| kad pb1.810 | nūnañcedaṃ na prathamamāsīt saraḥ, yenapralayavarāhaghoṇābhighātabhītābhūtadhātrī kalasayonipānaparikalitasakalasalilaṃ sāgaramavatīrṇā, anyathā yadyatrāgādhapātālagambhīrāmbhasi nimagnā bhavenmahāsarasi, kimekena, mahāvarāhasahasrairapi nāsāditā bhavet / | | kad pb1.824 | tasya ca dakṣiṇāṃ mūrttimāśrityābhimukhīmāsīnām, uparacitabrahmāsanām, ativistāriṇā sarvadiṅmukhaplāvakena pralayapariplutakṣīrapayodhipūrapāṇḍureṇa atidīrghakālasañcitena taporāśineva sarvato visarpatā pādapāntaraistrisretojalanibhena piṇḍībhūya vahateva dehaprabhāvitānena sagirikānanaṃ candamayamiva taṃ pradeśaṃ kurvatīm, anyathaiva dhavalayantīṃ kailāsagirim, antardraṣṭurapi locanapathapraviṣṭena śvetimānamiva mano nayantīm, atidhavalaprabhāparigatadehatayā sphaṭikagṛhagatāmiva dugdhasalilamagnāmiva vimalacīnāṃśukāntaritāmiva ādarśatalasaṃkrāntāmiva śaradabhrapaṭalatiraskṛtāmiva aparisphuṭavibhāvyamānāvayavām, pañcamahābhūtamayamapahāya dravyātmakamaṅganiṣpādanopakaraṇakalāpaṃ dhavalaguṇenaiva kevalenotpāditām, dakṣādhvara kriyāmivoddhatagaṇakacagrahabhayopasevitatryasbakām, nirantarabhasmolluṇṭhanasitāṅgīṃ ratimiva madanadehanimittaṃ haraprasādanārthamāgṛhītaharārādhanām, kṣīrodadhidevatāmiva sahavāsaparicitaharacandralekhotkaṇṭhākṛṣṭām, indumūrttimiva svarbhānubhayakṛtatrinayanaśaraṇagamanām, airāvatadehacchavimiva gajājināvaguṇṭhanotkaṇṭhitaśitikaṇṭhacintitopanayām, paśupatidakṣiṇamukhahāsacchavimiva bahirāgatya kṛtāvasthānām, śarīriṇīmiva rudroddhūlanabhūtim āvirbhūtām, jyotsnāmiva harakaṇṭhāndhakāravighaṭṭanodyamaprāptām, gaurīmanaḥ śuddhimiva kṛtadehaparigrahām, kārttikeyakaumāravratakriyāmiva mūrttimatīm, girīśavṛṣabha, dehadyutimiva pṛthagavasthitām, āyatanatarukusumasamṛddhimiva śaṅkarābhyarccanāya svayamudyatām, pitāmahatapaḥ siddhimiva mahītalamavatīrṇām, ādiyugaprajāpatikīrttimiva saptalokabhramaṇakhedaviśrāntām, trayīmiva kaliyugadhvastadharmmaśokagṛhītavanavāsām, āgāmikṛtayugabījakalāmiva pramadārūpeṇāvasthitām, dehavatīmiva munijanadhyānasampadam, amaragajavīthimivābhragaṅgābhyāgamavegapatitām, kailāsaśriyamiva daśamukhonmūlanakṣobhanipatitām, śvetadvīpalakṣmīmivānyadvīpāvalokanakutūhalāgatām, kāśakusumavikāsakāntimiva śaratsamayamudīkṣamāṇām, śeṣaśarīracchāyāmiva rasātalamapahāya nirgatām, musalāyudhadehaprabhāmiva madhumadavighūrṇanāyāsavigalitām, śuklapakṣaparamparāmiva puñjīkṛtām, sarvahaṃsairiva dhavalatayā kṛtasaṃvibhāgām, dharmmahṛdayādiva vinirgatām śaṅkhādivotkīrṇām, muktāphalādivākṛṣṭām, mṛṇālairiva viracitāvayavām, dantadalairiva ghaṭitām, indukarakūrccakairiva prakṣālitām, varṇasudhācchaṭābhiriva cchuritām, amṛtaphenapiṇḍairiva pāṇḍurīkṛtām, pāradarasadhārābhiriva dhautām, rajatadraveṇeva nirmṛṣṭām, candramaṇḍalādivotkīrṇām, kuṭajakundasindhuvārakusumacchavibhirivollāsitām, iyattāmiva dhavalimnaḥ, skandhāvalambinībhirudayataṭagatādarkabimbāduddhṛtya bālaraśmiprabhābhiriva nimmitābhirunmiṣattaḍittaralatejastāmrābhiracirasnānāvasthitaviralavārikaṇatayā praṇāmalagnapaśupaticaraṇabhasmacūrṇābhiriva jaṭābhirudbhāsitaśirobhāgām, jaṭāpāśagrathitamuttamāṅgena maṇimayaṃ nāmāṅkamīśvaravaraṇadvayamudvahantīm, ravirathaturagakhuramukhakṣuṇṇanakṣatrakṣodaviśadena