| dkc pp4.6 | vāṇijarūpeṇa kālayavanadvīpamupetya kāmapi vaṇikkanyakāṃ pariṇīya tayā saha pratyāgacchannambudhau tīrasyānatidūra eva pravahaṇasya bhagnatayā sarveṣu nimagneṣu kathaṃkathamapi daivānukūlyena tīrabhūmimabhigamya nijāṅganāviyogaduḥkhārṇave plavamānaḥ kasyāpi siddhatāpasasyādeśādareṇa ṣoḍaśa hāyanāni kathaṃcinnītvā duḥkhasya pāramanavekṣamāṇo giripatanamakārṣamiti / |
| dkc pp5.67 | deva krīḍābhavane bhavadālokanakālamārabhya manmathamathyamānā puṣpatalpādiṣu tāpaśamanamalabhamānā vāmanenevonnatataruphalamalabhyaṃ tvaduraḥsthalāliṅganasaukhyaṃ smarāndhatayā lipsuḥ sā svayameva pattrikāmālikhya vallabhāyaināmarpayeti māṃ niyuktavatī / |
| dkc 1.8 | aśakyaṃ hi madicchayā vinā sarasvatīmukhagrahaṇoccheṣaṇīkṛto daśanacchada eṣa cumbayitumambujāsanāstanataṭopabhuktamuraḥsthalaṃ caitadāliṅgayitumiti / |
| dkc 2.34 | tatheti tasyāḥ pratiyāte svajane sā gaṇikā tamṛṣimalaghubhaktirdhautodgamanīyavāsinī nātyādṛtaśarīrasaṃskārā vanatarupotakālavālapūraṇairdevatārcanakusumasamuccayāvacayaprayāsairnaikavikalpopahārakarmabhiḥ kāmaśāsanārthe ca gandhamālyadhūpadīpanṛtyagītavādyādibhiḥ kriyābhirekānte ca trivargasaṃbandhinībhiḥ kathābhiradhyātmavādaiścānukūlairalpīyasaiva kālenānvarañjayat / |
| dkc 2.239 | atiniṣṇātaśca madanatantre māmabhyupetya dhanamitro rahasyakathayat / |
| dkc 2.351 | tenaiva krameṇa vartamāne sāntvanatarjanaprāye pratidinamanuyogavyatikarenuguṇānnapānalābhātkatipayairevāhobhirviropitavraṇaḥ prakṛtisthohamāsam / |
| dkc 2.414 | tadupadarśitavibhāgaṃ cāvagāhya kanyāpuraṃ prajvalatsu maṇipradīpeṣu naikakrīḍākhedasuptasya parijanasya madhye mahitamahārgharatnapratyuptasiṃhākāradantapāde haṃsatūlagarbhakomalaśayyopadhānaśālini kusumalavacchuritaparyante paryaṅkatale dakṣiṇapādapārṣṇyadhobhāgānuvalitetaracaraṇāgrapṛṣṭhamīṣadvivṛttamadhuragulphasaṃdhi parasparaśliṣṭajaṅghākāṇḍamākuñcitakomalobhayajānu kiṃcidvellitorudaṇḍayugalamadhinitambasrastamuktaikabhujalatāgramapāśrayāntanimitākuñcitetarabhujalatottānatalakarakisalayamābhugnaśroṇimaṇḍalamatiśliṣṭacīnāṃśukāntarīyamanativalitatanutarodaramaṇutaraniḥśvāsārambhakampamānakaṭhorakucakuḍmalamātiraścīnabandhuraśirodharoddeśadṛśyamānaniṣṭaptatapanīyasūtraparyastapadmarāgarucakamardhalakṣyādharakarṇapāśanibhṛtakuṇḍalamupariparāvṛttaśravaṇapāśaratnakarṇikākiraṇamañjarīpiñjaritaviṣamavyāviddhaśithilaśikhaṇḍabandhamātmaprabhāpaṭaladurlakṣyapāṭalottarādharavivaraṃ gaṇḍasthalīsaṃkrāntahastapallavadarśitakarṇāvataṃsakṛtyamuparikapolādarśatalaniṣiktacitravitānapattrajātijanitaviśeṣakakriyamāmīlitalocanendīvaramavibhrāntabhrūpatākamudbhidyamānaśramajalapulakabhinnaśithilacandanatilakamānanendusaṃmukhāgatālakalataṃ ca viśrabdhaprasuptāmatidhavalottaracchadanimagnaprāyaikapārśvatayā ciravilasanakhedaniścalāṃ śaradambhodharotsaṅgaśāyinīmiva saudāminīṃ rājakanyāmapaśyam / |
| dkc 3.112 | nātirocate mamaiṣa bhartā viśeṣataścaiṣu vāsareṣu yadayamudyāne madantaraṅgabhūtāṃ puṣkarikāmapyupāntavartinīmanādṛtya mayyābaddhasāpatnyamatsarāmanātmajñāmātmanāṭakīyāṃ ramayantikāmapatyanirviśeṣaṃ matsaṃvardhitāyāścampakalatāyāḥ svayamavacitābhiḥ sumanobhiralamakārṣīnmadupabhuktamukte citrakūṭagarbhavedikāgate ratnatalpe tayā saha vyahārṣīt / |
| dkc 3.146 | tataśca gahanataramudaroparacitaratnavedikaṃ mādhavīlatāmaṇḍapamīṣadvivṛtasamudgakonmiṣitabhāsā dīpavartyā nyarūpayam / |
| dkc 4.124 | ahaṃ tu ghoṣaṇāsthāne ciñcāvṛkṣaṃ lambaghanataravipulaśākhamāruhya gūḍhatanuratiṣṭham / |
| dkc 6.65 | evamanekakaraṇamadhuraṃ viharantī raṅgagatasya ca raktacetaso janasya pratikṣaṇamuccāvacāḥ praśaṃsāvācaḥ pratigṛhṇatī tatkṣaṇārūḍhaviśrambhaṃ kośadāsamaṃsevalambya kaṇṭakitagaṇḍamutphullekṣaṇaṃ ca mayyabhimukhībhūya tiṣṭhati tatprathamāvatīrṇakandarpakāritakaṭākṣadṛṣṭistadanumārgavilasitalīlāñcitabhrūlatā śvāsānilavegāndolitairdantacchadaraśmijālairlīlāpallavairiva mukhakamalaparimalagrahaṇalolānalinastāḍayantī maṇḍalabhramaṇeṣu kandukasyātiśīghrapracāritayā viśantīva maddarśanalajjayā puṣpamayaṃ pañjaraṃ pañcabinduprasṛteṣu pañcāpi pañcabāṇabāṇānyugapadivābhipatatastrāsenāvaghaṭṭayantī gomūtrikāpracāreṣu ghanadarśitarāgavibhramā vidyullatāmiva viḍambayantī bhūṣaṇamaṇiraṇitadattalayasaṃvādipādacāramapadeśasmitaprabhābhiṣiktabimbādharamavasraṃsitapratisamāhitaśikhaṇḍabhāramāghaṭṭitakvaṇitaratnamekhalāguṇamañcitotthitapṛthunitambabimbalambicaladaṃśukāñcalamākuñcitaprasṛtavellitabhujalatābhihatalalitakandukamāvartitabāhupāśaṃ parivartitatrikavilagnalolakuntalamavagalitakarṇapūrakanakapattrapratisamādhānaśīghratānatikramitaprakṛtakrīḍamasakṛdutkṣipyamāṇahastapādabāhyābhyantarabhrāntakandukamavanamanonnamanairantaryanaṣṭadṛṣṭamadhyayaṣṭikamavapatanotpatanaviparyastamuktāhāramaṅkuritagharmasaliladūṣitakapolapattrabhaṅgaśoṣaṇādhikṛtaśravaṇapallavānilamāgalitastanataṭāṃśukaniyamanavyāpṛtaikapāṇipallavaṃ ca niṣadyotthāya nimīlyonmīlya sthitvā gatvā caivāticitraṃ paryakrīḍata rājakanyā / |
