|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad pb1.1584 | uṣasi cotthāya tasya jaraddraviḍadhārmikasyecchayā nisṛṣṭairdhanavisaraiḥ pūrayitvā manoratham, abhimatamabhiramaṇīyeṣu pradeśeṣu nivasannalpairevāhobhirujjayinīmājagāma / | kad pb1.1585 | ākasmikāgamanaprahṛṣṭasambhrāntānāṃ paurāṇāmarghakamalānīva namaskārāñjalisahasrāṇi pratīcchannatarkiṃta eva viveśa nagarīm / | kad pb1.1586 | ahamahamikayā ca pradhāvitādatiharṣarasavihvalāt parijanāt â 'deva! dvāri candrāpīḍo varttate' ityupalabhyāsya pitā nirbharānandamandagamano mandara iva kṣīrodajalamuttarīyāṃśukamamalamāgalitamākarṣan, praharṣanetrajalabinduvarṣī muktamuktāphalāsāra iva kalpapādapaḥ, pratyāsannavarttibhirjarāpāṇḍumaulibhiścandanavilepanairanupahatakṣaumadhāribhiḥ keyūribhiruṣṇīṣibhiḥ kirīṭibhiḥ śekharibhirbahukailāsāmiva bahukṣīrodāmiva kṣitiṃ darśayadbhiḥ pratipannāsivetracchatraketucāmarairanugamyamāno rājasahasnaiścaraṇābhyāmeva pratyujjagāma / |
|
|
|
|