bhasmanālaṅkṛtalalāṭapaṭṭikām śikharaśilāśliṣṭaśaśāṅkakalāmiva śailarājamekhalām, atulabhaktiprasādhitayā lakṣyīkṛtaliṅgayā dvitīyayeva puṇḍarīkamālayā dṛṣṭyā sambhāvayantīṃ bhūtanātham, anavaratagīta parisphuritādharapuṭavaśāt atiśucibhiḥ śuddhahṛdayamayūkhairiva gītaguṇairiva svarairiva stutivarṇairiva mūrttimadbhirmukhānniṣpatadbhirdaśanāṃśubhiḥ punariva snapayantīṃ gaurīpatim, ativimalaiśca vedārthairiva sākṣāt pitāmahamukhādākṛṣṭaiḥ, gāyatrīvarṇairiva grathitatām upagataiḥ, nārāyaṇanābhipuṇḍarākabojerivāddhataiḥ, saptarṣibhiriva karasparśapūtamātmānamicchadbhistārakārūpeṇāgataiḥ, āmalakīphalasthūlairmuktāphalairuparacitenākṣavalayenādhiṣṭhitakaṇṭhabhāgām, pariveśaparigatacandramaṇḍalāmiva paurṇamāsīniśām, adhomukhaharaśiraḥkapālamaṇlākāreṇa mokṣapuradvārakalasakāntinā stanayugalena, ekahaṃsamithunasanāthāmiva gaṅgām, gaurīsihasaṭāmayeneva cāmararucirākṛtinā stanayugalamadhyanibaddhagranthinā kalpatarulatāvalkalena kṛtottarīyakṛtyām, ayugmalocanasakāśāt prasādalabdhena cūḍāmaṇicandramayūkhajāleneva maṇḍalīkṛtena brahmasūtreṇa pavitrīkṛtakāyām, āprapadīnena ca svabhāvasitenāpi brahmāsanabandhottānacaraṇatalaprabhāpariṣvaṅgāllohitāyamānena dukūlapaṭena prāvṛtanitambām yauvanenāpi svakālopasarpiṇā nirvikāravinītena śiṣyeṇevopāsyamānām, lāvaṇyenāpi kṛtapuṇyeneva svacchātmanā parigṛhītām, rūpeṇāpi ruciralocanena vigatacāpalena āyatanamṛgeṇeva niṣevitām, utsaṅgagatāśca svasutāmiva sūkṣmaśaṅkhakhaṇḍikāṅgurīyaka pūritāṅgulinā tripuṇḍrakāvaśiṣṭabhasmapāṇḍureṇa prakīṣṭhabaddhaśaṅkhakhaṇḍakena nakhamayūkhadanturatayā gṛhītadantakoṇeneva dantamayīṃ dakṣiṇakareṇa vīṇāmāsphālayantīm, pratyakṣāmiva gandharvavidyām, maṇimaṇḍapikāstambhalagrābhirātmānurūpābhiḥ sahacarībhiriva savīṇābhirvilāsavatībhiḥ pratimābhirupetām, snapanārdraliṅgasaṃkrāntapratibimbatayā atiprabalabhaktyārādhitasya hṛdayamivapraviṣṭāṃ harasya, hāralatayeva prāptakaṇṭhayogayā grahapaṅktyeva dhruvapratibaddhayā kruddhayeva raktamukhavarṇayā mattayeva ghūrṇitamandatārayā unmattayeva anekakṛtatālayā mīmāṃsayeva anekabhāvanānuviddhayā gītyā devaṃ virūpākṣamupavīṇayantīm, atimadhuragītāvakṛṣṭairdhyānamivābhyasyadbhirniścalakarṇapuṭairmṛgavarāhavānaravāraṇaśarabhasiṃhaprabhṛtibhirvanacarairābaddhamaṇḍalairākarṇyamānagītānuviddhavipañcīghoṣām, amarāpagāmiva nabhaso'vatīrṇām, dīkṣitavācamivāprākṛtām, tripurāriśaraśalākāmiva tejomayīm, pītāmṛtāmiva vigatatṛṣṇām, īśānaśiraḥśaśikalāmivānupajātarāgām, amathitodadhijalasampadamivāntaḥprasannām, asamastapadavṛttimivādvandvām, bauddhabuddhimiva nirālambanām, vaidehīmiva prāptajyotiḥpraveśām, dyūtakalākuśalāmiva vaśīkṛtākṣāhṛdayām, mahīmiva jalabhṛtadehām, himasamayadivasamukhalakṣmīmiva parigṛhītabhāskarātapām, āryyāmiva samupāttayatigaṇocitamātrām, ālikhitāmivācalāvasthānām, aṃśumayīmiva tacchāyānuliptabhūtalām, nirmmamām, nirahaṅkārām, nirmmatsarām, amānuṣākṛtim, divyatvādaparijñāyamānavayaḥparimāṇām apyaṣṭādaśavarṣadeśīyāmivopalakṣyamāṇām, pratipannapāśupatavratāṃ kanyakāṃ dadarśa / | | kad pb1.918 | aśeṣajanapūjanīyā ceyaṃ jātiriti kṛtvā tadvadanākṛṣṭadṛṣṭiprasaram, acalitapakṣmamālam, adṛṣṭabhūtalam, īṣadullasitakarṇapallavonmuktakapolamaṇḍalam, ālolālakalatālasatkusumāvatasam, aṃsadeśadolāyitamaṇikuṇḍalam; asmai praṇāmamakaravam / | | kad pb1.975 | ahantu tena tatsambandhinālāpena śabdamayenāpi sparśasukhamivāntarjanayatā, śrotraviṣayeṇāpiromodgamānumitasarvāṅgānupraveśena, madanāveśamantreṇevāveśyamānā tasyāḥ karatalādādāya tāṃ valkalapatrikāṃ tasyāmimāmabhilikhitāmāryyāmapaśyam ?? dūraṃ muktālatayā bisasitayā vipralobhyamāno me / | | kad pb1.1065 | gatāyāñca tasyām, astamupagate bhagavatihārītaharitavājini sarojinījīviteśvare cakravākasuhṛdi savitari, lohitāyamāne paścimāśāmukhe, haritāyamāneṣu kamalavaneṣu nīlāyamāne pūrvadigvibhāge, pātālapaṅkakaluṣeṇa mahāpralayajaladhipayaḥpūreṇeva timireṇāvaṣṭabhyamāne jīvaloke, kiṃkarttavyatāmūḍhā tāmeva taralikāmapṛccham ?? 'ayi taralike! kathaṃ na paśyasi dṛḍhamākulaṃ me hṛdayam, apratipattivihvalāni cendriyāṇi / | | kad pb1.1078 | acireṇa ca sambhrāntataralikopanītābhiścandanacarccābhistālavṛntānilaiścopalabdhasaṃjñā tāmevākulākulāṃ mūrttenevādhiṣṭhitāṃ viṣādena, mallalāṭavidhṛtasravaccandrakāntamaṇiśalākām, avicchinabāṣpajaladhārāndhakāritamukhīṃ rudatīṃ taralikāmapaśyam / | | kad pb1.1106 | udbhūtamūrcchāndhakārā ca pātālatalamivāvatīrṇā tadā kvāhamagamam, kimakaravam, kiṃ vyalapam iti sarvameva nājñāsiṣam / | | kad pb1.1255 | tathāhi ?? 'lavalike! kalpaya ketakīdhūlibhirlavalīlatālavālamaṇḍalāni / | | kad pb1.1283 | tatra ca madhyabhāge paryyantaracitamaṇḍalenādha upaviṣṭena cānekasahasrasaṃkhyena parisphuradābharaṇasamūhena kalpalatānivaheneva kanyakājanena parivṛtām, nīlāṃśukapracchadapaṭaprāvṛtasya nātimahataḥ paryyaṅkasyopāśraye dhavalopadhānanyastadviguṇabhujalatāvaṣṭambhenāvasthitām, mahāvarāhadaṃṣṭrāvalambinīmiva mahīm, vistāriṇi dehaprabhājālajale bhujalatāvikṣepaparibhramaiḥ pratarantībhiriva cāmaragrāhiṇībhirupavījyamānām, nipatitaprativimbatayādhastānmaṇikuṭṭimeṣu nāgairivāpahniyamāṇām, upānte ca ratnabhittiṣu dikpālairiva pṛthaka pṛthaka nīyamānām upari maṇimaṇḍapeṣvamarairivotkṣipyamāṇām, hṛdayamiva praveśitāṃ mahāmaṇistambhaiḥ, āpītāmiva bhavanadarpaṇaiḥ, adhomukhena śrīmaṇḍapamadhyotkīrṇena vidyādharalokena gaganatalamivāropyamāṇām, citrakarmmacchalenāvalokanakutūhalasampuñjitena tribhuvaneneva parivṛtām, bhūṣaṇaravapranṛttaśikhiśatacitracandrakeṇa bhavanenāpi kautukotpāditalocanasahasreṇeva dṛśyamānām, ātmaparijanenāpi darśanalobhādupārjitadivyacakṣuṣevānimiṣanayanena nirvarṇyamānām, lakṣaṇairapi rāgāviṣṭairivādhiṣṭhitasarvāṅgīm, akṛtapuṇyamiva muñcantīṃ bālabhāvam, adattāmapi manmathāveśaparavaśeneva gṛhyamāṇāṃ yauvanena, avicalitacaraṇarāgadīdhitibhiriva nirgatābhiḥ alaktakarasapāṭalitalāvaṇyajalaveṇikābhiriva galitābhiḥ, nivasitaraktāṃśukadaśāśikhābhiriva avalambitābhiḥ, pādābharaṇaraktāṃśulekhāsandehadāyinībhiḥ, śratikomalatayā nakhavivareṇa vamantībhiriva rudhiradhārāvarṣamaṅgulībhirupetābhyāṃ kṣititalatārāgaṇamiva nakhamaṇimaṇḍalamudvahadbhyāṃ vidrumarasanadīmiva caraṇābhyāṃ pravarttayantīm, nūpuramaṇikiraṇacakravālena gurunitambabharakhinnoruyugalasahāyatāmiva karttumudgacchatā spṛśyamānajaghanabhāgām, prajāpatikaradṛḍhanipīḍitamadhyabhāgagalitaṃ jaghanaśilātalapratighātāllāvaṇyasrota iva dvidhāgatamūrudvayaṃ dadhānām, sarvataḥ prasāritadīrghamayūkhamaṇḍalenerṣyayā parapuruṣadarśanamiva nirundhatā kutūhalena vistāramiva tanvatā sparśasukhena romāñcamiva muñcatā kāñcīdāmnā nitambabimbasya viracitapariveṣām, nipatitasakalalokahṛdayabhareṇevātigurunitambām, unnatakucāntaritamukhadarśanaduḥkheneva kṣiyamāṇamadhyabhāgām, prajāpateḥ spṛśato'tisaukumāryyāt aṅgulīmudrāmiva nimagnāṃ nābhimaṇḍalīm āvarttinīmudvahantīm, tribhuvanavijayapraśastivarṇāvalīmiva likhitāṃ manmathena romarājimañjarīṃ bibhrāṇām, antaḥpraviṣṭakarṇapallavapratibimbenātibharakhidyamānahṛdayakaratalapreryyamāṇeneva niṣpatatā makaraketupādapīṭhena stanabhareṇa bhūṣitām, adhomukhakarṇābharaṇamayūkhābhyāmiva prasṛtābhyāmamalalāvaṇyajalamṛṇālakāṃḍābhyāṃ bāhubhyāṃ nakhakiraṇavisaravarṣiṇā ca māṇikyavalayagauravaśramavaśāt svedajaladhārājālakamiva muñcatā karayugalena samudbhāsitām, stanabhārāvanamyamānamānanamivonnamayatā hāreṇoccaiḥ karaigṛhītacibukadeśām, abhinavayauvanapavanakṣobhitasya rāgasāgarasya taraṅgābhyāmivodgatābhyāṃ vidrumalatālohitābhyāmadharābhyāṃ raktāvadātasvacchakāntinā ca madirārasapūrṇamāṇikyaśuktisampuṭacchavinā kapolayugalena ratiparivādinīratnakoṇacāruṇā nāsāvaṃśena ca virājamānām, gatiprasaranirodhiśravaṇakopādiva kiñcidāraktāpāṅgena nijamukhalakṣmīnivāsadugdhodadhinā locanayugalena locanamayamiva jīvalokaṃ karttumudyatām, unmadayauvanakuñjaramadarājibhyāṃ manaḥśilāpaṅkalikhitena ca rāgāviṣṭena manmathahṛdayeneva vadanalagnena tilakabindunā vidyotitalalāṭapaṭṭām, utkṛṣṭahematālīpaṭṭābharaṇamayamāmuktakarṇotpalacyutamadhudhārāsandehakāriṇaṃ karṇapāśaṃ dolāyamānapatramakaramāṇikyakuṇḍalaṃ dadhatīm, pāṭalīkṛtalalāṭena sīmantacumbinaścūḍāmaṇeḥ kṣaratāṃśujālena madirāraseneva prakṣālyamānadīrghakeśakalāpām, dehārddhapraviṣṭaharagarvitagaurīvijigīṣayeva sarvāṅgānupraviṣṭa manmathadarśitasaubhāgyaviśeṣām, uraḥsamāropitaikalakṣmīmuditanārāyaṇāvalepaharaṇāya pratibimbakairnijarūpato lakṣmīśatānīva sṛjantīm, uttamāṅganihitaikacandravismitaharābhimānanāśāya vilāsasmiteścandrasahasrāṇīva dikṣu vikṣipantīm, nirddayadagdhaikamanmathapramathanātharoṣeṇeva pratihṛdayaṃ manmathāyutānyutpādayantīm, rajanījāgarakhinnasya paricitacakravākamithunasya svaptuṃ krīḍānadikāsu kamaladhūlibālukābhirbālapulināni kārayantīm 'parijananupūraravaprasthitaṃ vallabhañja haṃsamithunaṃ mṛṇālanigaḍena baddhvānaya' iti haṃsapālīmādiśantīm, ābharaṇamarakatamayūkhān lihate bhavanahariṇaśāvakāya sakhīśravaṇādapanīya yavāṅkuraprasaraṃ prayacchantīm, ātmasaṃvarddhitalatāprathamakusumanirgamanivedanāgatāmudyānapālīmaśeṣābharaṇadānena sammānayatīm, upanītavividhavanakusumaphalapūrṇapatrapuṭāmavijñāyamānālāpatayā hāsahetuṃ punaḥ punaḥ krīḍāparvata pātṛśavarīmālāpayantīm, karatalavinihataiḥ muhurmuhurutpatadbhiśca mukhaparimalāndhairnīlakandukairiva madhukaraiḥ krīḍantīm, pañjarahārītakarutaśravaṇakṛtaduṣṭasmitāṃ cāmaragrāhiṇīṃ vihasya līlākamalena śirasi vighaṭṭayantīm, muktāphalakhacitacandralekhikāsaṃkrāntapratimāṃ svedajalabindujālacitanakhapadābhiprāyeṇa tāmbūlakaraṅkavāhinīṃ payodhare paṭavāsamuṣṭinā tāḍayantīm, ratnakuṇḍalapratibimbasāndradattanavanakhapadamaṇḍalāśaṅkayā cāmaragrāhiṇīṃ vihasya