśrāmyadbhiriva valitavikaṭam, patadbhiḥ khuraiḥ khaṇḍitabhuvi pratikṣaṇadaśanavimuktakhaṇakhaṇāyitakharakhalīne dīrghaghrāṇalīnalālikalalāṭalulitacārucāmīkaracakrake śiñjānaśātakaumbhajayanaśobhini manoraṃhasi golāṅgūlakapolakālakāyalomni nīlasindhuvāravarṇe vājini mahati samārūḍham, ubhayataḥ paryāṇapaṭṭaśliṣṭahastābhyāmāsannaparicārakābhyāṃ dodhūyamānadhavalacāmarikāyugalam, agrataḥ paṭhato bandinaḥ subhāṣitamutkaṇṭakitakapolaphalakena lagnakarṇotpalakesarapakṣmaśakaleneva mukhaśaśinā bhāvayantam, anaṅgayugāvatāramiva darśayantam, candramayīmiva sṛṣṭimutpādayantam, vilāsaprāyamiva jīvalokaṃ janayantam, anurāgamayamiva mārgāntaramānayantam, śṛṅgāramayamiva divasamāpādayantam, rāgarājyamiva pravartayantam, ākarṣaṇāñjanamiva cakṣuṣoḥ, vaśīkaraṇamantramiva manasaḥ, svasthāveśacūrṇamivendriyāṇām, asaṃtoṣamiva kautukasya, siddhayogamiva saubhāgyasya, punarjanmadivasamiva manmathasya, rasāyanamiva yauvanasya, ekarājyamiva rāmaṇīyakasya, kīrtistambhamiva rūpasya, mūlakoṣamiva lāvaṇyasya, puṇyakarmapariṇāmamiva saṃsārasya, prathamāṅkuramiva kāntilatāyāḥ, sargābhyāsaphalamiva prajāpateḥ, pratāpamiva vibhramasya, yaśaḥpravāhamiva vaidagdhyasya, aṣṭādaśavarṣadeśīyaṃ yuvānamadrākṣīt / | | har 1.246 | sarasvatī tu dadhīcasaṃdeśāśaṅkinī kiṃ vakṣyatīti stanavinihitavāmakaranakhakiraṇadanturitamudbhidyamānakutūhalāṅkuranikaramiva hṛdayamuttarīyadukūlavalkalaikadeśena saṃchādayantī, galatāvataṃsapallavena śrotuṃ śravaṇeneva dhāvamānenānavarataśvāsasaṃdohadolāyitāṃ jīvitāśāmiva samāsannalatāmavalambamānā, samutphullasya mukhaśaśino lāvaṇyapravāheṇa śṛṅgāraraseneva plāvayantī jīvalokam, śayanakusumaparimalalagnairmadhukarakadambakairmadanānaladāhaśyāmalairmanorathairiva nirgatya mūrtairutkṣipyamāṇā, kusumaśayanīyātsmaraśarasaṃjvariṇī, mandaṃ mandamudagāt / | | har 2.74 | nirvartitasnānāśanavyatikaro viśrāntaśca mekhalakena saha yāmamātrāvaśeṣe divase bhuktavati bhūbhuji prakhyātānāṃ kṣitibhujāṃ bahūñśibirasaṃniveśānvīkṣamāṇaḥ śanaiḥ śanaiḥ paṭṭabandhārthamupasthāpitaiśca ḍiṇḍimādhirohaṇāyāhṛtaiścābhinavabaddhaiśca vikṣepopārjitaiśca kauśalikāgataiśca nāgavīthīpālapreṣitaiśca prathamadarśanakutūhalopanītaiśca dūtasaṃpreṣaṇapreṣitaiśca pallīparivṛḍhaḍhaukitaiśca svecchāyuddhakrīḍākautukākāritaiśca dīyamānaiścācchidyamānaiśca mucyamānaiśca yāmasthāpitaiśca sarvadvīpajigīṣayā giribhiriva sāgarasetubandhanārthamekīkṛtairdhvajapaṭapaṭupaṭahaśaṅkhacāmarāṅgarāgaramaṇīyaiḥ puṣyābhiṣekadivasairiva kalpitairvāraṇendraiḥ śyāmāyamānam, anavaratacalitakhurapuṭaprahatamṛdaṅgairnartayadbhiriva rājalakṣmīmupahasadbhiriva sṛkkapuṭaprasṛtaphenāṭṭahāsena javajaḍajaṅghāṃ hariṇajātimākārayadbhiriva saṃghaṭṭahetorharṣaheṣitenoccaiḥśravasamutpatadbhiriva divasakararathaturagaruṣā pakṣāyamāṇamaṇḍanacāmaramālairgaganatalaṃ turaṅgaistaraṅgāyamānam, anyatra preṣitaiśca preṣyamāṇaiśca preṣitapratīpanivṛttaiśca bahuyojanagamanagaṇanasaṃkhyākṣarāvalībhiriva varāṭikāvalībhirghaṭitamukhamaṇḍanakaistārakitairiva saṃdhyātapacchedairaruṇacāmarikāracitakarṇapūraiḥ saraktotpalairiva raktaśāliśāleyairanavaratajhaṇajhaṇāyamānacārucāmīkaraghurughurukamālikairjaratkarañjavanairiva raṇitaśuṣkabījakośīśataiḥ śravaṇopāntapreṅkhatpañcarāgavarṇorṇācitrasūtrajūṭajaṭājālaiḥ kapikapolakapilaiḥ kramelakakulaiḥ kapilāyamānam, anyatra śarajjaladharairiva sadyaḥsrutapayaḥpaṭaladhavalatanubhiḥ kalpapādapairiva muktāphalajālakajāyamānālokaluptacchāyāmaṇḍalairnārāyaṇanābhipuṇḍarīkairivāśliṣṭagaruḍapakṣaiḥ kṣīrododdeśairiva dyotamānavikaṭavidrumadaṇḍaiḥ śeṣaphaṇāphalakairivoparisphuratsphītamāṇikyakhaṇḍaiḥ śvetagaṅgāpulinairiva rājahaṃsopasevitairabhibhavadbhiriva nidāghasamayamupahasadbhiriva vivasvataḥ pratāpamāpibadbhirivātapaṃ candralokamayamiva jīvalokaṃ janayadbhiḥ kumudamayamiva kālaṃ kurvadbhirjyotsnāmayamiva vāsaraṃ viracayadbhiḥ phenamayīmiva divaṃ darśayadbhirakālakaumudīsahasrāṇīva sṛjadbhirupahasadbhiriva śātakratavīṃ śriyaṃ śvetāyamānairātapatrakhaṇḍaiḥ śvetāyamānam, kṣaṇadṛṣṭanaṣṭāṣṭadiṅmukhaṃ ca muṣṇadbhiriva bhuvanamākṣepotkṣepadolāyitaṃ dinaṃ gatāgatānīva kārayadbhirutsārayadbhiriva kunṛpatikalaṅkakālīṃ kāleyīṃ sthitiṃ vikacaviśadakāśavanapāṇḍuradiśaṃ śaratsamayamivopapādayadbhirbisatantumayamivāntarikṣamāvirbhāvayadbhiḥ śaśikaraśucīnāṃ calatāṃ cāmarāṇāṃ sahasrairdolāyamānam, api ca haṃsayūthāyamānaṃ karikarṇaśaṅkhaiḥ, kalpalatāvanāyamānaṃ kadalikābhiḥ, māṇikyavṛkṣakavanāyamānaṃ māyūrātapatraiḥ, mandākinīpravāhāyamānamaṃśukaiḥ, kṣīrodāyamānaṃ kṣaumaiḥ, kadalīvanāyamānaṃ marakatamayūkhaiḥ, janyamānānyadivasamiva padmarāgabālātapaiḥ, utpadyamānāparāmbaramivendranīlaprabhāpaṭalaiḥ, ārabhyamāṇāpūrvaniśamiva mahānīlamayūkhāndhakāraiḥ, syandamānānekakālindīsahasramiva garuḍamaṇiprabhāpratānaiḥ, aṅgārakitamiva puṣparāgaraśmibhiḥ, kaiścitpraveśamalabhamānairadhomukhaiścaraṇanakhapatitavadanapratibimbanibhena lajjayā svāṅgānīva viśadbhiḥ kaiścidaṅgulīlikhitāyāḥ kṣitervikīryamāṇakaranakhakiraṇakadambakavyājena sevācāmarāṇīvārpayadbhiḥ kaiściduraḥsthaladolāyamānendranīlataralaprabhāpaṭṭaiḥ svāmiprakopapraśamanāya kaṇṭhabaddhakṛpāṇapaṭṭairiva kaiściducchvāsasaurabhabhrāmyadbhramarapaṭalāndhakāritamukhairapahṛtalakṣmīśokadhṛtalambaśmaśrubhirivānyaiḥ śekharoḍḍīyamānamadhupamaṇḍalaiḥ praṇāmaviḍambanābhayapalāyamānamaulibhiriva nirjitairapi saṃmānitairivānanyaśaraṇairantarāntarā niṣpatatāṃ praviśatāṃ cāntarapratīhārāṇāmanumārgapradhāvitānekārthijanasahasrāṇāmanuyāyinaḥ puruṣānaśrāntaiḥ punaḥ punaḥ pṛcchadbhiḥ "bhadra, adya bhaviṣyati bhuktvā sthāne dāsyati darśanaṃ parameśvaraḥ, niṣpatiṣyati vā bāhyāṃ kakṣyām" iti darśanāśayā divasaṃ nayadbhirbhujanirjitaiḥ śatrumahāsāmantaiḥ samantādāsevyamānam, anyaiśca pratāpānurāgāgatairnānādeśajairmahīpālaiḥ pratipālayadbhirnarapatidarśanakālamadhyāsyamānam, ekāntopaviṣṭaiśca jainairārhataiḥ pāśupataiḥ pārāśaribhirvarṇibhiśca sarvadeśajanmabhiśca janapadaiḥ sarvāmbhodhivelāvanavalayavāsibhiśca mlecchajātibhiḥ sarvadeśāntarāgataiśca dūtamaṇḍalairupāsyamānam, sarvaprajānirmāṇabhūmimiva prajāpatīnāṃ lokatrayasāroccayaracitaṃ caturthamiva lokam, mahābhārataśatairapyakathanīyasamṛddhisaṃbhāram, kṛtayugasahasrairiva kalpitasaṃniveśam, svargārbudairiva vihitarāmaṇīyakam, rājalakṣmīkoṭibhiriva kṛtaparigrahaṃ rājadvāramagamat / | | har 2.95 | gatvā ca taṃ pradeśaṃ dūrādeva gambhīragalagarjitorjitairviyati cātakakadambakairbhuvi ca bhavananīlaṇṭhakulaiḥ kalakekākalakalamukharamukhaiḥ kriyamāṇakalakolāhalam, vikacakadambasaṃvādimadasurāsaurama?bharitabhuvanam, kāyavantamivākālameghakālam, aviralamadhubindupiṅgalapadmajālakitāṃ sarasīmivābhyavagāḍhāṃ daśāṃ caturthimutsṛjantam, anavaratamavataṃsaśaṅkhairāmandrakarṇatāladundubhidhvanibhiḥ pañcamīpraveśamaṅgalārambhamiva gāyantam, aviratacalancitratripadīlalittalāsyalayairdolāyamānadīrghadehābhogatayā medinīvidalanabhayena bhāramiva laghayantam, digbhittitaṭeṣu kāyamiva kaṇḍūyamānam, āhavāyodastahastatayā digvāraṇānivāhvayamānam, brahmastambhāmiva sthūlaniśitadantena karapatreṇa pāṭayantam, amāntaṃ bhuvanābhyantare bahiriva nirgantumīhamānam, sarvataḥ sarasakiśalayalatālāsibhirleśikaiściraparicayopacitairghanairiva vikṣiptasaśaivalabisavisaraśabalasalilaiḥ sarobhiriva cādhoraṇairādhīyamānanidhāghasamayasamucitopacārānandam, api ca pratigajadānapavanādānadūrotkṣiptenānekasamaravijayagaṇanālekhābhiriva valivalayarājibhistanīyasībhistaraṅgitodareṇātisthavīyasā hastārgaladaṇḍenārgalayantamiva sakalaṃ sakulaśailasamudradvīpakānanaṃ kakubhāṃ cakravālam, ekaṃ karāntarārpitenotpalāśena kadalīdaṇḍenāntargataśīkarasicyamānamūlam, muktapallavamiva paraṃ līlāvalambinā mṛṇālajālakena samararasoccaromāñcakaṇṭakitamiva dantakāṇḍaṃ vahantam, visarpantyā ca dantakāṇḍayugalakasya kāntyā saraḥkrīḍāsvāditānīva kumudavanāni bahudhā vamantam, nijayaśorāśimiva diśāmarpayantam, kukarikīṭapāṭanadurlalitānsiṃhānivopahasantam, kalpadrumadukūlamukhapaṭamiva cātmanaḥ kalayantam, hastakāṇḍadaṇḍodvaraṇalīlāsu ca lakṣyamāṇena raktāṃśukasukumāratalena tālunā kavalitāni raktapadmavanānīva varṣantam, abhinavakisalayarāśīnivodgirantam, kamalakavalapītaṃ madhurasamiva svabhāvapiṅgalena vamantam, cakṣuṣā cūtacampakalavalīlavaṅgakakkolavantyelālatāmiśritāni sasahakārāṇi karpūrapūrapūritāni pārijātakavanānīvopabhuktāni puraḥ karṭābhyāṃ bahalamadāmodavyājena visṛjantam, aharniśaṃ vibhramakṛtahastasthitibhirardhakhaṇḍitapuṇḍrekṣukāṇḍakaṇḍūyanalikhitairalikulavācālitairdānapaṭṭakairvilabhamānamiva sarvakānanāni karipatīnāmaviralodabindusyandinā himaśilāśakalamayena vibhramanakṣatramālāguṇena śiśirīkriyamāṇam, sakalavāraṇendrādhipatyapaṭṭabandhabandhuramivoccaistarāṃ śiro dadhānam, muhurmuhuḥ sthagitāpāvṛtadiṅmukhābyāṃ karṇatālatālavṛntābhyāṃ vījayantamiva bhartṛbhaktyā dantaparyaṅkikāsthitāṃ rājalakṣmīmāyatavaṃśakramāgatena gajādhipatyacihnena cāmareṇeva calatā vāladhinā virājamānam, svacchaśiśiraśīkaracchalena digvijayapītāḥ sarita iva punaḥ punarmukhena muñcantam, kṣaṇamavadhānadānanispandīkṛtasakalāvayavānāmanyadviradḍiṇḍimākarṇanāṅgavalanānāmante dīrghaśūtkāraiḥ paribhavaduḥkhamivāvedayantam, alabdhayudhamivātmānamanuśocantam, ārohādhirūḍhiparibhavena lajjamānamivāṅgulīlikhitamahītalaṃ madaṃ muñcantam, avajñāgṛhītamuktakavalakupitārohāraṭanānurodhena madatandrīnimīlitanetratribhāgam, kathaṃ kathamapi mandamandamanādarādādadānam, kavalānavajagdhatamālapallavasrutaśyāmalarasena prabhūtatayā madapravāhamiva mukhenāpyutsṛjantam, calantamiva darpeṇa, śvasantamiva śauryeṇa, mūrcchantamiva madena, truṭyantamiva tāruṇyena, dravantamiva dānena, valgantamiva balena, mādyantamiva mānena, udyantamivotsāhena, tāmyantamiva tejasā, limpantamiva lāvaṇyena, siñcantamiva saubhāgyena, snigdhaṃ nikheṣu, paruṣaṃ romaviṣaye, guruṃ mukhe, sacchiṣyaṃ vinaye, mṛduṃ śirasi, dṛḍhaṃ paricayeṣu, hrasvaṃ skandhabandhe, dīrghamāyuṣi, daridramudare, satatapravṛttaṃ dāne, balabhadraṃ madalīlāsu, kulakalatramāyattatāsu, jinaṃ kṣamāsu, vahnivarṣaṃ krodhamokṣeṣu, garuḍaṃ nāgoddhṛtiṣu, nāradaṃ kalahakutūhaleṣu, śuṣkāśanipātamavaskandeṣu, makaraṃ vāhinīkṣobheṣu, āśīviṣaṃ daśnakarmasu, varuṇaṃ hastapāśākṛṣṭiṣu, yamavāgurāmarātisaṃveṣṭaneṣu, kālaṃ pariṇatiṣu, rāhuṃ tīkṣṇakaragrahaṇeṣu, lohitāṅgaṃ vaktracāreṣu, alātacakraṃ maṇḍalabhrāntivijñāneṣu, manorathasaṃpādakaṃ cintāmaṇiparvataṃ vikramasya, dantamuktāśailastambhanivāsaprāsādamabhimānasya, ghaṇṭācāmaramaṇḍanamanoharamicchāsaṃcaraṇavimānaṃ manasvitāyāḥ, madadhārādurdināndhakāraṃ gandhodakadhārāgṛhaṃ krodhasya, sakāñcanapratimaṃ mahāniketanamahaṃkārasya, sagaṇḍaśailaprasravaṇaṃ krīḍāparvatamavalepasya, sadantatoraṇaṃ vajramandiraṃ darpasya, uccakumbhakūṭāṭṭālakavikaṭaṃ saṃcāri giridurgaṃ rājyasya, kṛtānekabāṇavivarasaharaṃ lohaprākāraṃ pṛthivyāḥ, śilīmukhaśatajhāṃkāritaṃ pārijātapādapaṃ bhūnandanasya, tathā ca saṃgītagṛhaṃ karṇatālatāṇḍavānām, āpānamaṇḍapaṃ madhupamaṇḍalānām, akṣuṇṇapradoṣaṃ nakṣatramālāmaṇḍalānām, akālaprāvṛṭkālaṃ madamahānadīpūraplavānām, alīkaśaratsamayaṃ saptacchadavanaparimalānām, apūrvahimāgamaṃ śīkaranīhārāṇām, mithyājaladharaṃ garjitāḍambarāṇāṃ darpaśātamapaśyat / | | har 4.68 | athānyasminnatikrānte kasmiṃścitkāle kandalini kuḍmalitakadambatarau tokmatṛṇastambe stambhitatāmarase vikasitacātakacetasi mūkamānasaukasi nabhasi devyā devakyā iva cakrapāṇiryaśovatyā hṛdaye garbhe ca samameva saṃbabhūva harṣaḥ / | | har 4.139 | evaṃ ca vṛtte tasminmahotsave śanaiḥ śanaiḥ punarapyatikrāmati kāle, deve cottamāṅganihitarakṣāsarṣape, samunmiṣatpratāpāgnisphuliṅga iva