|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad pb1.379 | parijano'pi cāsyāḥ satatamupaśrutyai nijagāma, tannimittāni ca jagrāha, śivābhyo māṃsabalipiṇḍamanudinaṃ niśyutsasarja, svapnadarśanāścaryyāṇyācāryyāṇāmācacakṣe, catvareṣu śivāvalim upajahāra / | kad pb1.380 | evaṃ gacchati kāle kadācidrājā kṣīṇabhūyiṣṭhāyāṃ rajanyāmalpāvaśeṣapāṇḍutārake jaratpārāvatapakṣadhūsare nabhasi svapne saudhaśikharasthitāyāvilāsavatyāḥ kariṇyā iva bisabalayamānane sakalakalāpūrṇamaṇḍalaṃ śaśinaṃ praviśantam adrākṣīt / | kad pb1.381 | prabuddhaścotthāya harṣavikāsasphītatareṇa cakṣuṣā dhavalīkṛtavāsabhavanastasminneva kṣaṇe sabahumānaṃ śukanāsamāhūya taṃ svapnamakathayat / |
|
|
|
|