kapole prasādavyājena dattena ātmakarṇapūrapallavenācchādayantīm, pṛthivīmiva samutsāritamahākulabhūbhṛdvaravyatikaraśeṣabhoganiṣaṇṇām, madhumāsalakṣmīmiva ṣaṭpadapaṭalāpahniyamāṇakusumarajodhūsarapādaparāgām, śaradamivotpāditamānasajanmapakṣiravāpanītanīlakaṇṭhamadām, gaurīmiva śvetāṃśukaracitottamāṅgābharaṇām, udadhivelāvanalekhāmiva madhukarakulanīlatamālakānanām, indumūrttimivoddāmamanmathavilāsagṛhītagurukalatrām, vanarājimiva pāṃḍuśyāmalavalīlatālaṃkṛtamadhyāṃ, dinamukhalakṣmīmiva bhāsvanmuktāṃśubhinnapadmarāgaprasādhanām, ākāśakamalinīmiva svacchāmbaradṛśyamāna mṛṇālakomalorumūlām, mayūrāvalīmiva nimambacumbiśikhaṇḍabhāravisphuraccandrakāntām, kalpatarulatāmiva kāmaphalapradām, śayanasamīpe sammukhopaviṣṭam 'ko'sau, kasya vā'patyam, kimabhidhāno vā, kīdṛśamasya rūpam, kiyadvā vayaḥ, kimabhidhatte, bhavatā kimabhihitaḥ, kiyacciraṃ dṛṣṭastvayā, kathañcāsya mahāśvetayā saha paricaya upajātaḥ, kimayamatrāgamiṣyati' iti muhurmuhuścandrāpīḍasambaddhamevālāpa tadrūpavarṇanāmukharaṃ keyūrakaṃ pṛcchantīṃ kādambarīṃ dadarśa / | | kad pb1.1437 | ucchrite cakusumāyudhādhirājyaikātapatre kumudinīvadhūvare vibhāvarīvilāsadantapatre śvetabhānau dhavalitadiśi, dantidantādivotkīrṇe bhuvane, candrāpīḍaścandrātapanirantaratayaiva kumudamayyā iva gṛhakumudinyāḥ kalloladhautasudhādhavalasopāne tanutaraṅgatālavṛntavātavāhini suptahaṃsamithune, virahavācālacakravākayugale tīre, kumudadalāvanībhiḥ paryantalikhitadantapatralatam, avadātasinduvāradāmopahāram, haricandanarasaiḥ prakṣālitam, kādambarīparijanopadiṣṭam, muktāśilāpaṭṭaṃ candraśītalamadhiśiśye / | | kad pb1.1454 | atha krameṇa kādambarīdarśanaprajāgarakhinnaḥ svapnumiva tālatamālatālīkadalīkandalīnīṃ praviralakallolānilaśitalām / | | kad pb1.1461 | dadarśa ca dhavalabhasmakṛtalalāṭikābhiḥ akṣamālikāparivarttanapracalakaratalābhiḥ pāśupatavratacāriṇībhirdhāturāgāruṇāmbarābhiśca parivrājikābhiḥ, pariṇatatālaphalavalkalalohitavastrābhiśca raktapaṭavratavāhinībhiḥ sitavasananibiḍanibaddhastanaparikarābhiścaśvetapaṭavyajanābhiḥ jaṭājinamauñjīvalkalāṣāḍhadhāriṇībhirvarṇicihnābhistāpasībhiḥ, sākṣādiva mantradevatābhiḥ paṭhantībhirbhagavatastryambakasyāmbikāyāḥ kārttikeyasya viṣṭaraśravasaḥ kṛṣṇasya āryāvalokiteśvarasyārhato viriñcasya puṇyāḥ stutīrupāsyamānām, antaḥpurābhyarhitāśca sādaraṃ namaskārairābhāṣaṇairabhyutthānairāsannavetrāsanadānaiśca darśanāgatagandharvarājabāndhavavṛddhāḥ samānayantīṃ mahāśvetām, pṛṣṭhataśca samupaviṣṭena kinnaramithunena madhukaramadhurābhyāṃ vaṃśābhyāṃ datte tāne kalgirā gāyantyā nāradaduhitrā paṭhyamāne ca sarvamaṅgalamahīyasi mahābhārate dattāvadhānām, purodhṛte ca maṇidarpaṇe tāmbūlarāgabaddhakṛṣṇikāndhakāritābhyantaraṃ daśanajyotsnāsiktamunmṛṣṭamadhūcchiṣṭapaṭṭapāṭalamadharaṃ vilokayantīm, śaivalatṛṣṇayā karṇapūraśirīṣa preṣitottānavilocanena baddhamaṇḍalaṃ bhramatābhavanakalahaṃsena prabhātaśaśineva kriyamāṇagamanapraṇāmapradakṣiṇāṃ kādambarīñca / | | kad pb1.1515 | kvacidubhayataṭanikhātatamālapallavakṛtavanalekhāḥ kumudadhūlibālukāpulinamālinīścandanarasena pravarttyamānā gṛhanadikāḥ, kvacinniculamañjarīracitaraktacāmarāṇāṃ jalārdravitānakānāṃ taleṣu sasindūrakuṭṭimeṣu