| kad pb1.889 | atha vijṛmbhamāṇanavanalinavaneṣu, akaṭhoracūtakalikākalāpakṛtakāmukotkalikeṣu komalamalayamārutāvatārataraṅgitānaṅgadhvajāṃśukeṣu, madakalitakāminīgaṇḍūṣasīdhusekapulakitabalukeṣu, madhukarakulakalaṅkakālīkṛtakāleyaka kusumakuḍamaleṣu, aśokatarutāḍanāraṇitaramaṇī maṇinūpurajhaṅkārasahasramukhareṣu, vikasanmukulaparimalapuñjitālijālamañjuśiñjitasubhagasahakāreṣu, aviralakusumadhūlivālukā pulinadhavalitadharātaleṣu, madhumadaviḍambitamadhukarīkadambakasaṃvāhyamānalatādoleṣu, utphullapallavalavalīlīyamānamattakokilollāsitamadhuśīkaroddāmadurddineṣu, proṣitajanajāyājīvopahārahṛṣṭamanmathāsphālitacāparavabhayasphuṭitapathikahṛdayarudhirārdrīkṛtamārgeṣu, aviratapatatkusumaśarapatatripatrasūtkārabadhirīkṛtadiṅmukheṣu divāpi pravṛttāntarmadanarāgāndhābhisārikāsārthasaṅkuleṣu, udvelaratirasasāgarapūraplāviteṣu, sakalajīvalokahṛdayānandadāyakeṣu, madhumāsadivaseṣu ekadāhamambayā saha madhumāsavistāritaśobhaṃ protphullanavanalinakumudakuvalayakahlāramidamacchodaṃ saraḥ snātumabhyāgamam / | | kad pb1.892 | kuto'yamityupārūḍhakutūhalā cāhaṃ mukulitalocanā tena kusumagandhena madhukarīvākṛṣyamāṇā kautukataralābhyadhikataropajātanūpuramaṇijhaṅkārākṛṣṭasaraḥkalahaṃsāni katicit padāni gatvā, haranayanahutāśanendhanīkṛtamadanaśokavidhuraṃ vasantamiva tapasyantam, akhilamaṇḍalaprāptyarthamīśānaśiraḥśaśāṅkamiva dhṛtavratam, ayugmalocanaṃ vaśīkarttukāmaṃ kāmamiva saniyamaṃ atitejasvitayā pracalataḍillatāpañjaramadhyagatamiva grīṣmadivasadivasakaramaṇḍalodarapraviṣṭamiva jvalanajvālākalāpamadhyasthitamiva vibhāvyamānam, unmiṣantyā bahulabahulayā dīpikālokapiṅgalayā dehaprabhayā kapilīkṛtakānanaṃ kanakamayamiva taṃ pradeśaṃ kurvāṇam, rocanārasalulitapratisarasamānasukumārapiṅgalajaṭam, puṇyapatākāyamānayā sarasvatīsamāgamotkaṇṭhākṛtacandanarekhayeva bhasmalalāṭikayā bālapulinalekhayeva gaṅgāpravāhamudbhāsamānam, aneka śāpabhrūkuṭibhavanatoraṇena bhrūlatādvayena virājitam, atyāyatatayā locanamayīṃ mālāmiva grathitāmudvahantam, sarvahariṇairiva dattalocanaśobhāsaṃvibhāgam, āyatottuṅgaghrāṇavaṃśam, aprāptahṛdayapraveśena navayauvanarāgeṇeva sarvātmanā pāṭalīkṛtādhararucakam, anudbhinnaśmaśrutvāt anāsāditamadhukarāvalīvalayaparikṣepavilāsamiva bālakamalamānanaṃ dadhānam; anaṅgakārmmukaguṇeneva kuṇḍalīkṛtena tapastaḍāgakamalinīmṛṇāleneva yañjopavītenālaṅkṛtam ekena sanālabakulaphalākāraṃ kamaṇḍalum, apareṇa makaraketuvināśaśokaruditāyā rateriva bāṣpajalabindubhirāracitāṃ sphaṭikākṣamālikāṃ kareṇa kalayantam, anekavidyāpagāsaṅgamārttanibhayā nābhisamudrayopaśobhamānam, antarjñānanirākṛtasya mohāndhakārasyāpayānapadavīmivāñjanarajolekhāśyāmalāṃ romarājimudareṇa tanīyasīṃ vibhrāṇam, ātmatejasā vijitya savitāraṃ parigṛhītena pariveṣamaṇḍaleneva mauñjamekhalāguṇena parikṣiptajaghanabhāgam, abhragaṅgāsrotojalaprakṣālitena jaraccakoralocanapuṭapāṭalakāntinā mandāravalkalenopapāditāmbaraprayojanam, alaṅkāramiva brahmacaryyasya, yauvanamiva dharmmasya, | | kad pb1.914 | kālo hi guṇāśca durnivāratāmāropayanti madanasya sarvathā / | | kad pb1.915 | yāvadeva sacetanāsmi, yāvadeva ca na parisphuṭamanena vibhāvyate me madanaduśceṣṭitalāghavametat, tāvadevāsmāt pradeśādapasarpaṇaṃ śreyaḥ, kadācidanabhimatasmaravikāradarśanakupito'yaṃ śāpābhijñāṃ karoti mām / | | kad pb1.920 | tadā tasyāpyabhinavāgataṃ madanaṃ pratyudgacchanniva romodgamaḥ prādurabhavat / | | kad pb1.950 | ahantu tena tasyā vacanena navagrahā kariṇīva prathamāṅkuśapātenānicchayā kathaṃ kathamapi samākṛṣyamāṇā tanmukhāllāvaṇyapaṅkamagnāmiva kaoplapulakakaṇṭakajālakalagnāmiva, madanaśaraśalākākīlitāmiva, saubhāgyaguṇasyūtāmiva atikṛcchreṇa dṛṣṭimākṛṣya snātumudacalam / | | kad pb1.967 | avijñātamadanavṛttāntā ca kva gacchāmi, kiṃ karomi, ki paśyāmi, kimālapāmi, kasya kathayāmi, ko'sya pratīkāra iti sarvañca nājñāsiṣam / | | kad pb1.1001 | yāvattatra taṃ nādrākṣam, āsīcca me manasyevam ?? 'kinnu madanaparāyattacittavṛttistāmevānusaran gato bhavet, gatāyāñca tasyāṃ labdhacetano lajjayā na śakoti me darśanapathamupagantum; āhosvit kupitaḥ parityajya māṃ gataḥ, utānveṣamāṇo māmeva pradeśamanyamitaḥ samāśritaḥ syāt' ityevaṃ vikalpayan kañcitkālamatiṣṭham / | | kad pb1.1007 | athaikasmin saraḥsamīpavarttini nirantaratayā kusumamaya iva madhukaramaya iva parabhṛtamaya iva mayūramaya ivātimanohare vasantajanmabhūmibhūte latāgahane kṛtāvasthānam, utsṛṣṭasakalavyāpāratayā likhitamivotkīrṇamiva stambhitamivoparatamiva prasuptamiva yogasamādhisthamiva, niścalamapi svavṛttāccalitam, ekākinamapi manmathādhiṣṭhitam, sānurāgamapi pāṇḍutāmāvahantam, śūnyāntaḥkaraṇamapi hṛdayanivāsidayitam, tūṣṇīkamapi kathitamadanavedanātiśayam, śilātalopaviṣṭamapi maraṇe vyavasthitam, śāprapradānabhayādivādattadarśanena kusumāyudhena santāpyamānam, atiniṣpandatayā hṛdayanivāsinīṃ priyāṃ draṣṭumantaḥpraviṣṭairivāsahyasantāpasantrāsapralīnairiva manaḥkṣobhaprakupitairiva unmucya gatairindriyaiḥ śūnyīkṛtaśarīram, niṣpandanimīlitenāntarjvalanmadanadahanadhūmākulitābhyantareṇeva pakṣmāntaravivaravāntānekadhāramanavaratamīkṣaṇayugalena bāṣpajaladurddinamutsṛjantam, ālohinīmadharaprabhāmanaṅgāgneḥ pradahato hṛdayam ūrdhvasaṃsarpiṇīṃ śikhāmivādaya niṣpatadbhirucchvāsaistaralīkṛtāsannalatākusumakeśaram, vāmakapolaśayanīkṛtakaratalatayā samutsarpadbhiramalairnakhāṃśubhirvimalīkṛtamacchācchacandanarasaracitalālāṭikamiva lālāṭadeśamudvahantam, acirāpanītapārijātakusumamañjarīkarṇapūratayā saśeṣa parimalāmodalobhopasarpiṇā kalavirutacchalena madanasammohanamantramiva japatā madhukarakulena sanīlotpalamiva satamālapallavamiva śravaṇadeśaṃ dadhānam, utkaṇṭhājvararomāñcavyājena pratiromakūpanipatitānāṃ madanaśarāṇāṃ kusumaśaraśalyaśakalanikaramivāṅgalagnaṃ bibhrāṇam, dakṣiṇakareṇa ca sphuritakiraṇanikarāṃ karatalasparśasukhakaṇṭakitāmivamuktāvalīmavinayapatākāmurasi dhārayantam, madanavaśīkaraṇacarṇeneva kusumareṇunā tarubhirāhanyamānam, ātmarāgamiva