| dkc pp1.148 | tadanu tasyāḥ pāvakasaṃskāraṃ viracya śokākulacetā bālamenamagatimādāya satyavarmavṛttāntaśravaṇavelāyāṃ tannivāsāgrahāranāmadheyasyāśrutatayā tadanveṣaṇamaśakyamityālocya bhavadamātyatanayasya bhavānevābhirakṣiteti bhavantamenamanayamiti / |
| dkc pp1.149 | tanniśamya satyavarmasthiteḥ samyaganiścitatayā khinnamānaso narapatiḥ sumataye mantriṇe somadattaṃ nāma tadanujatanayamarpitavān / |
| dkc pp3.34 | tato yauvarājyābhiṣiktohamanudinamārādhitamahīpālacitto vāmalocanayānayā saha nānāvidhasaukhyamanubhavanbhavadvirahavedanāśalyavaikalyahṛdayaḥ siddhādeśena suhṛjjanāvalokanaphalaṃ pradeśaṃ mahākālanivāsinaḥ parameśvarasyārādhanāyādya patnīsametaḥ samāgatosmi / |
| dkc pp3.41 | tadanu prabuddho vayasyavargaḥ kimiti niścitya madanveṣaṇāya kutra gatavān / |
| dkc pp4.6 | vāṇijarūpeṇa kālayavanadvīpamupetya kāmapi vaṇikkanyakāṃ pariṇīya tayā saha pratyāgacchannambudhau tīrasyānatidūra eva pravahaṇasya bhagnatayā sarveṣu nimagneṣu kathaṃkathamapi daivānukūlyena tīrabhūmimabhigamya nijāṅganāviyogaduḥkhārṇave plavamānaḥ kasyāpi siddhatāpasasyādeśādareṇa ṣoḍaśa hāyanāni kathaṃcinnītvā duḥkhasya pāramanavekṣamāṇo giripatanamakārṣamiti / |
| dkc pp4.19 | putra kālayavanadvīpe kālaguptanāmno vaṇijaḥ kasyacideṣā sutā suvṛttā nāma ratnodbhavena nijakāntenāgacchantī jaladhau magne pravahaṇe nijadhātryā mayā saha phalakamekamavalambya daivayogena kūlamupetāsannaprasavasamayā kasyāṃcidaṭavyāmātmajamasūta / |
| dkc pp4.25 | tato devasyānveṣaṇaparāyaṇohamakhilakāryanimittaṃ vittaṃ niścitya bhavadanugrahāllabdhasya sādhakatvasya sāhāyyakaraṇadakṣaṃ śiṣyagaṇaṃ niṣpādya vindhyavanamadhye purātanapattanasthānānyupetya vividhanidhisūcakānāṃ mahīruhāṇāmadho nikṣiptānvasupūrṇānkalaśānsiddhāñjanena jñātvā rakṣiṣu paritaḥ sthiteṣu khananasādhanairutpāṭya dīnārānasaṃkhyānrāśīkṛtya tatkālāgatamanatidūre niveśitaṃ vaṇikkaṭakaṃ kaṃcidabhyetya tatra balino balīvardāngoṇīśca krītvānyadravyamiṣeṇa vasu tadgoṇīsaṃcitaṃ tairuhyamānaṃ śanaiḥ kaṭakamanayam / |
| dkc pp5.2 | tasminnatiramaṇīye kālevantisundarī nāma mānasāranandinī priyavayasyayā bālacandrikayā saha nagaropāntaramyodyāne vihārotkaṇṭhayā paurasundarīsamavāyasamanvitā kasyaciccūtapotakasya cchāyāśītale saikatatale gandhakusumaharidrākṣatacīnāmbarādinānāvidhena parimaladravyanikareṇa manobhavamarcayantī reme / |
| dkc pp5.11 | ananyasādhāraṇasaundaryeṇānena kasya purī bhāgyavatīnāṃ taruṇīnāṃ locanotsavaḥ kriyate / |
