|
|
|
|
Text Name | kādambarī |
Transcribed by | students of the Institute of Indian Studies, Faculty of Arts, Charles University, Prague. |
Proofread by | students of the Institute of Indian Studies, Faculty of Arts, Charles University, Prague. |
Notes | ... |
|
|
kad pb1.596 | sarvathā kalpakoṭīrmahāvarāha iva daṃṣṭrāvalayena vaha bāhunā vasundharābhāraṃ saha pitrā' ityabhidhāya svayamābharaṇavasanakusumāṅgarāgādibhirabhyarcya visarjayāñcakāra / | kad pb1.597 | visarjitaścotthāyāntaḥpuraṃ praviśya dṛṣṭvā vaiśampāyanamātaraṃ manoramābhidhānāṃ nirgatya samāruhyendrāyudhaṃ pitrā pūrvakalpitaṃ praticchandakamiva rājakulasya, dvārāvasthitasitapūrṇakalasam, ābaddhaharitavandanamālam, ullasitapatākāsahasram, abhyāhatamaṅgalatūryyaravaparipūritadigantaram, uparacitavikacakamalakusumaprakaram, acirakṛtāgnikāryyam, ujjvalaviviktaparijanam, upapāditāśeṣagṛhapraveśamaṅgalam, kumāro bhavanaṃ jagāma / | kad pb1.598 | gatvā ca śrīmaṇḍapāvasthite śayane muhūrttamupaviśya saha tena rājaputralokena abhiṣekādikam aśanāvasānamakaroddivasavidhim / |
|
|
|
|