| dkc 7.3 | jagati ca kālarātriśikhaṇḍajālakāndhakāre caritarakṣasi kṣaritanīhāre nijanilayanilīnaniḥśeṣajane nitāntaśīte niśīthe ghanatarasālaśākhāntarālanirhrādi netraniṃsinīṃ nidrāṃ nigṛhṇatkarṇadeśaṃ gataṃ kathaṃ khalenānena dagdhasiddhena riraṃsākāle nideśaṃ ditsatā jana eṣa rāgeṇānargalenārdita itthaṃ khilīkṛtaḥ kriyetāsyāṇakanarendrasya kenacidanantaśaktinā siddhyantarāya iti kiṃkarasya kiṃkaryāścātikātaraṃ raṭitaṃ / |
| dkc 7.18 | atha tadākarṇya karṇaśekharanīlanīrajāyitāṃ dhīretaratārakāṃ dṛśaṃ tiryakkiṃcidañcitāṃ saṃcārayantī salilacaraketanaśarāsanānatāṃ cillikālatāṃ lalāṭaraṅgasthalīlāsyanartakīṃ līlālasaṃ lāsayantī kaṇṭakitaraktagaṇḍalekhā rāgalajjāntarālacāriṇī caraṇāgreṇa dharaṇītalaṃ tiraścīnanakhārciścandrikeṇa sācīkṛtānanasarasijaṃ likhantī dantacchadakisalayalaṅghinā harṣāsrasaliladhārāśīkarakaṇajālasaṃkleditasya stanataṭacandanasyārdratāṃ nirasyatāsyāntarālanāsāntaraniḥsṛtena tanīyasānilena hṛdayalakṣyadalanadakṣaratisahacarasāyakasyadāyitena taraṃgatadaśanacandrikāṇi kānicidetānyakṣarāṇi kalakaṇṭhīkalānyasṛjat / |
| dkc 7.32 | tadasyāścaritārthaṃ stanataṭaṃ gāḍhāliṅganaiḥ sadṛśatarasya sahacarasyeti / |
| dkc 7.34 | atha kadācidāyāsitajāyārahitacetasi lālasālilaṅghanaglānaghanakesare rājadaraṇyasthalīlalāṭalīlāyitatilake lalitānaṅgarājāṅgīkṛtanirnidrakarṇikārakāñcanacchatre dakṣiṇadahanasārathirayāhatasahakārāṅgalagnacañcalacañcarīkakalike kālāṇḍajakaṇṭharāgaraktaraktādharāratiraṇāgrasaṃnāhaśālini śālīnakanyakāntaḥkaraṇasaṃkrāntakāntarāgalaṅghitalajje darduragiritaṭacandanāśleṣaśītalānilācāryadattanānālatānṛttalīle kāle kaliṅgarājaḥ saha nijāṅganājanena saha ca tanayayā sakalena ca nagarajanena daśa trīṇi ca dināni dinakarakiraṇajālālaṅghanīye raṇadalisaṃghalaṅghitanatalatāgrakisalayālīḍhasaikatataṭe taralataraṃgaśīkarāsārasaṅgaśītale sāgaratīrakānane krīḍārasajātāsaktirāsīt / |