| dkc pp5.44 | mātaramanugacchantyavantisundarī rājahaṃsakulatilaka vihāravāñchayā kelīvane madantikamāgataṃ bhavantamakāṇḍa eva visṛjya mayā samucitamiti jananyanugamanaṃ kriyate tadanena bhavanmanonurāgonyathā mābhūditi marālamiva kumāramuddiśya samucitālāpakalāpaṃ vadantī punaḥ punaḥ parivṛttadīnanayanā vadanaṃ vilokayantī nijamandiramagāt / |
| dkc pp5.45 | tatra hṛdayavallabhakathāprasaṅge bālacandrikākathitatadanvayanāmadheyā manmathabāṇapatanavyākulamānasā virahavedanayā bahulapakṣaśaśikaleva kṣāmakṣāmāhārādisakalavyāpāraṃ parihṛtya rahasyamandire malayajarasakṣālitapallavakusumakalpitatalpatalāyattatanulatā babhūva / |
| dkc pp5.65 | puṣpabāṇabāṇatūṇīrāyamāṇamānasonaṅgataptāvayavasaṃparkaparimlānapallavaśayanamadhiṣṭhito rājavāhanaḥ prāṇeśvarīmuddiśya saha puṣpodbhavena saṃlapannāgatāṃ priyavayasyāmālokya pādapamūlamanveṣaṇīyā lateva bālacandrikāgateti saṃtuṣṭamanā niṭilataṭamaṇḍanībhavadambujakorakākṛtilasadañjalipuṭāmito niṣīdeti nirdiṣṭasamucitāsanāsīnāmavantisundarīpreṣitaṃ sakarpūraṃ tāmbūlaṃ vinayena dadatīṃ tāṃ kāntāvṛttāntamapṛcchat / |
| dkc pp5.76 | yadā kelīvane rantumanāḥ kuraṅgalocanā locanapathamabhyavartata tadaivāpahṛtamadīyamānasā sā svamandiramagāt / |
| dkc pp5.82 | rājavāhanopi yatra hṛdayavallabhāvalokanasukhamalabhata tadudyānaṃ virahavinodāya puṣpodbhavasamanvito jagāma / |
| dkc pp5.83 | tatra cakoralocanāvacitapallavakusumanikurambaṃ mahīruhasamūhaṃ śaradindumukhyā manmathasamārādhanasthānaṃ ca natāṅgīpadapaṅkticihnitaṃ śītalasaikatatalaṃ ca sudatībhuktamuktaṃ ca mādhavīlatāmaṇḍapāntarapallavatalpaṃ ca vilokayaṃllalanātilakavilokanavelājanitaśeṣāṇi smāraṃsmāraṃ mandamārutakampitāni navacūtapallavāni madanāgniśikhā iva cakito darśaṃdarśaṃ manojakarṇejapānāmiva kokilakīramadhukarāṇāṃ kvaṇitāni śrāvaṃśrāvaṃ māravikāreṇa kvacidapyavasthātumasahiṣṇuḥ paribabhrāma / |
| dkc pp5.89 | nanu satāṃ sakhyasyābhāṣaṇapūrvatayāciraṃ rucirabhāṣaṇo bhavānasmākaṃ priyavayasyo jātaḥ / |
| dkc 1.51 | anyadā tu viyati vyavadāyamānacandrike manorathapriyatamāmavantisundarīṃ didṛkṣuravaśendriyastadindramandiradyuti kumārīpuramupāsaradantaritastiraskariṇyā vidyayā / |
| dkc 1.53 | sa tu prakupitopi tvadanubhāvapratibaddhanigrahāntarādhyavasāyaḥ samāliṅgyetaretaramatyantasukhaprasuptayoryuvayordaivadattotsāhaḥ pāṇḍulohaśṛṅkhalātmanā mayā pādapadmayoryugalaṃ tava nigaḍayitvā saroṣarabhasamapāsarat / |
| dkc 1.57 | śrutvā caitattameva mattahastinamudastādhoraṇo rājaputrodhiruhya raṃhasottamena rājabhavanamabhyavartata / |
| dkc 1.81 | tataḥ pravṛttāsu prītisaṃkathāsu priyavayasyagaṇānuyuktaḥ svasya ca somadattapuṣpodbhavayoścaritamanuvarṇya suhṛdāmapi vṛttāntaṃ krameṇa śrotuṃ kṛtaprastāvastāṃśca taduktāvanvayuṅkta / |