saṃkrāmayadbhirāsanairanilacalitaiḥ aśokapallavaiḥ spṛśyamānam, suratābhiṣekasalilairivābhinavapuṣpastabakamadhuśīkarairvaniśriyābhiṣicyamānam, alinivahanipīyamānaparimalairupari patadbhiścampakakūḍmalaistaptaśaraśalyakairiva sadhūmaiḥ kusuma śareṇa tāḍyamānam, atibahalavanāmodamattamadhukaranikarajhaṅkāranisvanaiḥ dduṅkārairiva dakṣiṇānilena nirbhartsyamānam, madakalakokilakulakolāhalairvasantajayaśabdakalakalairivamadhumāsenākulīkriyamāṇam, prabhātacandramiva pāṇḍutayā parigṛhītam, nidāghagaṅgāpravāhamiva kraśimānamāgatam, antargatānalaṃ candanaviṭapamiva mlāyantam, anyamiva, adṛṣṭapūrvamiva, aparicitamiva, janmāntaramivopagatam, rūpāntareṇeva pariṇatam, āviṣṭamiva mahābhūtādhiṣṭhitamiva grahagṛhītamivonmattamiva chalitamivāndhamiva badhiramiva mūkamiva vilāsamayamiva madanamayamiva, parāyattacittavṛttim, parāṃ koṭimadhirūḍhaṃ manmathāveśasya, anabhijñeyapūrvākāraṃ tamahamadrākṣam / | | kad pb1.1027 | yāvat prāṇimi tāvadasya kalpāntoditadvādaśa dinakarakariṇātapatīvrasya madanasantāpasya pratikriyāṃ kriyamāṇāmicchāmi / | | kad pb1.1049 | bālabhāvādapragalbhatayā ca tapoviruddhamanucitamupahāsamiva ātmano madanavyatikaraṃ manyamāno niyatamekocchvāsāvaśeṣajīvito'pi nāyaṃ tasyāḥ svayamabhigamanena pūrayati manoratham / | | kad pb1.1050 | akālāntarakṣamaścāyamasya madanavikāraḥ / | | kad pb1.1077 | tatkṣaṇamacintayamekatra khalu madhumāsamalayamārutaprabhṛtayaḥ samastāḥ, ekatra cāyaṃ pāpakārī candrahatako na śakyate soḍhum idamatidurviṣāhamadanavedanāturañca me hṛdayam asya codgamanamidaṃ sadāhajvarasya aṅgāravarṣaḥ, śītārttasya tuṣārapātaḥ, viṣasphoṭamūrcchitasya kṛṣṇasarpadaṃśaḥ' ityevaṃ cintayantīmeva candrodayopanītā kamalavanamlāninidreva mūrcchā māṃ nimīlitalocanāmakārṣīt / | | kad pb1.1082 | taduttiṣṭha yathākathañcidanugamanena jīvitā sambhāvayāmi hṛdayadayitamāyāsakāriṇaṃ janam' ityabhidadhānā madanamūrcchāsvedavihvalairaṅgaiḥ kvathañcidavalambya tāmevodatiṣṭham / | | kad pb1.1099 | durātman! madanapiśāca! pāpa! nirghṛṇa! kimidamakṛtyamanuṣṭhitam? āḥ pāpe! duṣkṛtakāriṇi! durvinīte! mahāśvete! kimanena te'pakṛtam? āḥ pāpa! duścarita! candra! cāṇḍāla! kṛtārtho'si? idānīmapagatadākṣiṇya! dakṣiṇānilahataka! pūrṇāste manorathāḥ kṛtaṃ yat karttavyam? vahedānīṃ yatheṣṭam, hā bhagavan! śvetaketo! putravatsala na vetsi muṣitamātmānam, hā dharmma! niṣparigraho'si, hā tapaḥ! nirāśrayamasi, hā sarasvati! vidhavāsi, hā satya! anāthamasi, hā suraloka! śūnyo'si; sakhe! pratipālaya mām, ahamapi bhavantamanuyāsyāmi, na śaknomi bhavantaṃ vinā kṣaṇamapyavasthātumekākī / | | kad pb1.1105 | muktaikatārākrandā sarastīralatāsaktitruṭyamānāṃśukottarīyā yathāśaktitvaritairajñātasamaviṣamabhūmibhāgavinyastaiḥ pādaprakṣepaiḥ praskhalantī pade pade, kenāpyutkṣipya nīyamāneva taṃ pradeśaṃ gatvā, sarastīrasamīpavattini śiśiraśīkarāsārasrāviṇi śamimaṇiśilātale viracitaṃ kumudakuvalayakamalavividhavanakusumasukumāra mṛṇālamayaṃ kusumaśarasāyakamayamiva śayanamadhiśayānam, atiniṣpandatayā matpadaśabdamivākarṇayantam, antaḥkopaśamitamadanasantāpatayā tatkṣaṇalabdhasukhaprasuptamiva, manaḥkṣābhaprāyaścittaprāṇāyāmāvasthitamiva, atiprasphuritaprabheṇa 'tvatkṛte mameyamavasthe'ti kathayantamivādhareṇa, indudveṣaparivarttitadehatayā pṛṣṭhabhāganipatitairmadanadahanavihvalahṛdayanyastahastanakhamayūkhacchalanacchidritamiva śaśikiraṇaiḥ, ucchuṣkapāṇḍurayā svavināśotpannayā madanacandrakalayeva candanalekhikayā racitalalāṭikam, 'mattaḥ priyataraḥ tavāparo jano jātaḥ' iti kupiteneva jīvitena parityaktam, manmathavyathayā sahaitānasūn svayamivotsṛjya niścetanatāsukham anubhavantam, anaṅgayogavidyāmiva dhyāyantam, apūrvaprāṇāyāmamivābhyasyantam, upapāditāsmadāgamanena praṇayādivāpahṛtaprāṇapūrṇapātramanaṅgena, racitacandanalalāṭikātripuṇḍrakam, dhṛtasarasabisasūtrayajñopavītam, aṃsāvasaktakadalīgarbhapatracārucīrama, ekāvalīviśālākṣamālam, aviralāmalakarpūrakṣodabhasmadhavalam, ābaddhamṛṇālavalayarakṣāpratisaramanoharam, manobhavavrataveśamāsthāya matsamāgamamantramiva sādhayantam, aviratarodanātāmreṇa aśrukṣayāt āgatarudhireṇeva madanaśaraśalyavedanā kūṇitatribhāgeṇa 'kaṭhinahṛdaye! darśanamātrakeṇāpi na punaranugṛhīto'yamanugato janaḥ' iti sapraṇayaṃ māmupalabhamānamiva cakṣuṣā, kiñcidvivṛtādharatayā jīvitamapaharttuṃantaḥpraviṣṭairivendukiraṇainirgacchadbhirdaśanāṃśubhirdhavalitapurobhāgam, manmathavyathayā vighaṭamānahṛdayanihitena vāmapāṇinā 'prasīda, prāṇaiḥ samaṃ prāṇasame! na gantavyam' iti hṛdayasthitāṃ māmiva dhārayantam, itareṇa ca nakhamayūkhadanturatayā candanamiva sravatottānīkṛtena candrātapamiva nivārayantam, antikasthitena ca acirodgatajīvitamārgemivodgrīveṇa vilokayatā tapaḥsuhṛdā kamaṇḍalunā samupetam, kaṇṭhābharaṇīkṛtena ca mṛṇālavalayena rajanīkarakiraṇapāśeneva saṃyamya lokāntaramupanīyamānam kapiñjalena maddarśanāt, 'abrahmaṇyam' ityūrdhvahastena dviguṇībhūtabāṣpodgamenākrośatā kaṇṭhe pariṣvaktam, tatkṣaṇavigatajīvitaṃ tamahaṃ pāpakāriṇī mandabhāgyā mahābhāgamadrākṣam / | | kad pb1.1111 | prasīda, sakṛdapyālapa, darśaya bhaktavatsalatām,īṣadapi vilokaya, pūraya me manoratham, ārttāsmi, bhaktāsmi, anuraktāsmi, anāthāsmi, bālāsmi, agatikāsmi, duḥkhitāsmi, ananyaśaraṇāsmi, madanaparibhūtāsmi, kimiti na karoṣi dayām? / | | kad pb1.1142 | yathā cādhigatamadanavedanayā vajramayyevedamanubhūtam, tasyāḥ kā gaṃṇanā kathanaṃ prati? ki vā paramataḥ / | | kad pb1.1300 | madanaśaraprathamaprahāravedanaiva sītkāram akarot, kusumaprakaraketakīkaṇṭakakṣatiḥ sādhāraṇatāmavāpa / | | kad pb1.1344 | etadākarṇya sphuritakapolodaraścandrāpīḍo mandaṃ mandaṃ vihasyābravīt ?? 'astyeṣā kathā, śrūyata evaitadrājakule karṇaparamparayā, parijano'pyevaṃ mantrayate, bahirapi janāḥ kathayanti, evaṃ digantareṣvapyayamālāpo varttata eva, asmābhirapyetadākarṇitameva, 'yathā kila devyāḥ kādambaryyāstāmbūladāyinīṃ tamālikāṃ kāmayamānaḥ parihāsanāmā śuko madanaparavaśo gatānyapi dināni na vettī'ti / |
|