astīryamāṇāni raktapaṅkajaśayanāni, kvacidelārasena sicyamānāni sparśānumeyaramyabhittīni, sphaṭikabhavanāni kvacicchirīṣapakṣmakṛtaśādvalānāṃ mṛṇāladhārāgṛhāṇāṃ śikharamāropyamāṇānāṃ dhārākadambadhūlidhūsaritānāṃ yantramayūrakāṇāṃ kadambakāni, kvacit sahakārarasasiktaiḥ jambūpallavairācchādyamānābhyantarāḥ parṇaśālāḥ, kvacit krīḍitakṛtrimakarikalabhayūdhakākulīkriyamāṇāḥ kāñcanakamalinīkāḥ, kvacidgandhodakakūpeṣu baddhakāñcanasudhāpaṅkakāmapīṭheṣusthūlabisalatādaṇḍaghaṭitārakāṇikṛtakaketakajalajaladroṇikāni kuvalayāvalīrajjubhirgrathyamānāni patrapuṭaghaṭīyantrakāṇi, kvacit sphaṭikabalākāvalī vāntavāridhārālikhitendrāyudhāḥ sañcāryamāṇā māyāmeghamālāḥ, kvacidupānta prarūḍhapāṇḍu yavāṅkurāsu taruṇamālatīkuḍmaladanturitataraṅgāsu haricandanadravavāpikāsu śiśirīkriyamāṇā hārayaṣṭīḥ, kvacinmuktāphalakṣodaracitālabālakān anavaratasthūla jalabindududdinamutsṛjato yantravṛkṣakān, kvacidvidhutapakṣa nikṣiptaśīkarānītanīhārā bhramantīryantramayīḥ patraśakuniśreṇīḥ, kvacinmadhukarakiṅkiṇīpaṅktipaṭutararavābadhyamānāḥ kusumadāmadolāḥkvacidudarārūḍhanirgatonnālanalinīcchadacchāditamukhān praveśyamānān śātakumbhakumbhān, kvaciddhaṭitakadalīgarbhastambhadaṇḍāni badhyamānāni cāruvaṃśākṛtīni kusumastabakātapatrāni, kvacit karamṛditakarpūrapallavarasenādhivāsyamānāni bisatantumayānyaṃśukāni, kvacillavalīphaladraveṇārdrīkriyamāṇān tṛṇaśūnyamañjarīkarṇapūrān, kvacidambhojinīdalavyajanairvījyamānān ulapabhājanabhājaḥ śītaiṣadhirasān, anyāṃścaivaṃprakārān śiśiropacāropakaraṇakalpanāvyāpārān parijanena kṛtān kriyamāṇāṃśca vīkṣamāṇaḥ, himagṛhakasya madhyabhāgaṃ hṛdayamiva himavataḥ jalakrīḍāgṛhamiva pracetasaḥ, janmabhūmimiva sarvacandrakalānām, kulagṛhamiva sarvacandanavanadevatānām, prabhavamiva sarvacandramaṇīnām, nivāsamiva sarvamāghamāsayāminīnām, saṅketasadanamiva sarvaprāvṛṣām, grīṣmoṣmāpanodanoddaśamiva sarvanimnagānām, vaḍavānalasantāpāpanodananivāsamiva sarvasāgarāṇām, vaidyutadahanadāhapratīkārasthānamiva sarvajaladharāṇām, induvirahaduḥsahadivasātivāhanasthānamiva kumudinīnām, harahutāśananirvāpaṇakṣetramiva makaradhvajasya, dinakarakarairapi sarvato jalayantradhārāsahasrasamutsāritairatiśītasparśabhayanivṛttairiva parihṛtam, analairapi kadambakesarotkaravāhibhiḥ kaṇṭakitairivānugatam, kadalībanairapi pavanacalitadalairjāḍya janitavepathubhiriva parivāritam, alibhirapi kusumāmodamadamukharābaddhadantavīṇairiva vācālitam, latābhirapi nirantaramadhukarapaṭalajaṭilābhirgṛhītanīlaprāvaraṇakābhiriva virājitamāsasāda / | | kad pb1.1540 | tathāhi, mṛṇālinyāḥ śiśirakisalayamapi hutāśanāyate, jyotsnāpyātapāyate, nanukisalayatālavṛntavātairmanasi jāyamānaṃ kiṃ na paśyasi khedam? dhīratvameva prāṇasandhāraṇaheturasyāḥ' iti / | | kad pb1.1570 | krameṇa cātipravṛddhaprakāṇḍapādapaprāyayā, mālinīlatāmaṇḍapaiḥ maṇḍalitatarupaṇḍayā, gajapatipātitapādapaparihāravakrīkṛtamārgayā, janajanitatṛṇaparṇakāṣṭhakoṭikūṭaprakaṭitavīrapuruṣaghātasthānayā, mahāpāḍapabhūtalotkīrṇakāntāradurgayā, tṛṣitapathikakhaṇḍitadalojjhitāmalakīphalanikarayā, vikasitakarañjamañjarīrajovicchuritataṭaistaṭatarubaddhapāṭaccarakarpaṭadhvajacihnairiṣṭakāsthitaśuṣkapallavaviṣṭarānumitapathikaviśrāntairviśrāntakārpaṭikaprasphoṭitacaraṇadhūlidhūsarakisalayalāñchitopakaṇṭhaiḥ patrasaṅkarāsurabhīkṛtāśiśirapaṅkilavivarṇāsvādujalairvratatigranthigrathitaparṇapuṭatṛṇapulīcihnānume yairjaratkāntārakūpairasulabhasalilatayā anabhilaṣitoddeśayā, madhubindusyandisinduvāravanarājirajodhūsaritatīrābhiśca kuñjakalatājālakairjaṭilīkṛtasaikatābhiḥ adhvagotkhātabālukā kūpikopalabhyamānakaluṣasvalpasalilābhiḥ śuṣkagirinadikābhirviṣamīkṛtāntarālayā, kukkuṭakauleyakaraṭitānumīyamānagulmagahanagrāmaṭikayā śunyayā divasamaṭavyā gatvā, pariṇate ravibimbe, bimbā ruṇātapavisare vāsare, niḥśākhīkṛtakadambaśālmalīpalāśabahulaiḥ śikharaśeṣaikapallavaviḍambitātapatraiḥ pādapaiḥ, ūrdhvasthitaprarohasthūlasthāṇumūlagranthijaṭilaiśca haritālakapilapakkaveṇuviṭapapaṭalaracitavṛtibhirmṛgabhayakṛtatṛṇapuruṣakairvipākapāṇḍubhiḥ phalitaiḥ priyaṅguprāyairaṭavīkṣetrairviralīkṛte vanapradeśe ciraprarūḍhasya raktacandanatarorupari baddham, sarasapiśitapiṇḍanibhairalaktakaiḥ, abhinavaśoṇitāruṇena raktacandanarasena cārdram, jihvālatālohinībhī raktapatākābhiḥ, keśakalāpakāntinā ca kṛṣṇacāmarāvacūlena pratyagraviśasitānāṃ jīvānāmivāvayavairuparacitadaṇḍamaṇḍanam, pariṇaddhavarāṭakaghaṭitabudbudārddhacandrakhaṇḍakhacitam, sutamahiṣarakṣaṇāvatīrṇadinakarāvatāritaśaśineva virājitaśikharam, dolāyitaśṛṅgasaṅgilohaśṛṅkhalāvalambamānagharghararavaghoraghaṇṭayā ca ghaṭitakesarisaṭāruciracāmarayā kāñcanatriśūlikayā likhitanabhastalam, itastataḥ pathikapuruṣopahāramāṛgamivāvalokayantaṃ mahāntaṃ raktadhvajaṃ dūrateva dadarśa / | | kad pb1.1571 | tadabhimukhaśca kañcidadhvānaṃ gatvā, ketakīsūcīṣaṇḍapāṇḍureṇavanadviradadantakapāṭena parivṛtām, lohatoraṇena ca raktacāmarāvaliparikarāṃ kālāyasadarpaṇamaṇḍalamālāṃ śabaramukhamālāmiva kapilakeśabhīṣaṇāṃ bibhrāṇena sanāthīkṛtadvāradeśām, abhimukhapratiṣṭhitena ca vinihitaraktacandanahastakatayā rudhirāruṇayamakaratalāsphāliteneva śoṇitalavalobhalolaśivālihyamānalohitalocanena lohamahiṣeṇādhyāsitāñjanaśilāvedikām, kvacidraktotpalaiḥ śabaranipātitānāṃ vanamahiṣāṇāmiva locanaiḥ kvacidagastikusumakuḍmalaiḥ kesariṇāmiva karajaiḥ kvacit kiṃśukakusumakuḍmalaiḥ śardūlānāmiva sarudhirairnakharaiḥ kṛtapuṇyapuṣpaprakarām, anyatrāṅkuritāmiva kuṭilahariṇaviṣāṇakoṭikuṭaiḥ pallavitāmiva sarasajihvācchodaśataiḥ kusumitāmiva raktanayanasahasraiḥ phalitāmiva muṇḍamaṇḍalairupahārahiṃsāṃ darśayantīm, śakhāntarālanirantaranilīnaraktakukkuṭakulaiḥ śvabhayāt akāladaśitakusumastabakairiva raktāśokaviṭapairvibhūṣitāṅganām, balirudhirapānatṛṣṇayā samāgataiśca vetālairiva tālairdīyamānaphalamuṇḍopahārām, śaṅkājvarakampitairiva kadalikāvanairbhayotkaṇṭhitairiva śrīphalataruṣaṇḍaistrāsodrdhvakeśairiva kharjūravanaiḥ samantādnahanīkṛtām, vidalitavanakarikumbhaavigalitamuktāphalāni rudhirāruṇāni balisikthalubdhamugdhakṛkavākugrastamuktāni vikiradbhirambikāparigrahadurlalitaiḥ krīḍadbhiḥ keśarikiśorakairaśūnyoddeśām, prabhūtarudhiradarśanodbhūtamūrcchāpatiteneva pratibimbitenāstatāmreṇa savitrā tāmratarīkṛtaiḥ kṣatajajalapravāhaiḥ picchilīkṛtājirām, avalambamānadīpadhūparaktāṃśukena grathitaśikhigalavalayāvalinā piṣṭapiṇḍapāṇḍuritaghanaghaṇṭāmālabhāriṇā trāpuṣasiṃhamukhamadhyasthitasthūlalohakaṇṭakaṃ dattadantadaṇḍārgalaṃ lasatpītanīlalohitadarpaṇasphuritabudbudamālaṃ kapāṭapaṭṭadvayaṃ dadhānena garbhagṛhadvāradeśena dīpyamānām, antaḥpiṇḍikāpīṭhapātibhiśca sarvapaśu jīvitairiva śaraṇamupāgatairalaktakarasaraktapaṭairavirahitacaraṇamūlām, patitakṛṣṇacāmarapratibimbānāñca śiraśchedalagnakeśajālakānāmiva paraśupaṭṭiśaprabhṛtīnāṃ jīvaviśasanaśastrāṇāṃ prabhābhirbaddhabahalāndhakāratayā pātālagṛhavāsinīm ivopalakṣyamāṇām, raktacandanakhacitasphuratphalapallavakalitaiśca bilvapatradāmabhirbālakamuṇḍaprālambairiva kṛtamaṇḍanām, śoṇitatāmra, kadambastabakakṛtārccanaiśca paśūpahārapaṭahapaṭuraṭita rasollasita romāñcairivāṅgaiḥ kraratāmudvahantīm, cārucāmīkarapaṭṭaprāvṛtena ca lalāṭena śabarasundarīracitasindūratilakabindunā dāḍimakusumakarṇapūraprabhāsekalohitāyamānakapolabhittinā rudhiratāmbūlāruṇitādharapuṭena bhṛkuṭikuṭilababhrunayanena mukhena kusumbhapāṭalitadukūlakalitayā ca dehalatayā mahākālābhisārikāveśavibrhamaṃ bibhratīm, sambpṇḍitanīlaguggulu dhūpadhūmāruṇīkṛtābhiśca pracalantībhirgarbhagṛhadīpikālatābhiraṅgulībhiriva marhiṣāsuraśoṇitalavālohinībhiḥ skandhapīṭhakaṇḍūyanacalitatriśūladaṇḍakṛtāparādhaṃ vanamahiṣamiva tarjayantīm, pralambakūrccadharaiśchāgairapi dhṛtavratairiva, sphuradadharapuṭairākhubhirapi japaparairiva, kṛṣṇājinaprāvṛtāṅgaiḥ kuraṅgairapi pratiśayitairiva jvalitalohitamūrddharatnaraśmibhiḥ kṛṣṭasarpairapi śirodhṛtamaṇidīpakairivārādhyamānām, sarvataḥ kaṭhoravāyasagaṇena ca raṭatā stutipareṇeva stūyamānām, sthūlasthūlaiḥ śirājālakairgodhāgodhikākṛkalāsakulairiva dagdhasthāṇvāśaṅkayā samārūḍhairgavākṣitena, alakṣmīsamutkhātalakṣaṇasthānairiva visphoṭavraṇabindubhiḥ kalmāṣitasakalaśarīreṇa, karṇāvataṃsasaṃsthāpitayā ca cūḍayā rudrākṣamālikāmiva dadhānena, ambikāpādapatanaśyāmalalāṭavarddhamānārbudena, kuvādidattasiddhāñjanadānasphuṭitaikalocanatayā trikālamitaralocanāñjanadānādaraślakṣṇīkṛtadāruśalākena, pratyahaṃ kaṭukālāvusvedaprārabdhadanturatāpratikāreṇa, kathañcidasthānadatteṣṭakāprahāratayā śuṣkaikabhujopaśāṃtamardanavyasanena, uparyuparyaviśrāntakaṭukavarttiprayogavarddhitatimireṇa, aśmabhedasaṃgṛhītavarāhadaṃṣṭreṇa, iṅgudīkoṣakṛtauṣādhāñjanasaṃgraheṇa, sūcīsyūtasirāsaṅkocitavāmakarāggulinā, kauśeyakakoṣāvaraṇakṣātivraṇitacaraṇāṅguṣṭakena, asamyakkṛtarasāyanānītākālajvareṇa, jarāṃ gatenāpi dakṣiṇāpathādhirājyavaraprārthanākadarthitadurgeṇa, duḥśikṣitaśramaṇādiṣṭatilakābaddhavibhavapratyāśena, haritapatrarasāṅgāramasīmalinaśambūkavāhinā, paṭṭikālikhitadurgāstotreṇa, dhūmaraktālaktakākṣaratālapatrakuhakatantrapustikāsaṃgrāhiṇā, | | kad ub1.19 | api cedānīmānītasyāpi kumārasya na dadāti taralatālajjitā lajjaiva darśanam / | | kad ub1.49 | satyameva garīyaḥ khalu jīvitālambanamidaṃ vinodaśca viyoginīnāṃ yaduta saṃkalpamayaḥ priyaḥ / | | kad ub1.177 | nānuttālatālavṛntavāntajalajaḍakaṇikāsārasekena nivṛttiḥ / | | kad ub1.272 | sasaṃbhramapratipannaśarīreṇa keyūrakeṇa saṃbhāvitatālavṛntayā ca patralekhayānubhāvyārthasajjayā ca niyatyā saṃjñāṃ lambhitaścandrāpīḍaḥ svakṛtapīḍāparādhena bhītamiva lajjitamiva vilakṣamiva nibhṛtasthitaṃ keyūrakamantarbāṣpoparudhyamānakaṇṭhaḥ kathamapi skhalitākṣaraṃ pratyuvāca' / |
|