gorocanāpiñjaritavapuṣi, samabhivyajyamānasahajakṣāttratejasīva hāṭakabaddhavikaṭavyāghranakhapaṅktimaṇḍitagrīvake, hṛdayodbhidyamānadarpāṅkura iva prathamāvyaktajalpitena satyasya śanairoṃkāramiva kurvāṇe, mugdhasmitaiḥ kusumairiva madhukarakulāni bandhuhṛdayānyākarṣati, jananīpayodharakalaśapayaḥśīkarasekādiva jāyamānairvilāsahasitāṅkurairdaśanakairalaṃkriyamāṇamukhakamalake, cāritra ivāntaḥpurastrīkadambakena pālyamāne, mantra iva sacivamaṇḍalena rakṣyamāṇe, vṛtta iva kulaputrakalokenāmucyamāne, yaśasīvātmavaṃśena saṃvardhyamāne, mṛgapatipota iva rakṣipuruṣaśastrapañjaramadhyagate, dhātrīkarāṅgulilagne pañcaṣāṇi padāni prayacchati harṣe, ṣaṣṭhaṃ varṣamavatarati ca rājyavardhane devī yaśovatī garbheṇādhatta nārāyaṇamūrtiriva vasudhāṃ devīṃ rājyaśriyam / | | har 4.192 | jātamudi kṛtārthe gate ca tasminnāsanneṣu ca vivāhadivaseṣūddāmadīyamānatāmbūlapaṭavāsakusumaprasādhitasarvalokam, sakaladeśādiśyamānaśilpisārthāgamanam, avanipālapuruṣagṛhītasamagragrāmīṇānīyamānopakaraṇasaṃbhāram, rājadauvārikopanīyamānānekanṛpopāyanam, upanimantritāgatabandhuvargasaṃvargaṇavyagrarājavallabham, labdhamadhumadapracaṇḍacarmakārakarapuṭollālitakoṇapaṭuvighaṭṭanaraṇanmaṅgalapaṭaham, piṣṭapañcāṅgulamaṇḍyamānolūkhalamusalaśilādyupakaraṇam, labdhamadhumadapracaṇḍacarmakārakarapuṭollālitakoṇapaṭuvighaṭṭanaraṇanmaṅgalapaṭaham, piṣṭapañcāṅgulamaṇḍyamānolūkhalamusalaśilādyupakaraṇam, aśeṣāśāmukhāvirbhūtacāraṇapramparāpūryamāṇaprakoṣṭhapratiṣṭhāpyamānendrāṇīdaivatam, sitakusumavilepanavasanasatkṛtaiḥ sūtradhārairādīyamānavivāhadevīsūtrapātam, utkūrcakakaraiśca sudhākarparaskandhairadhirohiṇīsamārūḍhairdhavairdhavalīkriyamāṇaprāsādapratolīprākāraśikharam, kṣuṇṇakṣālyamānakusumbhakasaṃbhārāmbhaḥplavapūrarajyamānajanapādapallavam, nirūpyamāṇayautakayogyamātaṅgaturaṅgataragitāṅganam, gaṇanābhiyuktagaṇakagaṇagṛhyamāṇalagnaguṇam, gandhodakavāhimakaramukhapraṇālīpūryamāṇakrīḍāvāpīsamūham, hemakārackraprakrāntahāṭakaghaṭanaṭāṅkāravācālitālindakam, utthāpitābhinavabhittipātyamānabahalavālukākaṇṭhakālepākulālepakalokam, caturacitrakarackravālalikhyamānamaṅgalyālekhyam, lepyakārakadambakakriyamāṇamṛṇmayamīnakūrmamakranārikelakadalīpūgavṛkṣakam, kṣitipālaiśca svayamābaddhakakṣyaiḥ svāmyarpitakarmaśobhāsaṃpādanākulaiḥ sindūrakuṭṭimabhūmīśca masṛṇayadbhirvinihitasarasātarpaṇahastānvinyastālaktakapāṭalāṃśca cūtāśokapallavalāñchitaśikharānudvāhavitardikāstambhānuttambhayadbhiḥ prārabdhavividhavyāpāram, āsūryodayācca praviṣṭābhiḥ satībhiḥ subhagābhiḥ surūpābhiḥ suveśābhiravidhavābhiḥ sindūrarajorājirājitalalāṭābhirvadhūvaragotragrahaṇagarbhīṇi śrutisubhagāni maṅgalāni gāyantībhirbahuvidhavarṇakādigadhāṅgulībhirgrīvāsūtrāṇi ca citrayantībhiścītrapatralatālekhyakuśalābhiḥ kalaśāṃśca dhavalitāñśītalaśārājiraśreṇīśca maṇḍayantībhirabhinnapuṭakarpāsatūlapallavāṃśca vaivāhikakaṅkaṇorṇāsūtrasaṃnāhāmśca rañjayantībhirbalāśanāghṛtaghanīkṛtakuṅkumakalkamiśritāṃścāṅgarāgāṃllāvaṇyaviśeṣakṛnti ca mukhālepanāni kalpayantībhiḥ kakkolamiśrāḥ sajātīphalāḥ sphūratsphītasphāṭikakarpūraśakalakhacitāntarālā lavaṅgamālā racayantībhiḥ samantātsāmantasīmantinībhirvyāptam, bahuvidhabhaktinirmāṇanipuṇapurāṇapaurapuraṃdhribadhyamānairbaddhaiścācāracaturāntaḥpurajaratījanitapūjārājamānarajakarajyamānai raktaiścobhayapaṭāntalagnaparijanapreṅkholitaiśchāyāsu śoṣyamāṇaiḥ śuṣkaiśca kuṭilakramarūpakriyamāṇapallavaparabhāgairaparairārabdhakuṅkumapaṅkasthāsakacchuraṇairaparairudbhujabhujiṣyabhajyamānabhaṅgurottarīyaiḥ kṣaumaiśca bādaraiśca dukūlaiśca lālātantujaiścāṃśukaiśca netraiśca nirmokanibhairakaṭhorarambhāgarbhakomalairniḥśvāsahāryaiḥ sparśānumeyairvāsobhiḥ sarvataḥ sphuradbhirindrāyudhasahasrairivasaṃchāditam, ujjvalanicolakāvaguṇṭhyamānahaṃsakulaiśca śayanīyaistārāmuktāphalopacīyamānaiśca kañcukairanekopayogapāṭhyamānaiścāparimitaiḥ paṭṭapaṭīsahasrairabhinavarāgakomaladukūlarājamānaiśca paṭavitānaiḥstavarakanivahanirantaracchādyamānasamastapaṭalaiśca maṇḍapairuccitranetrapaṭaveṣṭyamānaiśca stambhairujjvalaṃ ramaṇīyaṃ cautsukyadaṃ ca maṅgalyaṃ cāsīdrājakulam / | | har 6.175 | atha yugapatpradhāvitabahupuruṣaparamparāhūyamānaḥ, svamandirādapratipālitakareṇuścaraṇābyāmeva saṃbhrāntaḥ, sasaṃbhramairdaṇḍibhirutsāryamāṇajanapadaḥ, pade pade praṇamataḥ, pratidiśamibhabhiṣagvarānvaravāraṇānāṃ vibhāvarīvārtāḥ pṛcchannucchritaśikhipicchalāñchitavaṃśalatāvanagahanagṛhītadigāyāmairvindhyavanairiva vāraṇabandhavimardodyogāgataiḥ, puraḥpradhāvadbhiranāyatamaṇḍalairādhoraṇagaṇaiśca marakatahritaghāsamṛṣṭīśca darśayadbhirnavagrahagajapatīṃśca pārthayamānaiśca labdhābhimatamattamātaṅgamuditamānasaiśca sudūramupasṛtya namasyadbhirātmīyamātaṅgamadāgamāmśca nivedayadbhiḥ, ḍiṇḍimādhirohaṇāya ca vijñāpayadbhiḥ, pramādapatitāparādhāpahṛtadviradaduḥkhadhṛtadīrghaśmaśrubhiragrato gacchadbhiḥ, abhinavopasṛtaiśca karpaṭibhirvāraṇāptisukhapratyāśayā ca vijñāpayadbhiḥ, pramādapatitāparādhāpahṛtadviradaduḥkhadhṛtadīrghaśmaśrubhiragrato gacchadbhiḥ, abhinavopasṛtaiśca karpaṭibhirvāraṇāptisukhapratyāśayā dhāvamānaiḥ, gaṇikādhikārigaṇaiścaralabdhāntarairucchritakaraiḥ, karmaṇyakareṇukāsaṃkathanākulairullāsitapallavacihnābhiraraṇyapālapaṅktibhiśca, niṣpāditanavagrahanāganivahanivedanodyatābhiruttambhitatuṅgatotravanābhirmahāmātrapeṭakaiśca prakaṭitakarikarmacarmapuṭaiḥ, abhinavagajasādhanasaṃcaraṇavārtānivedanavisarjitaiśca nāgavanavīthīpāladūtavṛndaiḥ, pratikṣaṇapratyavekṣitakarikavalakūṭaiḥ, kaṭabhaṅgasaṃgrahaṃ grāmanagaranigameṣu nivedayamānaiḥ, kaṭakakadambakaiḥ kriyamāṇakolāhalaḥ, svāmiprasādasaṃbhṛtena mahādhikārāviṣkāreṇa svābhāvkena cāvaṣṭambhābhogenodāsīno'pyādiśanniva, asaṃkhyakarikarṇaśaṅkhasaṃpatsaṃpādanāya samudrānājñāpayanniva, śṛṅgāragairikapaṅkāṅgarāgasaṃgrahāya girīnmuṣṇanniva, diggajādhikāraṃ kakubhāmairāvatamivāpaharanharerharapadabharanamitakailāsagirigurubhiḥ pādanyāsairgurubhāragrahaṇagarvamurvyāḥ saṃharanniva, gativaśavilolasya cājānulambasya bāhudaṇḍadvayasya vikṣepairālānaśilāstambhamālāmivobhayato nikhanannīṣaduttuṅgalambenādharabimbenāmṛtarasasvādunā navapallavakomalena kavaleneva śrīkareṇukāṃ vilobhayannijanṛpavaṃśadīrghaṃ nāsāvaṃśaṃ dadhānaḥ, atisnigdhamadhuradhavalaviśālatayā pītakṣīrodeneva pibannīkṣaṇayugmāyāmena diśāmāyāmaṃ merutaṭādapi vikaṭavipulālikaḥ, satatamavicchinnacchattracchāyāprarūḍhivaśādiva nitāntāyatanīlakomalacchavisubhagena svabhāvabhaṅgureṇa kuntalabālavallarīvellitavilāsinā lunanniva, luptālokānarkakarānbarbarakeṇāripakṣaparikṣayaparityaktakārmukakarmāpi sakaladigantaśrūyamāṇaguruguṇadhvaniḥ, ātmasthasamastatmattamātaṅgasādhano'pyaspṛṣṭo madena bhūtimānapi snehamayaḥ, pārthivo'pi guṇamayaḥ kariṇāmiva dānavatāmupari sthitaḥ, svāmitāmiva spṛhaṇīyāṃ bhṛtyatāmapyaparibhūtāmudvahannekabhartṛbhaktiniścalāṃ kulāṅganāmivānanyagamyāṃ prabhuprasādabhūmimārūḍhaḥ, niṣkāraṇabāndhavo vidagdhānām, abhṛtabhṛtyo bhajatām, akrītadāso viduṣām, skandagupto viveśa rājakulam / | | har 7.17 | tato raṭatpaṭahe, nandannāndīke, guñjatkuñje, kūjatkāhale, śabdāyamānaśaṅkhe, kramopacīyamānakaṭakakalakale, parijanotthāpanavyāpṛtavyavahāriṇī, drutadrughanaghātaghaṭyamānakoṇikākīlakolāhalakalitakakubhi, balādhikṛtabadhyamānapāṭīpatipeṭake, janajvalitolkāsahasrālokalupyamānatriyāmātamasi, yāmaceṭīcaranacalanotthāpyamānakāmimithune, kaṭukakaṭukanirdeśanaśyannidronmiṣanniṣādini, prabuddhahāstikaśūnyīkriyamāṇaśayyāgṛhe, suptotthitāśvīyavidhūyamānasaṭe, raṭatkaṭakamukharakhanitrakhanyamānakṣauṇīpāśe, samutkīlyamānakīlaśiñjānahiñjīre, upanīyamānanigaḍatālakalaravottālaturaṅgataraṅgathamāṇakhurapuṭe, lośikamucyamānamadasyandidantisaṃdānaśṛṅkhalākhanakhananinādanirbharabharitadaśadiśi, ghāsapūlakaprahārapramṛṣṭapāṃsulakaripṛṣṭhaprasāryamāṇaprasphoṭitacarmaṇi, gṛhacintakaceṭakasaṃveṣṭyamānapaṭakuṭīkāṇḍapaṭamaṇḍapaparivastrāvitānake, kīlakalāpāpūryamāṇacipiṭacarmapuṭe, saṃbhāṇḍāyamānabhāṇḍāgāriṇī, bhāṇḍāgāravahanavāhyamānabahunālīvāhike, niṣādiniścalānekānekānekapāropyamāṇakośakalasapīḍāpīḍasaṃkaṭāyamānasāmantaukasi, dūragatadakṣadāserakakṣipraprakṣipyamāṇopakaraṇasaṃbhārabhriyamāṇaduṣṭadantini, tiryagānamajjāghanikarakṛcchrākṛṣṭalambamānaparatantratundilacundījanajanitajanahāse, pīḍyamānaśāraśārivaratrāguṇagrāhitagātravihārabṛṃhadbahubṛhadunmadakariṇi, karighaṭāghaṭamānaghaṇṭāṭāṃkārakriyamāṇakarṇajvare, pṛṣṭhapratiṣṭhāpyamānakaṇṭhālakakadarthitakūjatkarabhe, abhijātarājaputrapreṣyamāṇakuprayuktākulakulīnakulaputrakalatravāhane, gamanavelāvipralabdhavāraṇādhoraṇānviṣyamāṇanavasevake, prasādavittapattinīyamānanarapativallabhavāravājini, cārucārabhaṭasainyanyasyamānanāsīramaṇḍalāḍambarasthūlasthāsake, sthānapālaparyāṇalambamānalavaṇakalāyīkiṅkiṇīnālīsanāthasaṃkalitatalasārake, kuṇḍalīkṛtāvarakṣiṇījālajaṭilavallabhapālāśvaghaṭāniveśyamānaśākhāmṛge, parivardhakākṛṣyamāṇārdhajagdhaprabhātikayogyāśanaprārohake, vyākrośījṛmbhamāṇaghāsikaghoṣe, gamanasaṃbhramabhramaduttuṇḍataruṇaturaṅgamatanyamānānekamandurāvimarde, sajjīkṛtakareṇukārohāhvānasatvarasundarīdīyamānamukhālepane, calitamātaṅgaturaṅgapradhāvitaprākṛtaprātiveśyakalokaluṇṭhyamānanirghāsasasyasaṃcaye, saṃcaraccelacakrākrāntacakrīvati, cakracītkārigantrīgaṇagṛhyamāṇaprahatavartmani, akāṇḍadīyamānabhāṇḍabharitānaḍuhi, nikaṭaghāsalābhalubhyallambamānaprathamaprasāryamāṇasārasaurabheye, pramukhapravartyamānamahāsāmantamahānase, puraḥpradhāvaddhvajavāhini, priyaśatopalabhyamānāsaṃkaṭakuṭīrakāntarālaniḥsaraṇe, karicaraṇadalitamaṭhikotthitalokaloṣṭahanyamānameṇṭhakriyamāṇāsannasākṣiṇi, saṃghaṭṭavighaṭṭamānavyāghrapallīpalāyamānakṣudrakuṭumbake, kalakalopadravadravaddruviṇabalīvardavidrāṇavaṇiji, puraḥsaradīpikālokaviralāyamānalokotpīḍaprasthitāntaḥpurakariṇīkadambake, hayārohāhūyamānalambitaśuni, sarabhasacaraṇanipatananiścalagamanasukhāyamānakhakkhaṭastūyamānatuṅgatuṅgaṇaguṇe, srastavesaravisaṃvādisīdaddākṣiṇātyasādini, rajojagdhajagati, prayāṇasamaye, pratidiśamāgacchadbhirgajavadhūsamārūḍhairādhoraṇairūrdhvadhriyamāṇahemapatrabhaṅgaśāraśārṅgaiḥ, alinīlamasṛṇasatulāsamutpāditasitasamāyogaparabhāgaiścāvadātadehavirājamānarājāvartamecakaiḥ, kañcukaiścopacitacīnacolakaiśca tāramuktāstabakitastavarakavārabāṇaiśca nānākaṣāyakarburakūrpāsakaiśca śukapicchacchāyācchādanakaiśca vyāyāmolluptapārśvapradeśapraviṣṭacāruśastraiśca gativaśavellitahāralatāgalallolakuṇḍalonmocanapradhāvitaparijanaiḥ, cāmīkarapatrāṅkurakarṇapūrakavighaṭṭamānavācālavālapāśaiścoṣṇīṣapaṭṭāvaṣṭabdhakarṇotpalanālaiśca kuṅkumarāgakomalottarīyāntaritottamāṅgaiśca cūḍāmaṇikhaṇḍakhacitakṣaumacolaiśca māyūrapatrāyamāṇaśekharaṣaṭpadapaṭalaiśca mārgāgataśārikaśārivāhavegadaṇḍaiḥ, puraścañcaccāmarakirmīrakārdaraṅgacarmamaṇḍalamaṇḍanoḍḍīyamānacaṭulaḍāmaracārabhaṭabharitabhuvanāntaraiḥ, uddhoṣyamāṇanāmabhiḥ, unmukhapādātapratipālyamānājñāpātai rājabhirāpupūre rājadvāram / | | har 7.201 | atha praviśandūrādeva dahyamānaṣaṣṭikabusavisaravisārivibhāvasūnāṃ vanyadhānyabījadhānīnāṃ dhūmena dhūsarimāṇamādadhānaiḥ, śuṣkaśākhāsaṃcayaracitagovāṭaveṣṭitavikaṭavaṭaiḥ, vyāpāditavatsarūpakaroṣaracitavyāghrayantraiḥ, yantritavanapālahaṭhahriyamāṇaparagrāmīṇakāṣṭhikakuṭhāraiḥ, gahanataruṣaṇḍanirmitacāmuṇḍāmaṇḍapairvanapradeśaiḥ, prakāśamānamaṭavīprāyaprāntatayā kuṭumbabharaṇākulaiḥ, kuddālaprāyakṛṣibhiḥ kṛṣīvalairabalavādbhiruccabhāgabhāṣitena bhajyamānabhūriśālikhalakṣetrakhaṇḍalakamalpāvakāśaiśca kāpilaiḥ, kālāyasairiva kṛṣṇamṛttikākaṭhinaiḥ, sthānasthānasthāpitasthāṇūtthitasthūlapallavaiḥ, durupagamaśyāmākaprarūḍhibhiralambusabahulaiḥ, avirahitakokilākṣakṣupairviralaviralaiḥ kedāraiḥ, kṛcchrakṛṣyamāṇairnātiprabhūtapravṛttagatāgatāprahatabhuvamupakṣetramuparacitairuccairmañcaiśca sūcyamānaśvāpadopadravaṃ diśi diśi ca pratimārgadrumakṛtānāṃ pathikapādaprasphoṭanadhūlidhūsarairnavapallavairlāñchitacchāyānām, aṭavīsulabhasālakusumastabakāñcitanavakhātakūpikopakaṇṭhapratiṣṭhitanāgasphuṭānāmacchidrakaṭakalpitakuṭīrakāṇām, kuṭilakīṭaveṇīveṣṭyamānaśaktuśāraśarāvaśreṇīśritānāmadhvagajanajagdhajambūphalāsthiśabalasamīpabhuvāmuddhūlitadhūlīkadambastabakaprakarapulakinīnām, kaṇṭakitakarkarīcakrākrāntakāṣṭhamañcikāmuṣitatṛṣām, timyattalaśītalaśikatilakalaśīśamitaśramāṇāmāśyānaśaivalaśyāmalitāliñjarajāyamānajalajaḍimnāmudakumbhākṛṣṭapāṭalaśarkarāśakalaśiśirīkṛtadiśām, ghaṭamukhaghaṭitakaṭahārapāṭalapuṣpapuṭānām, śīkarapulakitapallavapūlīpālyamānaśoṣyasarasaśiśusahakāraphalajūṭījaṭilasthāṇūnām, viśrāmyatkārpaṭikapeṭakaparipāṭīpīyamānapayasāmaṭavīpraveśaprapāṇāṃ śaityena tyājayantamiva graiṣmamuṣmāṇaṃ kvacidanyatra grāhayantamivāṅgārīyadārusaṃgrahadāhibhiḥ vyokāraiḥ, sarvataśca prātiveśyaviṣayavāsinā samāsannagrāmagṛhasthāpitasthaviraparipālyamānapātheyasthagitena kṛtadāruṇadāruvyāyāmayogyāṅgābhyaṅgena skandhādhyāsitakaṭhorakuṭhārakaṇṭhalambamānaprātarāśapuṭena pāṭaccarapratyavāyapratipannapaṭaccareṇa kālavetrakatriguṇavratativalayapāśagrathitagrīvāgrathitaiḥ patravīṭāvṛtamukhaiḥ, pītakūṭairūḍhavāriṇā puraḥsaravaladbalīvardayugasareṇa naikaṭikakuṭumbikalokena kāṣṭhasaṃgrahārthamaṭavīṃ praviśatā śvāpadavyadhanavyavadhānabahalīsamāropitakuṭīkṛtakūṭapāśaiśca gṛhītamṛgatantutantrījālavalayavāguraiḥ, bahirvyādhairvicaradbhiraṃsāvasaktavītaṃsavyālambamānabālapāśikaiśca saṃgṛhītagrāhakakrakarakapiñjalādipañjarakaiḥ śākunikaiḥ, saṃcaradbhiścyutalāsakaleśaliptalatāvadhūlaṭvālampaṭānāṃ capeṭakaiḥ, pāśakaśiśūnāmaṭadbhiḥ, tṛṇastambāntaritatittiritaralāyamānakauleyakakulacāṭukāraiśca vihagamṛgayāṃ mṛgayuyuvabhiḥ krīḍadbhiḥ, pariṇatacakravākakaṇṭhakaṣāyarucāṃ śīdhavyānāṃ valkalānāṃ kalāpān, nāticiroddhṛtānāṃ ca dhātutviṣāṃ dhātakīkusumānāṃ goṇīragaṇitāḥ picavyānāṃ cātasīgaṇapaṭṭamūlakānāṃ puṣkalānsaṃbhārān, bhārāṃśca madhuno mākṣikasya mayūrāṅgajasyākliṣṭamadhūcchiṣṭacakramālānāṃ lambamānalāmajjakajūṭajaṭānāmapatvacāṃ khadirakāṣṭhānāṃ kuṣṭhasya kaṭhorakeśarisaṭābhārababhruṇaśca rodhrasya bhūyaso bhārakān, lokenādāya vrajatā pravicitavividhavanaphalapūritapiṭakamastakābhiścābhyarṇagrāmagatvarībhistvaramāṇābhirvikrayacintāvyagrābhirgrāmeyikābhirvyāptadigantaramitastataśca yuktaśūraśakuraśākvarāṇāṃ purāṇapāṃsūtkirakarīṣakūṭavāhinīnāṃ dhūrgatadhūlidhūsarasairibhasaroṣasvarasāryamāṇānāṃ saṃkrīḍaccaṭulacakracītkāriṇīnāṃ śakaṭaśreṇīnāṃ saṃpātaiḥ, saṃpādyamānabardulorvīvirūkṣakṣetrasaṃskāramārakṣakṣiptadāntavāhakadaṇḍoḍḍīyamānahariṇahelālaṅghitatuṅgavaiṇavavṛtibhiśca nikhātagaurakaraṅkaśaṅkaśaṅkitaśaśakaśakalitatuṅgaśuṅgaiḥ, prayatnaprabhṛtaviśaṅkaṭaviṭapairvāṭairaikṣavairbahubhiḥ śyāmāyamānopakaṇṭhamativiprakṛṣṭāntarairmarakatasnigdhasnuhāvāṭaveṣṭitaiḥ, kārmukakarmaṇyavaṃśaviṭapasaṃkaṭaiḥ, kaṇṭakitakarañjarājiduṣpraveśyaiḥ, urubūkavacāvaṅgakasurasasūraṇaśigrugranthiparṇagavedhukāgarmudgulmagahanagṛhavāṭikaiḥ, nikhātoccakāṣṭhāropitakāṣṭhālukalatāpratānavihitacchāyaiḥ, parimaṇḍalabadarīmaṇḍapakatalanikhātakhādirakīlabaddhavatsarūpaiḥ, kathamapi kukkuṭaraṭitānumīyamānasaṃniveśairaṅganāśastistambhatalaviracitakṣiprapūpikāvāpikairvikīrṇabadarapāṭalapaṭalaiḥ, veṇupoṭadalanalaśaramayavṛtivihitabhittibhiḥ, kiṃśukarocanāracitamaṇḍalamaṇḍapabalvajabaddhāṅgārarāśibhiḥ, śālmaliphalatūlasaṃcayabahulaiḥ, saṃnihitanalaśāliśālūkakhaṇḍakumudabījaveṇutaṇḍulaiḥ, saṃgṛhītamālabījaiḥ, bhasmamalanamlānakāśmaryakūṭavyādhṛtakaṭairāśyānarājādanamadanaphalasphītairmadhūkāsavamadyaprāyaiḥ, kusumbhakumbhagaṇḍakusūlairavirahitarājamāṣatrapuṣakarkaṭikākūṣmāṇḍālābubījaiḥ, poṣyamāṇavanabiḍālamāludhānanakulaśālijātajātakādibhiraṭavīkuṭumbināṃ gṛhairupetaṃ vanagrāmakaṃ dadarśa tatraiva cāvasaditi / | | har 8.21 | atha krameṇa gacchata eva tasya anavakeśinaḥ, kuṅmulitakarṇikārāḥ, pracuracampakāḥ, sphītaphalegrahayaḥ, phalabharabharitanameravaḥ, nīladalanaladanārikelanikarāḥ, harikesarasaralaparikarāḥ, korakanikurambaromāñcitakurabakarājayaḥ, raktāśokapallavalāvaṇyalipyamānadaśadiśaḥ, pravikasitakesararajovisarabadhyamānacārudhūsarimāṇaḥ, svarajaḥ sikatilatilakatalāḥ, pravicalitahiṅgavaḥ, pracurapūgaphalāḥ, prasavapūgapiṅgapriyaṅgavaḥ, parāgapiñjaritamañjarīpuñjyamānamadhupamañjuśiñjājanitajanamudaḥ, madamalamecakitamucukundaskandhakāṇḍakathyamānaniḥśaṅkakarikaraṭakaṇḍūtayaḥ, tamaḥkālatamatamālamālāmīlitātapāḥ, stabakadanturitadevadāravaḥ, taralatāmbūlīstambajālakitajambūjambīravīthayaḥ, kusumarajodhavaladhūlīkadambacakracumbitavyomānaḥ, bahalamadhumokṣokṣitakṣitayaḥ? parimalaghaṭitaghrāṇatṛptayaḥ, katipayadivasasūtakukkuṭīkuṭīkṛtakuṭajakoṭarāḥ, caṭakāsaṃcāryamāṇavācāṭacāṭakerakriyamāṇacāṭavaḥ, sahacarīcāraṇacañcuracakoracañcavaḥ, nirbhayabhūribhuruṇḍabhujyamānapākakapilapīlavaḥ, sadāphalakaṭphalaphalaviśasananiḥśūkaśukaśakuntaśātitaśalāṭavaḥ, śaileyasukumāraśilātalasukhaśayitaśaśaśiśavaḥ, śephālikāśiphāvivaravisrabdhavivartamānagodherarāśayaḥ, nirātaṅkaraṅkavaḥ, nirākulanakulakelayaḥ, kalakokilakulakavalitakalikodgamāḥ, sahakārārāmaromanthāyamānacamūruyūthāḥ, yathāsukhaniṣaṇṇanīlāṇḍajamaṇḍalāḥ, nirvikāravṛkavilokyamānapotapītagavayadhenavaḥ, śravaṇahārisanīḍagirinitambanirjharaninādanidrānandamandāyamānakarikulakarṇatāladundubhayḥ, samāsannakinnarīgītaravarasamānaruravaḥ, pramuditataratakṣavaḥ kṣataharitaharidrādravarajyamānanavavarāhapotapotravalayaḥ, guñjākuñjaguñjajjāhakāḥ, jātīphalakasuptaśālijātakavalayaḥ, daśanakupitakapipotapeṭakapāṭitapāṭalakīṭapuṭakāḥ, lakucalampaṭagolāṅgūlalaṅghyamānalavalayaḥ, baddhavālukālavālavalayāḥ, kuṭilakuṭāvalivalitavegagirinadikāsrotasaḥ, nibiḍaśākhākāṇḍalambamānakamaṇḍalavaḥ, sūtraśikyāsaktariktabhikṣākapālapallavitalatāmaṇḍapāḥ, nikaṭakuṭīkṛtapāṭalamudrācaityakamūrtayaḥ, cīvarāmbararāgakaṣāyodakadūṣitoddeśāḥ, meghamayā iva kṛtaśikhaṇḍikulakolāhalāḥ, vedamayā ivāparimitaśākhābhedagahanāḥ, māṇikyamayā iva mahānīlatanavaḥ, timiramayā iva sakalajananayanamuṣaḥ, yāmunā ivordhvīkṛtamahāhradāḥ, marakatamṇiśyāmalāḥ krīḍāparvatakā iva vasantasya, añjanācalā iva pallavitāḥ, tanayā ivāṭavījātā vindhyasya, pātālāndhakārarāśaya iva bhittvā bhuvamutthitāḥ prativeśikā iva varṣāvāsarāṇām, aṃśāratārā iva kṛṣṇarātrīṇām, indranīlamayāḥ prāsādā iva vanadevatānām, purastāddarśanapathamavaterustaravaḥ / | | har 8.233 | unmucyamānāyā eva yasyāḥ prabhālepini labdhāvakāśe viṣadamahasi mahīyasi visarpati raśmimaṇḍale yugapaddhavalāyamāneṣu diṅmukheṣu mukulitalatāvadhūtkaṇṭhitairāmūlādvikāśitamiva tarubhiḥ, abhinavamṛṇāalalubdhairdhāvitamiva dhutapakṣapuṭapaṭaladhavalitagaganaṃ vanasarasīhaṃsayūthaiḥ, sphuṭitamiva bharavaśaviśīryamāṇadhūlidhavalairgarbhabhedasūcitasūcīsaṃcayaśucibhiḥ ketakīvāṭaiḥ, udgalitadaladanturābhiḥ prabuddhamiva kumidnībhiḥ, vidhutasitasaṭābhārabharitadikca?kraiścalitamiva kesarikulaiḥ, prahasitamiva daśanāṃśumālālokalipyamānavanaṃ vandevatābhiḥ, vikasitamiva śithilitakumusakośakesarāṭṭahāsaniraṅ?śaṃ kāśakānanaiḥ, bhrāntamiva saṃbhramabhramitabālapallavapariveśaśvetāyamānaiścamarīkadambakaiḥ, prasṛtamiva sphāyamānaphenilataralatarataraṅgodgāriṇā girinadīpūreṇa, aparatārāgaṇalābhamuditenoditamiva vikacamarīcicakrākrāntakakubhā, pūrṇacandreṇa prakṣālita iva dāvānaladhūlidhūsaritadiganto divasaḥ, punariva dhautānyaśrujalakliṣṭāni nārīṇāṃ mukhāni / | | avi 976 | ettha hi ajāṇanteṇa parijaṇeṇa mama paritosaṇimittaṃ baulasaralasajjajjuṇakadambaṇīvaṇiu(ra?la)ppahudīṇi mehakālavalalahāṇi paramasurahīṇi āṇīamāṇāṇi maṃ ummādaanti / |
|
