| kad ub1.531 | tatastatsaṃnihitābhiḥ strībhiritaratvādapratyabhijñāya yathārabdhakarmavyagrābhirevodbāṣpaśūnyavadanābhiḥ 'bhadra kiṃ pṛcchasi, kutotra vaiśampāyanaḥ' ityāvedyamāne 'āḥ pāpāḥ kimevamasaṃbaddhaṃ pralapatha' iti śūnyahṛdaya eva tāḥ pratārayanantarbhinnahṛdayatvānnāparāḥ pṛcchannevamevottrasta iva hariṇaśāvako yūthaparibhraṃśavilola iva karikalabhako dhenuvirahādutkarṇa iva tarṇako na kiṃcitpaśyanna kiṃcidvadanna kiṃcidālapanna kiṃcidākarṇayanna kiṃcinnirūpayanna kvacittiṣṭhanna kaṃcidāhvayankvāgatosmi kimarthamāgatosmi kva calitosmi kva gacchāmi kiṃ paśyāmi kimārabdhaṃ mayā kiṃ vā karomīti sarvamevācetayamānondha iva badhira iva mūka iva jaḍa ivāviṣṭa iva kaṭakamadhyadeśaṃ yāvattādṛśenaiva vegenāvahat / |
| kad ub1.532 | athendrāyudhapratyabhijñānādvārtayaivānupradhāvitarājaputradarśanācca devaścandrāpīḍa iti samantātsasaṃbhramapradhāvitānāmacetitottarīyaskhalanānāmudbāṣpaśūnyadṛṣṭīnāṃ dūrādeva lajjayā praṇāmakriyayā ca samamevāvanamatāṃ rājanyasahasrāṇāṃ mukhānyavalokya 'kva vaiśampāyanaḥ' ityapṛcchat / |
| kad ub1.566 | jīvato vaiśampāyanasyānyatra kṣaṇamapyavasthānamasaṃbhāvayatā mayaivaṃ pṛṣṭhā bhavantaḥ / |
| kad ub1.599 | na yuktaṃ bhavatāṃ candrāpīḍabhujabalaparirakṣitaṃ gate tasminmahāsādhanaṃ gṛhītvāsyāṃ bhūmau kṣaṇamapyavasthānaṃ kartum' / |
| kad ub1.694 | lohitāyamānātape sāyāhne nirgatya bahulagomayopalepaharite mandamandamārutāhatottaralāyamānadhavalakusumaprakaraśobhini vāsabhavanāṅgaṇe kṣaṇamivāsthāne samāsannapārthivaiḥ saha vaiśampāyanālāpenaiva sthitvā dvitīya eva yāme calitavyaṃ sajjīkuruta sādhanamityādiśya balādhyakṣamṛkṣodaya eva visarjitāśeṣarājaloko vāsabhavanamadhyavasat / |
| kad ub1.737 | deva, yadi candramasyūṣmā, dahane cātiśītalatvam, aṃśumālini vā tamaḥ, tamasvinyāṃ vā divasaḥ, mahodadhau vā śoṣaḥ, śiteradhāraṇaṃ vā śeṣe, parārthānudyamo vā sādhoḥ, apriyavacananirgamo vā svajanamukhātsaṃbhāvyate tato yuvarājepi doṣaḥ / |
| kad ub1.771 | api cedṛśācaritena tenāpyavaśyameva kasyāṃcittiryagyonau patitavyaṃ yena tāvaddurātmanā jātena kevalaṃ sukhaṃ na sthāpitāḥ sarva eva vayam / |
| kad ub1.780 | tathāpi prājñasyāpi bahuśrutasyāpi vivekinopi dhīrasyāpi sattvavatopyavaśyaṃ duḥkhātipātena viśuddhamapi varṣasalilena sara iva mānasaṃ kaluṣīkriyate sarvasya / |
| kad ub1.820 | api ca pariṇāmepi puṇyavatāṃ keṣāṃcideva hi keśaiḥ saha dhavalimānamāpadyante caritāni / |
| kad ub1.850 | yadyasāvanyenānetumeva pāryeta tadā tātasyāpyanullaṅghanīyavacanairebhiravanipatisahasrairānīta eva syāt / |
| kad ub1.914 | ityāvedite taiḥ sādhu kṛtamiti muditacetāstānabhiṣṭutya dṛṣṭiviṣayavartinīmeva kādambarīṃ vaiśampāyanaṃ ca manyamānopraviṣṭāyāmeva patralekhāyāṃ parāpatāmītyagrapradhāvitenāvadhārayaṃścetasā catuḥsamudrasārabhūtānindrāyudharayānugāminasturaṃgamānagaṇeyānavigaṇitaturaṃgagamanakhedānutsāhino rājaputrāṃśca nirūpayannananyakarmā taṃ divasamekāṃ ca yāminīṃ kathaṃ kathamapyasthāt / |
| kad ub1.949 | rājyaṃ hi nāmaitatpṛthvībhāreṇaivātidurudvaham, mahībhṛtsaṃbādhatayaivātisaṃkaṭam, kuṭilanītipracāreṇaivātiduḥsaṃcaram, catuḥsamudraparyantabhuvanavyāptyaivātimahat, mahāsādhanaprasādhyatayaivātiduḥsādhanam, aparyavasānakāryatantrajālenaivātigahanam, uttuṅgavaṃśapratiṣṭhitatayaivātidurāroham ahitasahasroddharaṇenaivātidurdharam / |
| kad ub1.950 | api ca samavṛttitayevātiviṣamamanekatīrthakalpanayaiva duravatāraṃ kaṇṭakaśodhanenaiva durgrahamakhilaprajāpālanavyavahāreṇaiva duṣpāraṃ sarvāśāprāptyaiva ca duṣprāpam / |
| kad ub1.951 | nāmahāsattve nāsthiraprakṛtau nādātari nāsthūlalakṣye nāśucau nāvikrānte nāmahotsāhe nāpriyavādini nāsatyasaṃdhe nāprājñe nāvivekini nākṛtajñe nānudāravyavahṛtau nāsaṃvibhāgaśīle nānyāyavartini nādharmarucau nāśāstravyavahāriṇi nāśaraṇye nābrahmaṇye nākṛpālau nāmitravatsale nāvaśyātmani nānirjitendriye nāsevake padamevādadhāti / |
| kad ub1.984 | candrāpīḍastu tayā pituḥ saṃbhāvanayā sudūramunnamitopyavanamrataramūrtirupasṛtya punaḥ praṇāmenonnamitātmā niryayau / |
| kad ub1.987 | nirgatya ca siprātaṭe tatprasthānamaṅgalāvasthānāyopakalpitaṃ kāyamānamapraviśya bahireva gato yuvarāja iti janitakalakalenātarkitatatkālagamanasaṃbhrāntena parijanena rājaputralokena cetastato dhāvatānugamyamāno gavyūtitritayamiva gatvā sulabhapayoyavase pradeśe nivāsamakalpayat / |
| kad ub1.1049 | ityuktavati meghanāde ghanasamayavardhitābhogamakaradhvajārṇavamadhyapātinīṃ svānumānātkādambarīmutprekṣyotpretya viklavībhavataḥ paryāvartanta ivāsya jaladharāḥ kālapuruṣaiḥ, taḍito madanānalaśikhābhiḥ, avasphūrjitaṃ pretapatipaṭahasvanena, āsāradhārāḥ smareṣubhiḥ, āmandragarjitaṃ makaradhvajadhanurjyāguñjitābhogena, kalāpikekāḥ kāladūtālāpaiḥ, ketakāmodo viṣapari malena, khadyotāḥ pralayānalasphuliṅgarāśibhiḥ, alivalayāni kālapāśaiḥ, balākāśreṇayaḥ pretapatipatākābhiḥ, āpagāḥ sarvakṣayamahāpūraplavaiḥ, durdināni kālarātryā, kuṭajataravaḥ kṛtāntahāsaiḥ / |
| kad ub1.1070 | yenemīdṛśyavasthā harṣahetāvapi madāgamanenubhūyate mahāśvetayā' / |
| kad ub1.1077 | keyūrakādbhavadgamanamākarṇya vidīrṇamānasā na mayā citrarathasya manorathaḥ pūrito na madirāyāḥ prārthanā kṛtārthitā nātmanaḥ samīhitaṃ saṃpāditaṃ na gṛhābhyāgatasya candrāpīḍasya priyamanuṣṭhitaṃ na cāpi hṛdayavallabhasamāgamanirvṛtā priyasakhī kādambarī vīkṣitetyutpannānekaguṇavairāgyā gāḍhabandhānkādambarīsnehapāśānapi chitvā punaḥ kaṣṭataratapaścaraṇāyātraivāyātā yāvadatra mahābhāgasyaiva tulyākṛtimunmuktamivāntaḥkaraṇena śūnyaśarīramuttaralamukhamutplatābaddhalakṣyaśūnyayā dṛṣṭyā pranaṣṭamiva kimapītastato vilokayantaṃ brāhmaṇayuvānamapaśyam / |
| kad ub1.1100 | atīteṣu keṣuciddivaseṣvekadā gāḍhāyāṃ yāminyāmudgiratsviva bhareṇoddīpitasmarānalaṃ jyotsnāpūramindumayūkheṣu, labdhanidrāyāṃ taralikāyām, aprāptasukhā saṃtāpānnirgatyāsminneva śilātale vimuktāṅgī kahlārasurabhiṇā mandamandenācchodānilena vījyamānā, varṇasudhākūrcakairiva karairdhavalitadaśāśāmukhe candramasi nihitadṛṣṭiḥ, 'api nāmāyamebhiramṛtavarṣibhirakhilajagadāhlādakāribhiḥ karaiścandramāstamapi hṛdayavallabhaṃ me varṣet, ityāśaṃsāprasaṅgena devasya sugṛhītanāmnaḥ puṇḍarīkasya smarantī, kathamabhāgyairme mandapuṇyāyāstādṛśasyāpi divyākṛtermahāpuruṣasya tasya nabhasovatīrṇasya bhāṣitamalīkamupajātam, jātānukampena vā yathākathaṃcijjīvitumityeva samāśvāsitā jīvitapriyā tapasvinyapi yena punardarśanameva tena mama na dattam, kiṃ karotu devaḥ sugṛhītanāmā puṇḍarīko yaḥ parāsurevotkṣipya nītaḥ, kapiñjalastu jīvangataḥ kathamiyatā kālena tenāpi niṣkaruṇena vārtāpi me na saṃpāditā' ityetāni cānyāni cālajālāni durjīvitagṛhītā cintayantī jāgratyevātiṣṭham / |