| dkc 7.70 | ghanaśileṣṭikācchannacchidrānanaṃ tatsarastīradeśaṃ janairaśaṅkanīyaṃ niścitya dinādisnānanirṇiktagātraśca nakṣatrasaṃtānahāri hārayaṣṭyagragrathitaratnaṃ kṣaṇadāndhakāragandhahastidāraṇaikakesariṇaṃ kanakaśailaśṛṅgaraṅgalāsyalīlānaṭaṃ gaganasāgaraghanataraṃgarājilaṅghanaikacakraṃ kāryākāryasākṣiṇaṃ sahasrārciṣaṃ sahasrākṣadigaṅganāraktacandanāṅgarāgarāgāyitakiraṇajālaṃ raktanīrajāñjalinārādhya nijaniketanaṃ cādhyaśiśriyaṃ / |
| dkc 7.110 | adya kila sakalanāstikānāṃ jāyeta lajjānataṃ śiraḥ / |
| dkc 8.218 | tadā ca mṛgāṭavīṣu mṛgabāhulyavarṇanenādridroṇīranapasāramārgāḥ śuṣkatṛṇavaṃśagulmāḥ praveśya dvāratognivisargairvyāghrādivadhe protsāhya tanmukhapātanairiṣṭakūpatṛṣṇotpādanenātidūrahāritānāṃ prāṇahāribhiḥ kṣutpipāsābhivardhanairgulmatṛṇagūḍhacchannataṭapradarapātahetubhirviṣamamārgapradhāvanairviṣamukhībhiḥ kṣurikābhiścaraṇakaṇṭakoddharaṇairviṣvagvisaravicchinnānuyātṛtayaikākīkṛtānāṃ yatheṣṭaghātanairmṛgadehāparāddhairnāmeṣumokṣaṇaiḥ sapaṇabandhamadhiruhyādriśṛṅgāṇi duradhirohāṇyananyalakṣyaiḥ prabhraṃśanairāṭavikacchadmanā vipineṣu viralasainikānāṃ pratirodhairakṣadyūtapakṣiyuddhayātrotsavādisaṃkuleṣu balavadanupraveśanairitareṣāṃ hiṃsotpādanairgūḍhotpāditavyalīkebhyo priyāṇi prakāśaṃ labdhvā sākṣiṣu tadvikhyāpyākīrtiguptihetubhiḥ parākramaiḥ parakalatreṣu suhṛttvenābhiyojya jārānbhartṝnubhayaṃ vā prahṛtya tatsāhasopanyāsairyoganārīhāritānāṃ saṃketeṣu prāgupanilīya paścādabhidrutyākīrtanīyaiḥ pramāpaṇairupapralobhya bilapraveśaneṣu nidhānakhananeṣu mantrasādhaneṣu ca vighnavyājasādhyairvyāpādanairmattagajādhirohaṇāya prerya pratyapāyanivartanairvyālahastinaṃ kopayitvā lakṣīkṛtamukhyamaṇḍaleṣvakramaṇairdāyādyarthe vivadamānānupāṃśu hatvā pratipakṣeṣvayaśaḥpātanaiḥ sāmantapurajanapadeṣvayathāvṛttānaprakāśamabhiprahṛtya tadvairināmaghoṣaṇairyogyāṅganābhiraharniśamabhiramayya rājayakṣmotpādanairvastrābharaṇamālyāṅgarāgādiṣu rasadhānakauśalaiścikitsāmukhenāmayopabṛṃhaṇairanyaiścābhyupāyairaśmakendraprayuktāstīkṣṇarasadādayaḥ prakṣapitapravīramanantavarmakaṭakaṃ jarjaramakurvan / |
| dkc 8.354 | dviṣatāmeṣa cilibilidrumaḥ prahvāṇāṃ tu candanatarustamuddhṛtya nītijñamanyamaśmakamimaṃ ca rājaputramanena pitrye pade pratiṣṭhitameva viddhi / |
| dtv 202 | vāsudevaḥ ?? bhoḥ! śrūyatāṃ, kairātaṃ vapurāsthitaḥ paśupatiryuddhena santoṣito vahneḥ khāṇḍavamaśnataḥ sumahatī vṛṣṭiḥ śaraiśchāditā / |
